Hibru 9:11 - Udél Dwata: Gna Kesfasad ne Lomi Kesfasad

¹¹ Okóm ni ne, deng sut Krays mò blóng tekuy ebè Dwata. Mlan béléen yóm tóbóng alì hyu deng kól bélê tekuy. Sundu bè yó dum gónô Dwata hdà tau te tonok gónón semblóng tekuy, okóm bè tum hol gónô Dwata bè longit, yóm hol tahu duhen, yóm tódô ket du.

Hibru 9:11 Referans Kwoze

2 Kurin 5:1

Nim lówó tekuy ni, hol lómón ke slung. Ke deng bangen gbà nim slung ni, eles tngón tekuy se angat wen tahu gónó tles Dwata du ditu bè longit, yóm gónó kun nmò Dwata, yóm laen dù tul sónen.

Hibru 10:1

Yóm kdê tehe hlolò Dwata yó kem tau Ju ekni, sundu kô yó du he yóm tahu duhen, olo kem hningón yó kem hyu nmò Krays yóm yó. Bè yóm gnan, tendo sensulit le demsù ebè Dwata ket halay. Lemwót bè yóm kessulit le du yó, tódô dilô tekuy là kô le baling gulit yó kem tau tô hloni ebè Dwata ke mlan bè yóm gel dsù le.

Mark 14:58

tehe monen, ‘Angat genbau nim Gónô Dwata deng hdà tau, ne angat tek tlu kdawu bud hemdà du, okóm là hlanu du lem tdok tau.’ ”

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

Hibru 2:17

Bè yóm któbóngen tau, là gbeken du ke là nan tódô hbaling tau anì mkél bélê tekuy kem dumuhen setwoli. Yó gónón na gbót bè yóm kmò tekuy anì du mò blóng tekuy ebè Dwata, ne anì là mili nawahen mò du bélê tekuy, ne anì hol knoduhen tekuy. Bè yóm keseblóngen yó, yó se gónó Dwata hmifót salà tekuy.

Kul Nmò 7:48

Okóm,” mon Stéfén, “là kóen nô lem gónô nmò tau yóm Dwata, yóm hol geta bè kdéen. Wen tehe hsulaten yóm sotu tehe tugoden ekni, monen,

2 Jan 1:7

Deng tey dê ne yóm tmolok sekban deng sekla bè klamangen benwu. Yó kesekban le, gel henkéng le yóm tehe kehbalingen tau Jisas Krays. Yóm tau tmolok yó, olon tmundug kuy, du se yóm hohon Jisas.

Hibru 3:1

Ó kem dumuhu setwoli, yóm deng tnaba Dwata mò kem tauhen. Hol hendem tekuy dé Jisas. Du se yóm deng hógów Dwata elem blóng tekuy mò fen blóng tekuy ebè Dwata bè yóm kehtahu tekuy.

Kun Snulat Jan 4:25

Ne yó bud monen mò ke Jisas yóm libun yó, monen, “Tngónu angat sut yóm Misaya. Sok sut, angat gotu tulónen tekuy yóm kdéen.”

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Kem Lingón 40:7

Ne tahu se, gungolu uu, ne yó monu mò kóm, “Ni ou. Yó kem kóm hlolò dou, hono lemwót lem yóm bok gónón nô yó kem kóm hlau.

Hibru 7:1

Nim Mélkésédék monu ni koni, tehe tau hol geta mogot yóm benwu boluyen Salim, ne lelen du he yóm fen semblóng kem tau ebè Dwata, yóm hol geta bè kdéen. Bè yóm tehe kulék Abraham bè yóm katuen bè yó kem fat tau hol geta hmohon du, bè yóm hanà tolo knóen bè lan, senlong Mélkésédék. Yó nmò Mélkésédék mni béléen bè Dwata ne wen oluhen du.

Isaya 59:20

Yó udél Dwata ebè yó kem tauhen, monen, “Yu yóm kdê deng kmogol yó kem salà ye, angate mógów elem blóng ye bè yó bè Jirusalim naw e nofin yu ne hewau yu.

Hibru 4:15

Yóm gel blóng tekuy ebè Dwata yó, deng gotu tngónen yóm gónó tekuy gel lunog, ne tey kkoduhen tekuy. Abay se bè yóm tehe knóen te tonok, deng gnómen se kun yóm kdéen sindil lómón yóm tekuy, okóm là gemsalaen yó yóm kun.

Kulasi 2:11

Bè yóm deng kessotu ye bè Krays, deng wen ilô nmoen bélê ye. Sundu bè kehtulì du, okóm yóm ilô nmò Krays, duhen yóm là bud kegfét ye du ne yóm óyô ye mò sidek.

Matyu 11:3

anì snólók le béléen ke deng duhen du ne yóm tau hógów Dwata tehe gel tulónen, duhen ke na le na nangat he?

Matyu 2:6

‘Nim Bitlihim, sotu benwu udì glem bè yóm kun benwu Juda. Balù yóm tey kudien, là kóen na a glaan bè yó kem syudad bè yó, yakà bè nim benwu udì ni gónón sut yóm tau mò malak yó kem dou tau Israél.’ ”

Tekang Kbuten 49:10

Yóm tuged gel nogot yóm tau hol geta mò ilô yóm kfasangen mogot tau, là kóen lana bè kun ból Juda efet kól yóm sotu sfuhen hol mfun du mogot yóm klamangen. Bè yóm kkólen, gotu nimón yó kem tau bè klamangen benwu.

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Jirimaya 33:8

Gotu bud hólósu lu bè kdê yó kem salà le béléu ne tódô gotu hnifótu yóm kdê salà le bè yóm là kimón le dou.

2 Kurin 4:18

Là kô kenteng mata me du yóm dê ton talak tonok, olo kem hlunen yó du kem yó. Okóm yó dé hol sen-galu nawa me yóm kimu bè longit, yóm là deng sulék ton mata du, kimu laen dù tul sónen.

Hibru 12:27

Yó hol lanen yóm udél Dwata yó koni, tulónen yóm angat gotu ksinsigen yóm kdéen deng tehe dlimunen ekni mò hol són le. Yó tlesen du yóm là gbeken megsinsig, duhen yó se kem laen dù tul són le.

Hibru 13:14

Abay se nim benwu gónó tekuy nô ni, olo hlunen. Wen he yóm hol tahu benwu ditu bè longit, ne yó se hendón nangat tekuy ni kmoen ni.