Hibru 9:17 - Udél Dwata: Gna Kesfasad ne Lomi Kesfasad

¹⁷ Ke tolo mowil yóm tau funen smulat du yó, là kô kendel gfun le du yó kem kimuhen yó kem dumuhen. Yó he kegfun le du ke deng matay se yóm tau mfun du.

Hibru 9:17 Referans Kwoze

Tekang Kbuten 48:21

Omin Jakub mon du mò ke Jusif, “Tódô tonem se yóm móyón katayu lem blóng ye, okóm tendo eles nô bélê ye Dwata ne angat niten yu semfulék ebè tum tonok tehe fù ye.

Glasya 3:15

Ó kem dumuhu setwoli, wen tulónu kuy lemwót bè yóm sana gel nmò tekuy. Ke hol hget tekuy yóm senfasad tekuy, sal gel wen gónó tekuy fema. Ne yóm senfasad deng fenma laen kô dù tau bud gembek mkó du ne temnù du.

Kun Snulat Jan 14:27

Wen kenek nawa tebelu bélê ye. Hol lómón yóm dou kenek nawa nim tebelu bélê ye ni. Là kóen mkél bè yóm kul kenek nawa yó kem tau là hemtahuhen. Hol bê ye hesbeweg kehedem ye, ne bê ye se abay hlikò.

Hibru 9:16

Bè adat tau tonok, gu laanen là deng mlef yóm tau, sal gel eles snulaten yóm kmò kólólen du bè kem dumuhen yó kem kimuhen. Okóm yó he kessólól le du yóm kimuhen yó ke deng tógó se kton kem tau du yóm katayen.

Hibru 9:18

Senged se bè yóm gna lan hlolò Dwata kul tganay. Là kóen hyu ke là wen yóm litô yóm ógóf fen matay.