Hibru 7:7 - Udél Dwata: Gna Kesfasad ne Lomi Kesfasad

⁷ Bè ktahuhen, tey geta yóm tau molu senta yóm tau noluhen.

Hibru 7:7 Referans Kwoze

2 Tutul Israél 30:27

Yó kem tau gel blóng ebè Dwata ne yó kem sfu Libay, mni le ebè Dwata bè yó kem tau, ne hnungol Dwata ditu bè gónón nô bè longit yóm kni le yó.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

2 Kurin 13:14

Yó hem gónó tekuy mogot Jisas Krays hol tendo tmóbóng kuy, ne tendo gfan bélê ye he yóm kbong nawa Dwata kuy, ne yóm knóen bélê ye yóm Tulus Dwata.

1 Bok Kem Tau Hol Geta 8:55

Bè yóm kdaen bè yó, hgelen udélen bè yóm knihen kul bè Dwata yóm kdéen tau Israél, monen,

2 Samwél 6:20

Bè yóm kulék Dabid ebè gónóen anì nan e mni bè Dwata bè yó kem fes lówóhen, senlong Mikal yóm ngà Sol libun yehenen, ne yó monen mò du, “Étey, tey kehtótólen yóm kun boluy kemdaw ni yóm tau hol geta bè Israél. Tódô htonen knóen lem blóng yó kem libun tóbóng lówó yó kem genlalen, lómón kmò yóm tau laen dù kenyaken.”

Dwata 32:1

“Ó longit, hnungolem nim monu ni. Dalang se kóm tonok, henklinguhem nim btang bè sumóngu.

Tekang Kbuten 49:28

Ni se yó kem tau gónó le gu semfu yó kem sfolò lewu but tau bè Israél. Ni se yóm hol són udél tebel mà le bélê le yóm ket kul ne sotu bè yóm koluhen kul.

Hibru 7:6

Okóm ke Mélkésédék kun, là semfuhen gu bè Libay se kun. Okóm tódô nwahen yóm gesfoloen blay Abraham du, ne wen oluhen ke Abraham bè yóm igoen mni béléen bè Dwata. Igoen Abraham he yóm tau gónó Dwata hol hlan du yóm fasaden.

Hibru 7:8

Yó kem tau gel demsù ebè Dwata, lu fen ma du yóm gesfoloen. Matay le se kul, abay se sana kmò tau. Bong ke Mélkésédék kun, tódô nwahen yóm gesfoloen, bede lemwót bè yóm snulat le bè Sulat Dwata, hol lómón ke là matayen.