Hibru 7:23 - Udél Dwata: Gna Kesfasad ne Lomi Kesfasad

²³ Wen sotu gónón stólóng yóm ke Jisas ne yóm gnan. Yó kem dumu tau mò blóng le ebè Dwata ekni, tey le wadag, abay se matay le se kul, là gfuhen yóm nmò le.

Hibru 7:23 Referans Kwoze

Hibru 7:8

Yó kem tau gel demsù ebè Dwata, lu fen ma du yóm gesfoloen. Matay le se kul, abay se sana kmò tau. Bong ke Mélkésédék kun, tódô nwahen yóm gesfoloen, bede lemwót bè yóm snulat le bè Sulat Dwata, hol lómón ke là matayen.

Matyu 3:14

Okóm mom yó balà Jan du, monen, “Béi mom hbabtays béléu, ou dé bnabtaysem.”

Hibru 7:21

Tey mget yóm tehe udél Dwata ebè Jisas ekni, yóm monen, “Ou se gónóm mogot, ni hol fasadu kóm, ne là kóen megetles nim fasadu kóm ni: Uu se yóm fen hol blóng tau ebéléu, ne laen kô tul sónen yóm kmoem du.”

Hibru 7:22

Duhen yó, lemwót bè yóm deng fasad Dwata ke Jisas yó, yó se gónóhen alì hyu yóm nmò Jisas mò lan tekuy hloni ebè Dwata.

Hibru 7:24

Okóm tólóng yó dum ke Jisas, abay se laen dù tul katayen. Tódô hlós yóm kun keseblóng tau ebè Dwata, laen dù tau mò tlesen.