Hibru 6:2 - Udél Dwata: Gna Kesfasad ne Lomi Kesfasad

² Bê tekuy bud sensulit yóm ktolok bè kbabtays, ne yóm kmò knok tekuy tau bè yóm kni tekuy béléen bè Dwata, ne yóm angat klowil tau, ne yóm angat kkukum Dwata yóm kdéen tau, ne yóm klaen dù sónen yóm kukumen yó.

Hibru 6:2 Referans Kwoze

Kul Nmò 6:6

Yó nmò yó kem tau mélék kul, gotu nwit le lu ebè yó kem hógów Jisas. Ne lemwót yó kem hógów Jisas, gotu nenok le lu, ne mni le bélê le bè Dwata.

Kul Nmò 24:25

Bè yóm igò Pol mudél, wen gtóngen bè yóm kebtol nawa, ne bè yóm khulung mafas nawa, ne yóm angat kehdà Dwata kdéen tau bè soluhen. Botong likò Filik bè yóm kungolen du, tódô tenfloken kudél Pol, monen, “Nan geblà yó he. Tódô bud tinoku uu he ke wen urasu.”

Kul Nmò 23:6

Timbow dilô Pol wen se Sadyusi ne wen se kem Farisi bè yó kem tau mogot kukum, ominen hgel udélen, monen, “Kem dou dumu tau Israél, ou snéen sotu Farisi. Dalang se yó kem tehe fuu, Farisi le snéen kul. Ni se duón yóm kkukum ye dou ni abay se hentahuhu yóm angat klowil tau.”

Kul Nmò 17:18

Wen se yó kem tau gel tmolok bè yóm benwu yó, nit le skuya mon Pol. Yóm kul gel ktolok yó kem tau yó, lemwót bè yó kem tehe tau gnan bélê le boluyen Épikuriyas ne Stuwik. Wen se bélê le mon du, “Tedu alì tulónen yóm tau laen dù tngónen alì móyô mudél yó?” Ne wen se mon du, “Lómón tô wen tólóng dwata lemwót bè benwu mayuk gel tulónen.” Yó gónó le mon du yóm yó, abay se Jisas yóm gel tulón Pol, ne yóm deng klowilen.

Kul Nmò 16:33

Bè yóm uras kifu yó, yó nmò yóm tau mentey blanggù yó koni, gotu noloben halì le Pol lewu le Silas. Ne kendel tódô hbabtays yóm tau yó dalang se yó kem fes lówóhen.

Kul Nmò 16:15

Bè yóm deng kehtahuhen, ominen hbabtays, gomong se yó kem fes lówóhen. Kogol yóm kehbabtaysen, tinoken mi ebè gónóen, ne monen mò kum, “Deng tngón ye se yóm dou kehtahu bè Jisas. Yake na ye nô bélê me bè ni.” Ne tahu se, nimón me.

Kul Nmò 10:47

“Ni kem tau là Ju le ni, deng blay Dwata kul yóm kun Tulus, hol lómón yóm deng keblayen du tekuy. Là kô gekbê te du bélê le ke hbabtays le.”

Kul Nmò 2:41

Tey dê bélê le hemtahu bè yóm ktolok Pitér yó, ne hbabtays le. Bè yóm kdaw yó, wen dô tlu libu kwen le yóm bud temnù bè yó kem tau hemtahu bè Jisas.

Kul Nmò 2:38

Mon Pitér se mò kul, monen, “Yake hol kleng ye du te bótóng ne yó kem sidek deng gel nmò ye. Hbabtays ye hlan ye bè boluy Jisas Krays anì hnifót Dwata yó kem salà ye. Ke yó se nmò ye, wen blay Dwata kuy, duhen yóm Tulusen.

Kun Snulat Jan 1:33

Là kô tehe dilóu du se dou ke du yóm deng nélék Dwata ke là yóm deng eles ktulón Dwata du dou bè yóm tehe khógówen dou mò na a mabtays kuy bè él. Eles monen mò dou, ‘Sok tonem yóm dou Tulus htuntun gu tta ebè yóm sotu tau, ne angat tódô hlós nô béléen, deng duhen yó se yóm tau angat mabtays kuy yóm dou Tulus.’

