Hibru 7:3 - Udél Dwata: Gna Kesfasad ne Lomi Kesfasad

³ Nim Mélkésédék ni, laen kô snulat le mò gónó tekuy temngón du ke tau du tehe maen ne yéen, ne tau du tehe fuen. Senged se bè yóm tehe kdaw ksuten ne bè yóm tehe katayen, laen dù smulat du. Ne lemwót bè yóm là ketngón tekuy du yóm katayen, wen gónón skél bè yóm Ngà Dwata, abay se laen dù tul sónen yóm keseblóngen tau ebè Dwata.

Hibru 7:3 Referans Kwoze

Hibru 7:17

Yakà wen yóm tehe mon Dwata bè Sulaten, monen, “Uu se yóm fen hol blóng tau ebéléu, ne laen kô tul sónen yóm kmoem du, hol lómón yóm tehe keseblóng Mélkésédék yó kem tau ebéléu ekni.”

Hibru 7:6

Okóm ke Mélkésédék kun, là semfuhen gu bè Libay se kun. Okóm tódô nwahen yóm gesfoloen blay Abraham du, ne wen oluhen ke Abraham bè yóm igoen mni béléen bè Dwata. Igoen Abraham he yóm tau gónó Dwata hol hlan du yóm fasaden.

Matyu 4:3

Tódô sut béléen Seitan, ne monen mò du, “Ke tahu uu Ngà Dwata, henbalingem ken kun ni kem botu nii.”

Lista 1:18

gotu sentifun le yóm kdéen tau Israél bè yóm tanay kdaw bè yóm gewuhen bulón. Yó gónó le gotu semtifun kul anì gotu le hsulat boluy ne bè yóm kehsulat le, hlan le bè ktolen ne hlan le bè fes lówó le. Ne yó nmò le bè yóm kdéen logi lemwót bè lewu folò halayen duhen ke deng mukas, gotu lista le lu ne gotu nsó le lu

Hibru 4:14

Duhen yó, hol hbegel tekuy yóm kehtahu tekuy. Yakà wen yóm tey hyu fen semblóng tekuy ebè Dwata, deng gna kól ditu ne bè soluhen. Du se Jisas, yóm Ngà Dwata.

Hibru 7:1

Nim Mélkésédék monu ni koni, tehe tau hol geta mogot yóm benwu boluyen Salim, ne lelen du he yóm fen semblóng kem tau ebè Dwata, yóm hol geta bè kdéen. Bè yóm tehe kulék Abraham bè yóm katuen bè yó kem fat tau hol geta hmohon du, bè yóm hanà tolo knóen bè lan, senlong Mélkésédék. Yó nmò Mélkésédék mni béléen bè Dwata ne wen oluhen du.

Hibru 7:2

Ne lemwót se ke Abraham kun, gotu blayen ke Mélkésédék yóm gesfoloen mò baden ke Dwata bè yó kem kimu deng negefen bè yó kem hohonen. Yó lanen yóm boluy Mélkésédék, duhen “Tau geta tedeng knawahen.” Bud du se hol geta bè benwu Salim. Yó gónó le moluy du “Tau geta menek kbenwuhen.”