Hibru 7:9 - Udél Dwata: Gna Kesfasad ne Lomi Kesfasad

⁹ Bong ke Libay kun, yóm tau gónó le gu semfu yó kem tau gel ma yóm gesfoloen, bè yóm keblay Abraham ke Mélkésédék yóm kun bad ebè Dwata, hol lómón ke Libay snéen yóm bemlay,

Hibru 7:9 Referans Kwoze

Sulat Pol Ebè Yó Kem Tau Hemtahu Bè Rom 5:12

Bè hol kbuten, lemwót bè kegsalà Adam gónón wen salà lem benwu. Lemwót bè kegsalaen gónón wen hatay. Ne yó gónón lemwót matay kdéen tau abay se gotu le gbót gemsalà.

Tekang Kbuten 14:20

Hol megdóyón he yóm Dwata hol geta bè kdéen, yóm deng hatù kóm bè yó kem hohonem.” Omin Abram bemlay du ke Mélkésédék yóm gesfolò yó kem kimu deng bud niten mulék, yóm deng negef yóm fat kem tau hol geta.

Hibru 7:4

Ngem yóm tey kegetahen nim Mélkésédék ni. Balù Abraham, yóm tehe fù tekuy alì tótól, sana keblayen du yóm gesfoloen bè yó kem kdê kimu deng negefen bè gida.

Dwata 26:12

Bè ket getluhen halay, hol blay ye yóm gesfoloen gel bad ye ke Dwata bè kem hulu ye bè yó kem sfu Libay ne bè yó kem tólóng tau menwu lem blóng ye ne bè yó kem ngà hikit ne bè yó kem libun bolu. Yó gónó ye mò du nim ni, anì yó ket tau bè ket benwu ye wen kun gónó ma mò ken le. Ke deng nmò ye nim ni,

Matyu 7:8

Ket tau ke wen hnihen bè Dwata, gutahen. Ke wen hnebelen, tonen. Ke mbal gu bak sut, hotun Dwata.

Hibru 7:8

Yó kem tau gel demsù ebè Dwata, lu fen ma du yóm gesfoloen. Matay le se kul, abay se sana kmò tau. Bong ke Mélkésédék kun, tódô nwahen yóm gesfoloen, bede lemwót bè yóm snulat le bè Sulat Dwata, hol lómón ke là matayen.

Hibru 7:10

abay se bè yóm kdaw keslong Mélkésédék ke Abraham, hnikót he ke Libay kun, là dengen tau he. Tolo nô lem lówó Abraham, yóm tau gónón gu semfu.