Mark 16:16

Yó se tau hemtahu du ne hbabtays, angat gutahen yóm klowil yóm laen dù tul sónen. Okóm yóm tau là hemtahuhen, angat tnafak Dwata.

Matyu 28:19

Yó gónóm mon, mógów ye do ebè kdéen but tau bè klamangen benwu anì baling le tau lemolò do. Bnabtays ye lu hlan ye bè boluy Dwata, yóm Mà tekuy, ne bè boluy yóm Ngaen ne bè boluy yóm Tulusen.

Danyél 12:2

Wen se bè yó kem tau deng matay angat bud btik, wen se bélê le gmuta du yóm klowil laen dù sónen ne wen se bélê le gmuta du yóm tey sidek kyak laen dù sónen.

Kehedem Tau Tmolok 12:14

Gotu knukum Dwata kdê yó kem gel nmò tekuy, hyu duhen sidek. Balù yó he kem nmò gebnos, gotu knukumen.

2 Pitér 3:7

Okóm yóm longit ne tonok gel ton tekuy nim kmoen ni, angat bud lemwót bè udél Dwata snéen gónó le meglà, bede ofi ne tles mò lemsón du. Okóm là tagad nmoen du he efet kól yóm kdaw kkukumen yó kem tau là kmikò du, yóm kdaw keglaen kul.

Hibru 11:35

Ne lemwót bè kul kehtahu yó kem libun, botong bud hlowil Dwata yó kem ngà le deng matay. Wen se kem dumu tau hemtahu deng kenfô le. Balù yóm tey kehsidek le kul efet hatay le, ewenem, là kô tebel le du yóm kehtahu le bè Dwata. Deng eles tngón le tey hyu yóm klowil le ke deng bud hlowil Dwata lu.

Hibru 9:10

Bè yó kem gel hlolò le kul yó, olon gbak ebè yóm gel ken le ne yóm gel ninum le ne yóm gel kolob le mò gónó le baling mólós. Yóm kdê hlolò le kul yó, olo kem kul beyen nmò bè lówó. Són kwen mu le du, són yóm klaen deng lomi lan nmò Dwata mò lan le hloni ebéléen.

2 Timuti 2:18

Deng mom senyat le yóm ktahuhen, ne senbeweg le yóm kul kehtahu yó kem dumu tau lan le gel mon du deng deng ne yóm klowil tau gu lem hatay.

Kulasi 2:12

Abay se bè tum tehe kehbabtays ye, lómón ke deng ye mung ke Krays bè yóm tehe kebeng le du. Ne bud bè tum tehe kehbabtays ye, lómón ke deng ye mung béléen snéen bè yóm tehe bud klowilen lemwót bè yóm kehtahu ye du yóm tey kegbek Dwata bè yóm tehe kehlowilen ke Krays gu lem hatay.

Flipay 3:21

Bè yóm angat kesfuléken edini, tenlesen yóm lówó tekuy mahil matay nii, ne heskélen bè yóm kun lówó là matayen. Yóm kegbeken mò du nim ni, bud yó se yóm kegbeken mogot du yóm klamangen.

1 Kurin 12:13

Lómón yó se yóm kdê tekuy lemolò ke Krays. Bè yóm tehe kehbabtays tekuy, henbalingen tekuy sotu lówó yóm Tulus Dwata, kihu ke Ju duhen ke là Ju le, ke tau klifen duhen là klifen le. Liman ke tek sotu lówó tekuy, abay se tek sotu yóm Tulus Dwata tendo nô bélê tekuy.

1 Kurin 10:2

Lemwót bè yóm klolò le yóm lobun ne bè tum kifal le yóm mohin, hol lómón ke deng le gotu hbabtays mò tau lemolò ke Musis.

