Hibru 7:20 - Udél Dwata: Gna Kesfasad ne Lomi Kesfasad

²⁰ Ne sotuhen, bè yóm tehe kélék Dwata ke Jisas mò blóng tekuy ebéléen, hmungen du se yóm kun boluy mò hemget du. Okóm yó kem tau tehe gna gel blóngen, là hmungen du kul yóm kun boluy.

Hibru 7:20 Referans Kwoze

Hibru 5:6

Sotu tehe bud mon Dwata mò du, yó monen, “Uu se yóm mò blóng tau ebéléu, ne laen kô tul sónen yóm kmoem du, hol lómón yóm tehe keseblóng Mélkésédék yó kem tau ebéléu ekni.”

Kem Lingón 110:4

Deng wen safà Dwata, ne là kô nan e bud hulék du lem baken, monen, “Uu se mò blóng tau ebéléu kól bè laen kô dù tul sónen lómón yóm tehe keseblóng Mélkisédék tau ebéléu.”

Hibru 7:19

Yó gónó Dwata temles du, abay se yóm hlau Musis yó, là gbeken hgulit tekuy. Bede tey hyu yóm tles Dwata du. Deng wen ne lan nmoen gónó tekuy gehloni ebéléen, duhen yó se hol nefet nawa tekuy ni kmoen ni.

Hibru 7:21

Tey mget yóm tehe udél Dwata ebè Jisas ekni, yóm monen, “Ou se gónóm mogot, ni hol fasadu kóm, ne là kóen megetles nim fasadu kóm ni: Uu se yóm fen hol blóng tau ebéléu, ne laen kô tul sónen yóm kmoem du.”