Hibru 7:12 - Udél Dwata: Gna Kesfasad ne Lomi Kesfasad

¹² Bè yóm ketles Dwata du yóm tau mò blóng le ebéléen, tenlesen snéen yóm hlau tehe gna hloloen kul.

Hibru 7:12 Referans Kwoze

Hibru 7:11

Bè yóm kdaw tehe keblay Dwata yó kem hlauhen bè yó kem tau Israél, yó hol hogoten du yó kem tau semfu gu bè Libay. Ke deng tehe gulit kogot le du, là kô tenles Dwata kul. Okóm là gulit le. Yó gónó Dwata mélék yóm sotuhen, yóm mkél bè Mélkésédék. Là néléken du yóm mkél ke Aron, yóm semfu gu bè Libay.

Hibru 7:13

Ne yóm gónó tekuy mogot, yóm tau tles nélék Dwata, là semfuhen gu bè Libay, Tólóng se kun gónó gu semfu. Ne bè yóm gónón gu semfu yó, laen dù bélê le nélék mò blóng le ebè Dwata.

Hibru 9:10

Bè yó kem gel hlolò le kul yó, olon gbak ebè yóm gel ken le ne yóm gel ninum le ne yóm gel kolob le mò gónó le baling mólós. Yóm kdê hlolò le kul yó, olo kem kul beyen nmò bè lówó. Són kwen mu le du, són yóm klaen deng lomi lan nmò Dwata mò lan le hloni ebéléen.