Hibru 6:8 - Udél Dwata: Gna Kesfasad ne Lomi Kesfasad

⁸ Okóm yóm tonok yó, ke deng tódô tfeng kluon tmowok tahen, laen dù muhen ne. Tódô bayà bè yó ne. Ke lómón yó kmò yóm tau, ofi angat tafak Dwata du.

Hibru 6:8 Referans Kwoze

Kun Snulat Jan 15:6

Yóm tau ke là heneken béléu, lómón ke hanga ntok tódô hgasà, hlós mékéng. Gotu sentifun le lu, omin le mbot kul elem ofi, ne gotu mlób.

Hibru 12:17

Okóm deng sana tngón ye yóm nmoen kogolen bè yó. Bud tô móyô ke gutahen yóm kolu maen du, okóm là. Laen kô bang dù lanen bud temles du yóm deng tehe nmoen, balù yóm tey kkiken bè yóm kehkoduhen bè maen.

Hibru 10:27

Tek sotu gónón e kól yóm nmò yó, duhen yóm tey klikò tekuy igò tekuy mangat du yóm kkukum Dwata tekuy, ne yóm tey ofi angat gónó le meglà yó kem tau là hdon le ke Dwata.

Deng Hegfan 20:15

Yóm tau ke là nóen bè yóm bok lowil yóm kun boluy, tódô tudà le elem lanaw ofi.

Mark 11:21

Tódô gtulón bè nawa Pitér yóm tehe kudél Jisas ebè yóm koyu yó, ne monen mò ke Jisas, “Ngem Sér, yóm koyu le henmulaem, deng sana mékéng.”

Mark 11:14

Mung kudél Jisas ebè yóm koyu là munguhen yó, monen, “Nbuten ni ne là kói bud mungu.” Ne gungol yó se kem gel lemolò du yóm udélen ebè yóm koyu yó.

Matyu 7:19

Yóm koyu là hyu kbunguhen, tódô nofok kmò du, ne tudà elem ofi.

Matyu 3:10

Ke hlingónu du yóm móyón ktafak Dwata kuy, hol lómón ke beyung deng eles mléd lem but yó kem koyu mò angat sfeken kul. Ket koyu ke là gulit kbunguhen, angat senfeken, ne tódô tudà elem ofi.”

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Jirimaya 17:6

Hol mkél bè yóm koyu lefungu mteg bè yóm benwu laen hol wen tauhen. Mteg bè yóm tey tonok mékéng, tonok wen khééten, balù udì ke wen mowil du. Ke lómón yó yóm tau, laen dù bud nefet nawahen.

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Job 31:40

hol hono kluon he ne kmungig tmowok ta yóm tonok yó mò tles yóm halay gel hulu tahen.” Yó se són yóm udél Job.

Tekang Kbuten 5:29

ne yó udélen, monen, “Lemwót bè yóm deng kgolu yóm tonok, tey kgel klowil tau lemwót bè keglayam le mò nmò. Okóm nim ngà ni, wen lanen tmóbóng kum bè yóm tey kgel klowil me.” Ne yó boluyen du yóm ngaen yó, Nuwa.

Tekang Kbuten 4:11

Ni wen tafaku kóm ne là kóen na a mkó tahem. Là buden hyu ne kmoem nmò bè tonok, abay se deng gamà bè tonok litô twolihem bè yóm khatayem du.

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

2 Samwél 23:7

Yó nmò yóm tau tô mulut du yóm koyu semnual yó, uluten du bala tók duhen ke dol buyus, tódô sulék nlóben lu bè yóm gónó le masà.”

Isaya 27:4

Là bud lenbutu du yó kem huluhu. Ke wen tonu ngà koyu semnual duhen ke wen kluon semnual tô hemsidek du, tódô gotu ntemu lu he.