Hibru 8:4 - Udél Dwata: Gna Kesfasad ne Lomi Kesfasad

⁴ Ke tolo nô bè ni te tonok, là kóen hyu ke du fen demsù ebè Dwata, abay se deng wen yó kem dumu tau gónó le gel hlan du yóm gel blay le ke Dwata. Yóm blay le yó, tódô lolò le yó kem kul hlau yó kem Ju.

Hibru 8:4 Referans Kwoze

Hibru 5:1

Bong yóm tau mò fen gel blóng le ebè Dwata yó kem Ju, sal gel nélék le bè yó kem dumu le tau. Sal gel mlan béléen ke wen gel dsù le ebè Dwata, duhen ke wen gel blay le ebéléen bè yóm kegsalà le.

Lista 16:40

Nim lafin lenubaken ni mò eles gónó le temgama yó kem tau Israél anì laen dù tau mógów bè solu Dwata mò mtem insinsu ke là tauhen semfu gu bè Aron. Ke wen tólóng tau tô mò du angat mkél kul le Kura ne yó kem lemolò du, gotu le meglà matay. Tahu se, gotu nmò Ilisar yóm kdê deng hlolò Dwata du hlanen bè Musis.

Hibru 11:4

Bè yóm tehe Abél ekni, lemwót bè yóm kehtahuhen bè Dwata gónón mò du yóm dsù kun kóyô Dwata, fen là yó dum twoguhen Kain. Lemwót bè yóm kehtahu Abél, yó gónón tedeng kton Dwata du, ne bud bè yó gónó Dwata hemmóyô du yóm dsuen. Balù yóm deng katayen, tolo wen dnalang tekuy béléen lemwót bè yóm kehtahuhen bè Dwata.

Hibru 7:27

Là kóen na a mkél bè yó kem dumu tau tehe gel blóng le ebè Dwata. Ke bélê le kul, sal gel wen dsù le ket kdaw. Tanay gónó le gel demsù bè yóm kul salà, omin le tmodol demsù bè salà yó kem dumu tau. Okóm là ke Jisas kun. Tek suléken demsù, bede yó dsuen, kun lówó. Yóm kun kedsù yó, laen kô bud seefen.

Hibru 8:3

Bè ni te tonok, yóm tau mò blóng le ebè Dwata, yó gónó le mélék du anì mlan béléen yóm gel blay le ke Dwata ne yóm ógóf gel dsù le ebéléen. Senged se yóm fen semblóng tekuy ebè Dwata, là hyuhen ke là wen dsuen se kun.

Hibru 9:9

Nim gel nmò le ni, wen hnigaden bélê tekuy ni kmoen ni. Yó hnigaden, yóm gel blay le ebè Dwata, ne yóm ógóf gel dsù le ebéléen, là kô gbeken hgulit du yóm tau mò du.

Hibru 10:11

Yó kem Ju gel demsù ebè Dwata, ket kdaw le mò du yóm kul nmò. Deng hónô solò yóm gel kedsù le, ewenem, là kô gbeken mkó du yó kem salà le.