Hibru 7:11 - Udél Dwata: Gna Kesfasad ne Lomi Kesfasad

¹¹ Bè yóm kdaw tehe keblay Dwata yó kem hlauhen bè yó kem tau Israél, yó hol hogoten du yó kem tau semfu gu bè Libay. Ke deng tehe gulit kogot le du, là kô tenles Dwata kul. Okóm là gulit le. Yó gónó Dwata mélék yóm sotuhen, yóm mkél bè Mélkésédék. Là néléken du yóm mkél ke Aron, yóm semfu gu bè Libay.

Hibru 7:11 Referans Kwoze

Hibru 8:7

Ke gbeken mit tau ebè Dwata yóm gna lolò le, là kô nan e tenles du.

Glasya 2:21

Bede ke deng tedeng se kton Dwata du yóm tau bè kloloen yó kem hlau gnan, laen kô dù muhen yóm katay Krays. Okóm béléu dou, tey bong któbóng Dwata dou hlanen bè yóm katay Krays.

Hibru 7:21

Tey mget yóm tehe udél Dwata ebè Jisas ekni, yóm monen, “Ou se gónóm mogot, ni hol fasadu kóm, ne là kóen megetles nim fasadu kóm ni: Uu se yóm fen hol blóng tau ebéléu, ne laen kô tul sónen yóm kmoem du.”

Hibru 7:15

Tey mahil dmilô du yóm deng ketles Dwata du yóm kdéen, abay se deng sut ne yóm sotu tau mkél ke Mélkésédék mò fen gel blóng tekuy ebè Dwata.

Hibru 5:6

Sotu tehe bud mon Dwata mò du, yó monen, “Uu se yóm mò blóng tau ebéléu, ne laen kô tul sónen yóm kmoem du, hol lómón yóm tehe keseblóng Mélkésédék yó kem tau ebéléu ekni.”

Glasya 4:9

Okóm ni, deng tngón ye Dwata, o, monu dé, deng tngón Dwata yu. Ke lómón se ni kmoen, moen se ke bud ye ghesek bè yó kem dê hlolò le kuy lem nim benwu ni? Igoen laen dù kgis le tmóbóng kuy yó kem yó, balù udì.

Hibru 6:20

Deng du se hol tukô gna tekuy, ne du se yóm hol blóng tekuy ebè Dwata, ne laen kô tul sónen yóm keseblóngen tekuy yó, hol lómón yóm tehe keseblóng Mélkésédék yó kem tau gnan ebè Dwata ekni.

Hibru 5:10

Yó boluy Dwata du tau mò blóng ebéléen, lómón yóm tehe kun keseblóng tau Mélkésédék.

Glasya 4:3

Hol lómón yó se yóm kmò tekuy. Yóm gu laan tekuy là deng gulit bè kehtahu tekuy, lómón ke tolo tekuy ghesek bè yó kem dê hlolò le tekuy yó kem tau lem benwu.

Hibru 7:10

abay se bè yóm kdaw keslong Mélkésédék ke Abraham, hnikót he ke Libay kun, là dengen tau he. Tolo nô lem lówó Abraham, yóm tau gónón gu semfu.

Hibru 7:12

Bè yóm ketles Dwata du yóm tau mò blóng le ebéléen, tenlesen snéen yóm hlau tehe gna hloloen kul.

Hibru 7:13

Ne yóm gónó tekuy mogot, yóm tau tles nélék Dwata, là semfuhen gu bè Libay, Tólóng se kun gónó gu semfu. Ne bè yóm gónón gu semfu yó, laen dù bélê le nélék mò blóng le ebè Dwata.

Hibru 9:6

Yó se mò kmò le du yó kem yó koni. Bè yóm tanay dfélen, ket kdaw le mógów elemen yó kem tau demsù ebè Dwata na le e nmò yóm kul nmò bè yó.