Hibru 6:5 - Udél Dwata: Gna Kesfasad ne Lomi Kesfasad

⁵ Ne deng tehe gnómen snéen yóm tey kehyuhen yóm kun Udél Dwata, ne yóm tey kfasang Dwata, yóm kfasang angat hol hegfanen elem hulin kdaw.

Hibru 6:5 Referans Kwoze

Kun Snulat Luk 8:13

Yóm lusok botu gónón e gdek yó kem dumu bnék sohulen yó, duhen yó kem tau hmungol du yóm Udél Dwata, ne tey le hligal bè yóm kehtahu le du, okóm là kóen dmolil. Tek likót le hemtahu. Timbow wen tilów mgel sut bélê le, gkogol le ne yóm kehtahu le.

1 Pitér 2:3

Lómón se yóm monen bè Sulat Dwata, yóm monen, “Deng gtób ye ne kóó yóm tey kehyuhen yóm gónó ye mogot.”

2 Pitér 2:20

Wen se kem tau deng tebel le yó kem tehe nmò le sidek lan le temngón yóm gónó tekuy mogot Jisas Krays, yóm deng lemwà tekuy gu lem hatay. Okóm sentahen bè yó, mom bud senfulék le yóm sidek tehe gónó le gfét. Ke yó nmò le, milud he yóm kegfét le du. Deng mom ni ne yóm ksideken senta yóm là deng kehtahu le.

Hibru 2:5

Wen yóm gel tulón me kuy, duhen yóm lomi benwu angat nmò Dwata. Nim lomi benwu nmoen ni, là kô hfogoten du yó kem hógówen gu bè longit.

Mark 6:20

Abay se ke Hirod, wen klikoen ke Jan. Tódô tngónen tau tedeng kmoen, bà udì ke wen belenen, yó gónón gel mofin du. Tey móyô Hirod hmungol du yóm gel tulón Jan, okóm deng mom sónmoen sbeweg kehedemen bè yóm gel khungolen du.

Kem Lingón 34:8

Tilów nimónem Dwata dé anì gnómem yóm tey kehyuhen. Bong kligal le kul yó kem tau gel hofin béléen.

Matyu 12:32

Ne hnifót Dwata yóm tau ke sidek kbaken ebè yóm Ngà Tau. Okóm là kô hnifóten du ke sidek kbaken ebè yóm Tulus Dwata. Ke yó nmò yóm tau, laen kô tul kkóhen tahen yóm salaen yó.”

Ifisus 6:17

Yó henged sloung tók eles tendo gel sudù tekuy, duhen yóm deng kegewà tekuy. Ne yó kfilan blayen tekuy yóm Tulus Dwata, duhen yóm Udél Dwata.

Hibru 4:12

Yóm Udél Dwata, tey mlan, ne tey gembek. Ke hningón tekuy yóm udél Dwata, hol lómón ke sudeng, tey gembon ke wen tenbeken. Milud he kegbonen yóm udél Dwata, abay se tódô gotu tngón Dwata yóm kmò tekuy ne yóm knawa tekuy. Ne gotu henklolen yóm nô lem nawa tekuy ne yóm nô lem hendem tekuy.

Hibru 11:3

Lemwót bè kehtahu tekuy gónó tekuy temngón du yóm deng kedlimun Dwata du yóm kentihen mlan bè udélen. Yó gónóm mon, kdê yó kem ton mata talak tonok, hono lemwót bè yóm là ton mata tau du.

1 Pitér 1:25

Okóm yóm kun Udél yóm gónó tekuy mogot, laen kô dù tul sónen.” Yóm udél monen yó, yó se yóm Tulón Hyu gel hetngón le kuy yó kem tau gel tmolok bélê ye.