Hibru 8:7 - Udél Dwata: Gna Kesfasad ne Lomi Kesfasad

⁷ Ke gbeken mit tau ebè Dwata yóm gna lolò le, là kô nan e tenles du.

Hibru 8:7 Referans Kwoze

Hibru 7:11

Bè yóm kdaw tehe keblay Dwata yó kem hlauhen bè yó kem tau Israél, yó hol hogoten du yó kem tau semfu gu bè Libay. Ke deng tehe gulit kogot le du, là kô tenles Dwata kul. Okóm là gulit le. Yó gónó Dwata mélék yóm sotuhen, yóm mkél bè Mélkésédék. Là néléken du yóm mkél ke Aron, yóm semfu gu bè Libay.

Hibru 7:18

Duhen yó, deng tenles Dwata yóm tehe gna hloloen kul tganay, abay se laen dù nefeten, là gbeken tmóbóng kem tau.

Glasya 3:21

Déke ofo kuy mon du là segmung le hlau Musis yóm fasad Dwata. Là kô yó du. Ke gbek yóm hlau bemlay tekuy yóm klowil laen dù sónen, deng duhen yó ne yóm lan tekuy baling tedeng bè kton Dwata tekuy. Okóm là kô yó du.

Hibru 8:6

Okóm ni, deng nmò Dwata Jisas mò blóng ebéléen, ne tey hyu yóm nmoen senta yóm kul nmò yó kem tau gel demsù te tonok. Ne tey mdengen snéen yóm kun nmò Jisas mò lan tekuy ebè Dwata senta yóm gnan. Yó gónón alì hyu yóm kun, abay se alì hyu yóm fasad Dwata bélê tekuy mung du.