Hibru 9:10 - Udél Dwata: Gna Kesfasad ne Lomi Kesfasad

¹⁰ Bè yó kem gel hlolò le kul yó, olon gbak ebè yóm gel ken le ne yóm gel ninum le ne yóm gel kolob le mò gónó le baling mólós. Yóm kdê hlolò le kul yó, olo kem kul beyen nmò bè lówó. Són kwen mu le du, són yóm klaen deng lomi lan nmò Dwata mò lan le hloni ebéléen.

Hibru 9:10 Referans Kwoze

Kulasi 2:16

Duhen yó, hol bê ye abay hnungol ke dê hlii le kuy bè ken ne bè ninum, ne ke dê hlolò le kuy bè yó kem dumu kdaw, ne bè ksut yóm lomi bulón, ne bè yóm Kdaw Kehegnô.

Ifisus 2:15

Gotu kóhen yóm tey dê lolò me mi kem tau Ju anì baling tekuy ssotu, balù yóm kestólóng tekuy tau. Là bud tekuy sfohon ne.

Hibru 7:16

Yóm keseblóngen yó, là lemwóten bè yóm kun kesfu gónó le mélék du, okóm yó gónó Dwata mélék du, abay se tey kfasangen lemwót bè yóm klaen dù sónen yóm klowilen.

Hlolò 16:24

Ominen yó dyo ditu lemen ne bud leseken yóm sana kun nes. Ominen yó he hewà nan e dsù yóm ubiha logi mò kun dsù hkekeb ebè Dwata ne yóm sotu ubiha logi mò kul dsù hkekeb ebè Dwata yó kem dumuhen Israél. Bè yóm kmoen du yóm yó gotu kóhen yóm kun salà dalang se kul salà yó kem dumuhen Israél.

Hibru 10:22

Yó gónóm mon, hol tekuy hloni ebè Dwata dé. Hol hewót tekuy lem but blutut tekuy yóm kehloni tekuy yó, mung du yóm hol kehtahu tekuy béléen. Yakà deng hólósen tekuy Jisas, yó gónón deng mkó ta tekuy ne yó kem salà tehe gel hemblat tekuy. Hol lómón ke deng denyohen tu lem yóm tey él tikaw.

Hibru 9:1

Bè yóm tanay nmò Dwata mò lan le hloni ebéléen yó kem Ju, wen hloloen kul bè yóm kmò le du. Ne wen gónô Dwata hmoen kul mò gónó le gel mò du yóm hloloen kul.

Hibru 6:5

Ne deng tehe gnómen snéen yóm tey kehyuhen yóm kun Udél Dwata, ne yóm tey kfasang Dwata, yóm kfasang angat hol hegfanen elem hulin kdaw.

Hibru 2:5

Wen yóm gel tulón me kuy, duhen yóm lomi benwu angat nmò Dwata. Nim lomi benwu nmoen ni, là kô hfogoten du yó kem hógówen gu bè longit.

Hlolò 16:4

Yó bud hlolò Dwata ke Aron gu laan Aron là deng husek elem yóm Dfél hol gónón nô Dwata yó, nan gna dyo ne leseken yóm nes gel lesek yóm tau blóng ebè Dwata, yóm nes tahà ne yóm sewel ukol suen lemen ne hyu hmilet ne mulew, bede hono bukay yóm leseken yó.

Kehewà 40:12

Ominem mit ke Aron ne yó kem ngaen logi ebè bak dól yóm Gónô yó anì denyohem lu bè yó.

Hibru 13:9

Bê ye abay gmung bè yó kem tolok sekban, kô niten yu hetlas bè yóm tahu lan. Laen kô dumu hembegel du yóm kehtahu tekuy, tek són yóm kun tóbóng Dwata. Là kóen lemwót bè yóm dê hlii le tekuy bè ken. Yó kem tau lemolò du yóm yó, balù udì ke wen tóbóngen kul bè yóm kehtahu le.

Hibru 6:2

Bê tekuy bud sensulit yóm ktolok bè kbabtays, ne yóm kmò knok tekuy tau bè yóm kni tekuy béléen bè Dwata, ne yóm angat klowil tau, ne yóm angat kkukum Dwata yóm kdéen tau, ne yóm klaen dù sónen yóm kukumen yó.

Ifisus 1:10

Yó atulen, duhen yóm gotu kessotuhen gónó le kmulu yó kem kentihen nô bè longit ne kentihen nô te tonok. Ne yó gónó le mogot, duhen Krays. Gotu nmoen nim atulen ni sok deng hto yóm butengen mò du.

Glasya 4:9

Okóm ni, deng tngón ye Dwata, o, monu dé, deng tngón Dwata yu. Ke lómón se ni kmoen, moen se ke bud ye ghesek bè yó kem dê hlolò le kuy lem nim benwu ni? Igoen laen dù kgis le tmóbóng kuy yó kem yó, balù udì.

Mark 7:4

Ne yóm gel benli le bè fedyan, là kô kendel ken le du ke là na le nolob du. Ne tey dê he dumu gel lolò le. Balù bè tgayan le ne kuleng le ne tukung le, sana gónó le mò du yóm hlau yó, balù yó kem dumu ngom gu lem gónô.)

Hibru 7:12

Bè yóm ketles Dwata du yóm tau mò blóng le ebéléen, tenlesen snéen yóm hlau tehe gna hloloen kul.