Hibru 8:10 - Udél Dwata: Gna Kesfasad ne Lomi Kesfasad

¹⁰ Bud mon yóm gónó le mogot, ni se angat nmou bè yó kem tau Israél elem hulin kdaw mò lan le hloni ebéléu. Suu lem hendem le yóm dou hlau, ne bud hnóu lem nawa le snéen. Ne ou se baling kul Dwata, ne lu se baling dou tau.

Hibru 8:10 Referans Kwoze

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

2 Kurin 3:3

Nim sulat monu ni, mahil dmilô du ke Krays fen smulat du, ne olon heted du kum. Bede là kô lan tdok du, kaem Tulus Dwata mò du, yóm Dwata laen dù tul katayen. Ne là se kô snulaten du bè botu kufil, kaem lem hendem ye gónón smulat du.

Dwata 30:6

Wen óyô mimón angat blay Dwata kuy dalang se yó kem angat semfu gu bélê ye anì hol lemwót bè nawa ye yóm kbong nawa ye du ne mowil ye.

Jirimaya 24:7

Angat wen nawa hyu blayu kul anì hol dilô le ou yóm sana kul Dwata hol gónó mogot. Angat bud lu se dou tau ne bud ou se kul Dwata, abay se hol lemwót bè nawa le yóm bud kesfulék le ebéléu.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Sulat Pol Ebè Yó Kem Tau Hemtahu Bè Rom 11:27

Bè yóm kkóhu du bélê le yóm salà le,” mon Dwata, “yó se deng gónón tahu edu yóm tehe fasadu kul.”

Sulat Jim 1:21

Yó gónóm mon, hol kó ye yó kem kdê gel nmò ye là mólósen, ne yó kem dumu sidek gel nmò ye. Nimón ye Dwata dé, ne henmóyô ye yóm udélen deng hnóen lem hendem ye, kaem yó se gembek hegewà kuy gu lem hatay.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

1 Pitér 1:23

Wen lomi klowil blay Dwata tekuy hlanen bè udélen, yóm udél laen dù tul sónen. Là kóen lemwót bè kul klowil yó kem tuha tekuy yóm klowil yó, bede hol lemwót bè Dwata, yóm laen dù tul katayen.

Sikaraya 8:8

Bud nwitu lu semfulék anì nô le bè ni bè Jirusalim. Lu se yó kem dou tau ne ou se kul Dwata. Là kóen na a monol yóm nawahu ebélê le ne angat hono tedeng yóm nmou bélê le.

Sulat Jim 1:18

Deng tódô lemwót bè kun kóyô yóm kehbalingen tekuy kem kun ngà mlan bè kdilô tekuy du yóm ktahu yóm kun udél. Henbalingen tekuy kem ngaen anì lemyu tekuy senta yó kem dumu tehe dlimunen.

Isikél 37:27

Tódóe nô lem blóng le. Ou se mò kul Dwata ne lu se mò dou tau.

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Jirimaya 32:40

Angat wen senfasad me yóm fasad laen dù tul sónen. Fasadu kul yóm tendo keblayu kul yóm hyu. Suu bè nawa le yóm tendo klikò le dou ne là kô bud tebel le do.

Jirimaya 32:38

Lu se mò dou tau ne ou se mò kul Dwata.

Matyu 22:32

‘Ou se sana kul Dwata le Abraham ne Isak ne Jakub.’ Bè yóm udél Dwata yó gónó ye temngón du yóm deng bud kehlowil Dwata kul. Abay se yóm Dwata, du se Dwata yó kem mowil, là bè yó kem là mowilen.”

Hibru 11:16

Okóm wen benwu hendeen le hyu senta yóm benwu yó, duhen yó sem benwu bè longit. Yó gónóm mon, laen kô gónó Dwata myak du yóm kmon le du, “Dwata lolò me kum.” Deng gotu hentifes Dwata bélê le ne yóm benwu gónó le angat nô.

Kehewà 34:27

Yó mon Dwata mò ke Musis, “Snulatem ni kem udél ni abay se lemwót bè ni kem hlolou kuy ni gónón mbut yóm deng kesfasad tekuy kem tau Israél.”

Kehewà 24:4

Gotu snulat Musis yó kem kdê hlau Dwata. Hol hlafus hayahen bè yó, wen botu sensodoen mò gónó le demsù ebè Dwata bè yó bè but yóm bulul. Bud wen sfolò lewu botu tmahà hdaen hilolen, ket sotu botu bè ket ból yóm sfolò lewu kem ngà logi yóm tehe Israél.

Husiya 1:10

Okóm angat kól yóm kdawen bè yó kem tau Israél yó, angat tey kwen le lómón helek bè kilil mohin, là gbekem msó kul. Ominen bè yóm benwu tehe gónó Dwata mon du mò kul, ‘Là do tau du,’ bud bè yó se angat gónó Dwata mon du mò kul, ‘Yu se hol kun ngà yóm Dwata laen tul katayen.’

Jirimaya 31:1

Yó udél Dwata, monen, “Angat kól yóm kdawen bud ou se Dwata nulék yóm kdéen sfu Israél ne lu se yó kem dou tau.

Husiya 2:23

Bè yóm kdaw yó, hol lómón ke huluhu lu yó kem tau Israél ta yóm dou tonok mò hol dou nfun. Yó kem tau tehe bnoluyu ‘Là kenbong nawa’ hol hegfanu bélê le yóm kbong nawahu kul. Ne yó kem tau tehe bnoluyu ‘Là dou tau du’ yó se angat monu mò kul, ‘Yu se kem dou tau.’ Ne yó se kul balà do, mon le, ‘Uu se yóm kum Dwata.’ ”

Kehewà 24:7

Ominen ma yóm bok gónóhen smulat du yóm deng senfasad le Dwata yó kem tau, ne gónóhen nô yó kem hlau Dwata kul ne hgelen udélen semfala du bè yó kem tau. Ne yó fasad le ke Dwata yó kem tau, mon le, “Nimón me yóm sana kum Dwata hol gónó mogot ne gotu nmò me yóm deng hlauhen kum.”

Kehewà 34:1

Yó mon Dwata mò ke Musis, “Budi mò lewu botu kufil lómón yóm gnan ne bud snulatu du yó kem udél tehe nô bè yóm gnan, yóm deng btuem.

1 Kurin 6:16

Deng hónô tngón ye yóm logi, ke sentungóen yóm libun hdóyón, deng ssotu ne lówó le. Abay se deng monen bè Sulat Dwata, monen, “Ke deng sgefet lówó le yóm lewu le, deng le baling ssotu ne.”Okóm yóm tau ke deng hemtahu bè yóm gónó tekuy mogot, deng le baling ssotu ne yóm gónón mogot.