Hibru 6:18 - Udél Dwata: Gna Kesfasad ne Lomi Kesfasad

¹⁸ Duhen yó, nim lewu tehe nmò Dwata ni, duhen yóm fasaden ne yóm kehgeten du, là kóen na a megetles, abay se yóm Dwata là kóen mò kéng. Yó gónóm mon, bè yóm kdê tekuy deng mlóy ebéléen, deng tey mgel nawa tekuy du ne yóm hendón nangat tekuy deng fasaden tekuy.

Hibru 6:18 Referans Kwoze

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

1 Samwél 15:29

Hol knóón yóm kul Dwata yó kem tau Israél, là kóen mò kéng ne là gel tenlesen du hendemen abay se là mkélen bè tau tonok, gel megetles kehedemen.”

2 Timuti 2:13

Anien ke monol yóm nawa te ebéléen, sana yó ne yóm kun nawa ebélê te, là kóen monol, abay se là kóen megetles yóm kun kmò.”

Sulat Pol Ebè Yó Kem Tau Hemtahu Bè Rom 3:4

Baluen he ke kdéen tau lem benwu gotu mò kéng, là kun ke Dwata, hono tahu yóm kun gel mon. Lómón ni se yóm sotu monen bè sulat Dwata, yóm monen, “Bè kudélem, Dwata, hol gónón gfan yóm ktedengem. Baluen ke wen tô duón le kóm, kaem uu matù bélê le.”

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

1 Jan 1:10

Ke wen mon du, “Là kóe mò salà se dou,” deng henkéngen ne yóm mon Dwata, ne là kóen nô bè nawahen yóm udélen.

Hibru 3:11

Tey kebutu kul, ya tey kget kmonu du, ‘Hol là gehlós le edu kul yóm benwu mò gónó le hlós henek nô.’”

1 Timuti 1:1

Ou se Pol gónóhen lemwót nim sulat ni. Ou se sotu tau fen gel hógów Krays Jisas. Nim kógówu ni, hol lemwót bè Dwata, yóm deng lemwà kut gu lem hatay, ne Krays Jisas, yóm tendo hendón nangat te.

Sulat Pol Ebè Yó Kem Tau Hemtahu Bè Rom 3:25

Deng hógów Dwata Jisas mò na a matay bè salà tekuy. Hamaen litóen anì wen lan Dwata hmifót salà tekuy ke deng tekuy hemtahu bè Jisas. Ni se nmò Dwata anì hegfanen bélê tekuy yóm tey kun ktedeng. Bè gnan kdaw, tódô henbala Dwata yóm salà tau, tódô hiusen.

Sikaraya 9:12

Ó kem tau negef, deng wen nefet nawa ye ne ni, hol ye bud semfulék ebè yóm sana kuy benwu, yóm benwu gónón laen dù hemen ye. Wen fasadu kuy kemdaw ni, lewu duléku he bud hulék du ebélê ye yóm tóbóngu kuy bè ket keglayam ye.

Isaya 64:7

Laen dù tau tmaba ebéléem ne laen se dù tau htóbóng béléem. Dengi mom hebnos bélê me, deng tódô bayaem mi abay se lemwót bè salà me.

Kem Udél Hlalak Tehe Selumun 4:13

Hol negenem ne béem glus yó kem deng hlauhu kóm. Hol nabungem, yakà bè yó du gónón tahà ktauhem.

Kem Lingón 110:4

Deng wen safà Dwata, ne là kô nan e bud hulék du lem baken, monen, “Uu se mò blóng tau ebéléu kól bè laen kô dù tul sónen lómón yóm tehe keseblóng Mélkisédék tau ebéléu.”

1 Bok Kem Tau Hol Geta 2:28

Yóm Juab, là tehehen mung bè Absalum se kun, okóm deng mung bè Adunadya. Bè yóm kungolen du yóm deng katay Adunadya, tódô mlóy etu bè yóm Gónô Dwata gel nit mógów, senbalà nogoten yóm hanga sfatà kilil yóm gónó le gel demsù.

1 Jan 5:10

Yóm tau ke deng hentahuhen yóm Ngà Dwata, deng nô lem hendemen ne yóm ktanud Dwata yó koni. Okóm yóm tau là hentahuhen du, deng henkéngen Dwata yóm tau yó, abay se là hentahuhen du yóm deng tulón Dwata gbak ebè yóm Ngaen.

1 Timuti 6:12

Hotuhem gelem bè yóm kloloem ke Krays Jisas anì gutahem yóm klowil laen dù sónen. Yakà yó du gónó Dwata tehe tmaba kóm bè yóm tehe deng ktulónem du lem blóng yó kem tey tau wen yóm deng kehtahuhem.

