Hibru 7:14 - Udél Dwata: Gna Kesfasad ne Lomi Kesfasad

¹⁴ Bong bè yóm gónó tekuy mogot, tódô kdéen tau se temngón du yóm kesfuhen gu bè Juda. Bè yóm tehe gel kehlau Musis yó kem tau mò blóng le ebè Dwata ekni, laen kô dù monen bè yó kem kun sfu Juda.

Hibru 7:14 Referans Kwoze

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Isaya 11:1

Yóm kun kesfu tehe Dabid hol lómón yóm koyu deng nofok. Okóm yóm tuhoden bud wen lomi uléken. Hol lómón se yó ne ke Dabid, angat wen bud lomi tau hol geta semfu gu béléen.

Deng Hegfan 5:5

Okóm wen sotu bè yó kem tau tuha mudél ebéléu, monen mò do, “Béi mom mkikem dé. Ngem wen yóm bnoluy le Liyun, yóm semfu gu bè yóm tehe Juda. Bud du se yóm hol tótól tehe semfu gu bè Dabid. Deng matù bè yó kem hmohon du, yó gónón gembek mkó du yó kem hitu dket yóm sulat lenulun yóó, ne gbeken se mból du.”

Kun Snulat Luk 3:33

Yóm Nasun, ngà Aminadab. Yóm Aminadab, ngà Admin. Yóm Admin, ngà Arni. Yóm Arni, ngà Hisron. Yóm Hisron, ngà Pérés. Yóm Pérés, ngà Juda.

Deng Hegfan 22:16

“Ou se Jisas. Deng wen hógówu ebéléem lemwót gu bè longit mò heglalag du bélê ye bè simbahan ni kem ni. Ou se semfu gu bè yóm tehe Dabid, ne ou se yóm blotik semla alì mnóng ke móyón mwas.”

Sulat Pol Ebè Yó Kem Tau Hemtahu Bè Rom 1:3

Yó hol lemen nim Tulón Hyu ni, duhen yóm Ngaen, Jisas Krays. Tulónen yóm tehe le kehbalingen tau semfu gu bè yóm tehe Dabid.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Tekang Kbuten 49:10

Yóm tuged gel nogot yóm tau hol geta mò ilô yóm kfasangen mogot tau, là kóen lana bè kun ból Juda efet kól yóm sotu sfuhen hol mfun du mogot yóm klamangen. Bè yóm kkólen, gotu nimón yó kem tau bè klamangen benwu.

Sulat Pol Ebè Yó Kem Tau Hemtahu Bè Rom 2:3

Yó kô hendemem, tnafak Dwata yó kem tau gel mò du yó kem sidek yó koni, ne là dog tnafaken kóm bè yóm kóm kmò du snéen?

Kun Snulat Jan 20:28

Mon Tumas se, “Tahu se. Uu se hol gónóhu mogot. Uu se hol dou Dwata.”

Kun Snulat Jan 20:13

Mon le, “Ó Lenibun, tedu nkikem yó du?” Mon Midi se kun, “Deng nwa le lówó yóm gónóhu mogot, ne là tngónu du gónó le e hemsù du.”

Kun Snulat Luk 1:43

Ukel kóem nauyem ni dum ou nii, igoen uu se yê yóm gónóhu mogot.

Lista 24:17

Tódóe mugod igou tolo temngel. Tódô htonen do yóm mò kmoen elem hulin kdaw. Tódô eles gmatahu yó kem tau Israél. Angat wen tau hol geta bélê le kun lemwót bè kul ból hol lómón keslinangen yóm blotik alì mnóng, wen tey kegbeken. Angat genlaen yó kem tau bè benwu Muab ne gomong genlaen yó kem tau Sét.

Flipay 3:8

Là sónen du yóm monu yó koni yóm tebelu. Deng gotu tebelu snéen yóm kentihen tehe gel lolou anì gutahu yóm alì bong muhen senta le, duhen yóm ketngónu ke Krays Jisas yóm gónóhu mogot. Lemwót bè yóm ketngónu du, tódô gotu tebelu ne yóm gna lolou, hol lómón ke desenfól kehedemu kul anì duhe kóm, hol tngónu Krays,

Matyu 2:6

‘Nim Bitlihim, sotu benwu udì glem bè yóm kun benwu Juda. Balù yóm tey kudien, là kóen na a glaan bè yó kem syudad bè yó, yakà bè nim benwu udì ni gónón sut yóm tau mò malak yó kem dou tau Israél.’ ”

Hibru 7:13

Ne yóm gónó tekuy mogot, yóm tau tles nélék Dwata, là semfuhen gu bè Libay, Tólóng se kun gónó gu semfu. Ne bè yóm gónón gu semfu yó, laen dù bélê le nélék mò blóng le ebè Dwata.

Hibru 7:15

Tey mahil dmilô du yóm deng ketles Dwata du yóm kdéen, abay se deng sut ne yóm sotu tau mkél ke Mélkésédék mò fen gel blóng tekuy ebè Dwata.