Hibru 7:1 - Udél Dwata: Gna Kesfasad ne Lomi Kesfasad

¹ Nim Mélkésédék monu ni koni, tehe tau hol geta mogot yóm benwu boluyen Salim, ne lelen du he yóm fen semblóng kem tau ebè Dwata, yóm hol geta bè kdéen. Bè yóm tehe kulék Abraham bè yóm katuen bè yó kem fat tau hol geta hmohon du, bè yóm hanà tolo knóen bè lan, senlong Mélkésédék. Yó nmò Mélkésédék mni béléen bè Dwata ne wen oluhen du.

Hibru 7:1 Referans Kwoze

Hibru 6:20

Deng du se hol tukô gna tekuy, ne du se yóm hol blóng tekuy ebè Dwata, ne laen kô tul sónen yóm keseblóngen tekuy yó, hol lómón yóm tehe keseblóng Mélkésédék yó kem tau gnan ebè Dwata ekni.

Mika 6:6

Bè yóm bud ktaba tekuy ebè Dwata yóm Dwata bè longit, tedu se tô nwit tekuy ebéléen du mò blay tekuy du bè yó kem sidek deng gel nmò tekuy? Nwit tekuy ebéléen kô yóm ngà safì hanà sfalayen alì hyu bè kdéen mò hkekeb te ebéléen?

Kem Lingón 57:2

Hole hkodu ebè yóm Dwata hol Dandónen Geta, yóm Dwata angat hdohò du yóm kun kóyô béléu.

Mark 5:7

ne ominen tódô hendlà lemangat, monen, “Ó Jisas, yóm hol Ngà yóm Dwata alì geta bè kdéen. Tedu hendufem béléu ni du? Smafai do bè Dwata kun anì là kendel tnafakem do ni.”

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Kem Lingón 78:35

Yó he kegtulón nawa le du Dwata se yóm henged botu gónó le gel hofin, du se yóm Dwata Hol Dandónen geta deng msok kul.

Kem Lingón 76:2

Bè Jirusalim gónóhen nô, nô ta bè bulul Sayun gónóen.

Kul Nmò 16:17

Bè yóm igò me mógów, tódô mensag huli kum, yó udélen, monen, “Ni se kem tau tóbóng lówó yóm Dwata hol geta bè kdéen. Yó nógów le ni,” monen, “na le e tulón kuy yóm gónó ye gewà gu lem hatay.”

Danyél 5:21

Tódô lo le anì là buden nô lem blóng tau, baling knawa ógóf ne tódô nô lem blóng yó kem kudà asnu tabag. Mótób bè yó mkél bè safì ne tódô sónmoen wos bè amù efet nan na gtukul són yóm Dwata hol dandónen geta bè kdéen kmamal du yóm kdê benwu nogot tau ne hogoten benwu yóm tau deng kun nélék.

Danyél 4:2

Kóyóu ke kdê ye temngón du yó kem hentaw ton deng nmoen béléu yóm Dwata alì geta bè kdéen.

Kem Lingón 78:56

Baluen ke lómón yó deng nmoen bélê le, sana ktilów le du he yóm Dwata Hol Dandónen Geta. Sana là kimón le du, là móyô le mimón du yó kem hloloen kul.

Hibru 7:2

Ne lemwót se ke Abraham kun, gotu blayen ke Mélkésédék yóm gesfoloen mò baden ke Dwata bè yó kem kimu deng negefen bè yó kem hohonen. Yó lanen yóm boluy Mélkésédék, duhen “Tau geta tedeng knawahen.” Bud du se hol geta bè benwu Salim. Yó gónó le moluy du “Tau geta menek kbenwuhen.”

Hibru 7:3

Nim Mélkésédék ni, laen kô snulat le mò gónó tekuy temngón du ke tau du tehe maen ne yéen, ne tau du tehe fuen. Senged se bè yóm tehe kdaw ksuten ne bè yóm tehe katayen, laen dù smulat du. Ne lemwót bè yóm là ketngón tekuy du yóm katayen, wen gónón skél bè yóm Ngà Dwata, abay se laen dù tul sónen yóm keseblóngen tau ebè Dwata.

Hibru 7:6

Okóm ke Mélkésédék kun, là semfuhen gu bè Libay se kun. Okóm tódô nwahen yóm gesfoloen blay Abraham du, ne wen oluhen ke Abraham bè yóm igoen mni béléen bè Dwata. Igoen Abraham he yóm tau gónó Dwata hol hlan du yóm fasaden.