Hibru 7:10 - Udél Dwata: Gna Kesfasad ne Lomi Kesfasad

¹⁰ abay se bè yóm kdaw keslong Mélkésédék ke Abraham, hnikót he ke Libay kun, là dengen tau he. Tolo nô lem lówó Abraham, yóm tau gónón gu semfu.

Hibru 7:10 Referans Kwoze

Hibru 7:5

Yó kem tau gel demsù ebè Dwata bè yó kem Ju, hono le tehe semfu gu bè yóm tehe Libay. Wen hlau Musis kul anì lu fen ma yóm gesfoloen mò bad yó kem tau Israél. Bede yó kem tau fen ma bad ne kem tau fen bemlay bad, hono tau sdumu semfu gu bè Abraham.

Tekang Kbuten 46:26

Yó kwen fes lówó Jakub mung du ebè Idyip nem folò nem kdê le, là gomong nsó le kul yó kem yehen yó kem ngaen.

Tekang Kbuten 35:11

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

1 Bok Kem Tau Hol Geta 8:19

okóm là uu du hemdà du. Wen sotu bè yó kem ngaem angat fen hemdà du.’

Hibru 5:6

Sotu tehe bud mon Dwata mò du, yó monen, “Uu se yóm mò blóng tau ebéléu, ne laen kô tul sónen yóm kmoem du, hol lómón yóm tehe keseblóng Mélkésédék yó kem tau ebéléu ekni.”

Hibru 7:9

Bong ke Libay kun, yóm tau gónó le gu semfu yó kem tau gel ma yóm gesfoloen, bè yóm keblay Abraham ke Mélkésédék yóm kun bad ebè Dwata, hol lómón ke Libay snéen yóm bemlay,

Hibru 7:11

Bè yóm kdaw tehe keblay Dwata yó kem hlauhen bè yó kem tau Israél, yó hol hogoten du yó kem tau semfu gu bè Libay. Ke deng tehe gulit kogot le du, là kô tenles Dwata kul. Okóm là gulit le. Yó gónó Dwata mélék yóm sotuhen, yóm mkél bè Mélkésédék. Là néléken du yóm mkél ke Aron, yóm semfu gu bè Libay.