Hibru 8:5 - Udél Dwata: Gna Kesfasad ne Lomi Kesfasad

⁵ Yóm kul gel nmò yó kem tau gel demsù ni, tódô gel nulit le yóm tahu duhen gel nmò le bè longit. Yóm gel nmò le yó, olo olungen. Hol lómón yóm ke Musis ekni. Bè yóm kdaw kehdaen yóm Gónô Dwata gel nit le mógów, wen tulón Dwata du, yó monen, “Tódô nulitem kdê yóm deng hegfanu béléem ditu ta bulul Sinay.”Okóm ni, deng nmò Dwata Jisas mò blóng ebéléen, ne tey hyu yóm nmoen senta yóm kul nmò yó kem tau gel demsù te tonok. Ne tey mdengen snéen yóm kun nmò Jisas mò lan tekuy ebè Dwata senta yóm gnan. Yó gónón alì hyu yóm kun, abay se alì hyu yóm fasad Dwata bélê tekuy mung du.

Hibru 8:5 Referans Kwoze

Kulasi 2:17

Ni kem dê tô hlolò le kuy ni, olo olung yóm tahu duhen sut hulihen kdaw, duhen Krays.

Hibru 10:1

Yóm kdê tehe hlolò Dwata yó kem tau Ju ekni, sundu kô yó du he yóm tahu duhen, olo kem hningón yó kem hyu nmò Krays yóm yó. Bè yóm gnan, tendo sensulit le demsù ebè Dwata ket halay. Lemwót bè yóm kessulit le du yó, tódô dilô tekuy là kô le baling gulit yó kem tau tô hloni ebè Dwata ke mlan bè yóm gel dsù le.

1 Tutul Israél 28:19

Yó tulón Dabid ke Selumun, monen, “Nim kdê ni kem ni, deng gotu hsulat Dwata do, ne tey htukulen béléu yóm nóyô hmoen.”

1 Tutul Israél 28:12

Gotu blay Dabid ke Selumun yóm kdê atul mò loloen bè kmoen lósól yóm Gónô Dwata, ne yóm kdê dfél hmilol du, ne yó kem dfél gónó le hemyu yó kem kimu mebtes deng hetfing le ebè Dwata, ne yóm dfél gónó le hemyu yó kem basa le ke Dwata yó kem tau, gotu ogu Dabid ke Selumun.

Hibru 9:9

Nim gel nmò le ni, wen hnigaden bélê tekuy ni kmoen ni. Yó hnigaden, yóm gel blay le ebè Dwata, ne yóm ógóf gel dsù le ebéléen, là kô gbeken hgulit du yóm tau mò du.

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

Kul Nmò 7:44

Okóm,” mon Stéfén, “bè yóm tolo knô le bè yóm benwu laen dù tau menwu du, wen snéen gónô gónó Dwata nô lem blóng le tehe gel nit le. Tehe hmò Dwata kul yóm gónóen yó, gotu tulónen ke Musis yóm mò angat kmò le du, hyu hegfanen béléen yóm mò kmoen du.

Matyu 2:12

Bè yóm kulék le, tólóng ne lan lolò le, abay se bud wen hekna Dwata kul anì là bud le mlan bè Hirod sok le mulék.

Hibru 13:10

Deng wen se mdengen dsù tekuy yóm kdê tekuy deng hemtahu bè Jisas. Okóm yó kem Ju gel demsù bè yóm kul gónô gel demsù, laen dù kwalis le mken du kul yóm dsù tekuy yó.

Deng Hegfan 15:5

Kogol yóm kesngal le yó, tódô tonu hnas yóm gónô Dwata bè longit, ne tonu snéen yóm dfél gónóhen nô Dwata.