Sulat Pol Ebè Yó Kem Tau Hemtahu Bè Rom 2:16

Duhen yó, ni se kmoen bè yóm kdaw angat kehkukum Dwata ke Jisas Krays yóm kdéen tau. Angat knukumen yó kem deng tehe nmò le, balù yó kem gebnos. Ni se hol nô lem yóm Tulón Hyu gel nwitu.

Kul Nmò 26:8

Moen de yóm kdê ye sbung bè ni ni ke alì mgel bélê ye hemtahu du ke gbek Dwata hlowil du yóm tau deng matay?

Kul Nmò 24:21

Déke yó duón le do bè yóm tehe kehgelu udélu lem blóng le, yóm kmonu du. ‘Hentahuhu yóm angat bud klowil tau hulin kdaw.’ Dô ni se duón le dou, Sér,” mon Pol.

Kul Nmò 24:15

Ni kem tau kmamo dou ni,” mon Pol, “tódô senged se yóm hendón nefet nawa me, duhen yóm angat bud klowil Dwata kdéen tau, tau hyu nmò le senged se ke tau sidek nmò le.

Kul Nmò 4:2

Ya tey keklit le du yóm ktolok le Pitér, abay se yó gel tulón le yóm deng bud klowil Jisas. Ne bè yóm deng bud klowilen yó, yó se hol gónó le temngón du yóm angat bud klowil yó kem dumu tau deng matay.

Kun Snulat Jan 5:29

Ne bè yóm khungol le du, gotu le bud hewà gu lem lebeng le. Yó se tau deng tehe mò du yóm hyu, gutahen yóm klowil laen dù sónen. Bud mowil snéen kun yóm tau tehe sidek nmoen, okóm hlós elem tafak.”

Kun Snulat Luk 14:14

Ke ni se nmoem, tey angat któbóng Dwata kóm, abay se là gbek le bud malà kóm. Dwata he fen malà du béléem ke sok hto yóm kdaw gotu klowil yó kem tau hyu kmò le.”

Kun Snulat Luk 12:50

Okóm naw na hol glayam gu laanen he, ne hatan mkó béléu nim keblat nawahu ni ke deng mkó tahu yóm keglayamu yó.

Kun Snulat Luk 11:38

Ya tey ketngahen ke Jisas nim Farisi ni yóm là dog kloloen du yóm kul adat bè kolob tdok gu laan le là deng mken.

Kun Snulat Luk 3:16

Okóm yó udél Jan ebélê le, monen, “Béléu do, él gel babtaysu kuy. Okóm wen móyón sut hol mfasang sentahu. Là kóe knóón baluen ke olohu hesek béléen. Yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul.

Mark 7:8

Tahu se yóm udél Dwata yó,” mon Jisas, “deng mom kenbê ye yó kem hlau lemwót bè Dwata, ne mom lolò ye yó kem hlau lenbù nmò tau.”

Mark 7:4

Ne yóm gel benli le bè fedyan, là kô kendel ken le du ke là na le nolob du. Ne tey dê he dumu gel lolò le. Balù bè tgayan le ne kuleng le ne tukung le, sana gónó le mò du yóm hlau yó, balù yó kem dumu ngom gu lem gónô.)

Matyu 3:14

Okóm mom yó balà Jan du, monen, “Béi mom hbabtays béléu, ou dé bnabtaysem.”

2 Kurin 5:10

Yakà kdê tekuy du angat mdà bè solu Krays hulin kdaw anì knukumen tekuy. Tódô ket tau angat gmuta du balà yóm tehe deng kun nmò te tonok, ke hyu duhen ke sidek.

Kul Nmò 13:3

Tahu se. Bud bud le fasting, ne mni le bè Dwata. Omin le semsnok kul le Barnabas lewu le Sol, omin le hewót kul.

Isaya 26:19

Yó kem dumu me deng matay, angat wen kdaw le bud mowil. Bud le mulék bè sana lówó le. Kdê yó kem tau tolo nô lem lebeng le, tódô le bud mowil ne gotu le hligal semngal. Lómón yóm amù gel sminang hlafus gotu hlowilen yó kem hulu, hol lómón yó se angat nmò Dwata, angat bud hlowilen yó kem tau tehe matay là sekna.