Hibru 7:22 - Udél Dwata: Gna Kesfasad ne Lomi Kesfasad

²² Duhen yó, lemwót bè yóm deng fasad Dwata ke Jisas yó, yó se gónóhen alì hyu yóm nmò Jisas mò lan tekuy hloni ebè Dwata.

Hibru 7:22 Referans Kwoze

1 Kurin 11:25

Timbow deng kken le, ominen ma yóm tgayan gónón nô yóm ninum le, ne monen mò kul, “Nim ninum ni, hol hnigaden yóm lomi fasad nmò Dwata mò lan ye ebéléen, dou litô mò hemget du. Bè ket kinum ye du nim ni, hol gel hentulón ye ou nawa.”

Tekang Kbuten 44:32

Lelen yó he,” mon Juda, “deng blayu klowilu bè yóm twolihu ni. Deng monu mò ke mà, ‘Ke là nwitu du mulék ebéléem yóm twolihu, ou dnuónem.’

Hibru 13:20

Deng hlowil Dwata yóm gónó tekuy mogot Jisas. Lemwót bè yóm katayen bélê tekuy yó, hol lómón ke du yóm hol geta bè yó kem semgyok ubiha, ne tekuy se yóm hol sen-gyoken. Yóm litô hamaen bélê tekuy, yó se hol hemget du yóm lomi lan nmò Dwata mò lan tau ebéléen, ne laen kô sónen yóm lan nmoen yó. Yó hem Dwata gónón lemwót yóm kenek nawa tekuy hol tmóbóng kuy anì gbek ye mò du yóm kun kóyô. Ne bud du se hembaling tekuy kem tau mò hol hefligal du hlanen bè Jisas Krays. Hol bê tekuy abay nmò sónen yóm kdóyón tekuy ke Krays.

Hibru 12:24

Hol lómón ke deng tekuy hloni ebè Jisas. Du se mò du yóm lomi lan mò gónó tekuy hloni ebè Dwata lanen hamà litóen bélê tekuy. Hol lómón ke deng hentsiken tekuy yóm kun litô. Ne yóm litóen yó, tey hyu nefeten senta yóm litô tehe Abél ekni.

Tekang Kbuten 43:9

Tódô blayu klowilu béléen nim twolihu ni, ou gónóm smalig du. Ke wen gfaen ne ke là bud nwitu du ebéléem, ou dnuónem.

Kun Snulat Luk 22:20

Timbow deng kken le, ominen bud ma yóm ninum le, monen mò kul, “Nim bud hinumu kuy ni, hnigaden yóm lomi fasad nmò Dwata bélê ye. Yó hemget du, duhen yóm dou litô angat gamà bélê ye.

Matyu 26:28

Ni se dou litô mò hemget du yóm deng fasad Dwata bè kem kun tau. Ne tey dê tau gónón gamà nim litóu ni mò lan Dwata hmifót salà le.

Mark 14:24

Yó monen, “Ni se dou litô mò hemget du yóm fasad nmò Dwata mò lan tau mógów ebéléen. Ne tey tau wen gónóhen gamà nim litóu ni.

Danyél 9:27

Yóm tau mogot benwu angat sut yó, angat wen tey senfasad le yó kem tau lem yóm benwu yó lem yóm hitu halay, hol kesfasad mget. Okóm hanà tolo sóól yóm hitu halay, nmoen sónen yóm gel kedsù le ebè Dwata yó kem tau ne yó kem dumu gel blay le du. Yóm alì sidek bè kdê yóm gel nmò yóm tau angat sut yó, mom hdaen bè yóm Gónô Dwata yóm alì sidek bè yó efet yóm kkok Dwata etahen yóm tafak mò hol gemlà du, yóm deng eles olu Dwata etahen.”

Kem Udél Hlalak Tehe Selumun 20:16

Ke sok wen tau fmasad mayad utóng yóm tau là deng tngónen du yake nan hlun sandà kdê kimuhen dé yóm tau fmasad yó mò gónón tahu.

Kem Udél Hlalak Tehe Selumun 6:1

Ó Man, deng wen kô hmóyóem mayad utóng bè dumu tau? Ne deng fenmahem kô mò heblatem du?

Kem Lingón 119:122

Hol fasadem do yóm któbóngem do, yóm tau tóbóng lówóhem. Béem bayà o ke hen-gnok le ou yó kem tau heklabak.

Hibru 7:23

Wen sotu gónón stólóng yóm ke Jisas ne yóm gnan. Yó kem dumu tau mò blóng le ebè Dwata ekni, tey le wadag, abay se matay le se kul, là gfuhen yóm nmò le.

Hibru 8:13

Lemwót bè yóm deng ktulón Dwata du yóm lomi lan nmoen mò gónó tekuy hloni ebéléen, deng hetngónen tekuy ne yóm klaen dù bud muhen du yóm gnan. Bè yóm klaen dù bud muhen yóm yó, kaem tódô lana.