Sulat Pol Ebè Yó Kem Tau Hemtahu Bè Rom 15:5

Yó hem Dwata hol gónón lemwót yóm là kili nawa tekuy ne yóm gel kegduf nawa tekuy lemolò du. Hol benlayen yu he kessotu nawa bè kem dumu ye hemtahu, hol lómón yóm deng dnalang ye bè Krays Jisas,

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

1 Tisalunika 1:10

Tulón le kum snéen yóm tendo kingat ye yóm bud kkól yóm Ngà Dwata gu bè longit, duhen Jisas yóm tehe hlowil Dwata. Bud du se yóm lemwà tekuy gu lem yóm angat ktafak Dwata yó kem tau là mimónen.

Kulasi 1:27

Kun kóyô Dwata ke hegfanen bè yó kem kun tau ni kmoen ni yóm tehe gbuni bè yó kem tau gnan, duhen yóm tey któbóngen yóm kdéen tau bè klamangen benwu. Yóm tehe bunihen yó ekni, duhen yóm knô Krays bélê ye ket kuy ne sotu. Bè yóm knóen bélê ye yó, yó se gónó ye temngón du yóm angat kegbót ye bè klaen sónen kun klowil Dwata.

Kulasi 1:23

Song tahu eta ye nim ni ke là monol nawa ye bè yóm kehtahu ye. Yó gónóm mon, hbegel ye yóm kehtahu ye anì là sliwo kehedem ye du yóm hendón nefet nawa ye lemwót bè yóm Tulón Hyu deng gungol ye. Nim Tulón Hyu monu ni, deng gefet bè kdéen tau bè klamangen benwu ne, ne ou Pol sotu tóbóng lówó Dwata mò fen heglalag du.

Kun Snulat Luk 2:25

Bè yóm kdaw yó, wen sotu tuha logi nô bè Jirusalim boluyen Simyun. Nim tau ni, tedeng knawahen, ne tey klikoen ke Dwata. Sal gel nangaten yóm kehewà Dwata kul yó kem tau Israél. Tendo nô béléen yóm Tulus Dwata,

Matyu 24:35

Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a lana.”

Isaya 27:5

Okóm ke tô le hofin béléu yó kem tau hmohon yó kem dou tau, yake na le gna mit sefyu béléu. Tahu se, yake na le gna mit sefyu béléu.”

Tekang Kbuten 19:22

Bede heslò ye sen, mlóy ye. Là tagad wen nmou ke là deng ye kól bè yó.” Lemwót bè yóm kboluy Lat du benwu udì yóm benwu yó, yó gónó le moluy du Sur.

Hibru 7:21

Tey mget yóm tehe udél Dwata ebè Jisas ekni, yóm monen, “Ou se gónóm mogot, ni hol fasadu kóm, ne là kóen megetles nim fasadu kóm ni: Uu se yóm fen hol blóng tau ebéléu, ne laen kô tul sónen yóm kmoem du.”

Hibru 3:6

Okóm ke Krays kun, du se hol kun Ngà Dwata, ne gotu hfogot Dwata du yóm gónóen yó, ne tey teneb kogoten du. Tekuy se kun gónô Dwata, syan ke là likò tekuy lemolò du, ne ke hol gentud nawa tekuy yóm hendón nefet nawa tekuy.

Kulasi 1:5

Bè yóm hol tanay kungol ye du yóm tahu tulón, duhen yóm Tulón Hyu, gungol ye yóm kwen nefet nawa tulónen. Yó se hol buten yóm kehtahu ye ne yóm kbong nawa ye kem dumu ye, duhen yóm hendón nefet nawa ye deng eles tgama Dwata kuy bè longit.

Flipay 2:1

Lemwót bè yóm deng kessotu ye bè Krays, deng setgel ne nawa ye. Gel henyuhen nawa ye lemwót bè yóm kbong nawahen kuy. Ne deng tey tilob kesetngón ye du ne yóm Tulus Dwata. Deng tey tilob ne yóm kmò kestóbóng ye ne yóm gel keskodu ye.

Matyu 3:7

Timbow ton Jan yóm kógów le ebéléen yó kem Farisi dalang se yó kem Sadyusi na le e tô hbabtays béléen, tódô monen mò kul, “Ya nim yu, hol ye mkél bè ulal, gel henlóyen ofi. Ilóu ofo kuy ke tô ye gewà lemen yóm angat tafak Dwata tau ke olo ye hbabtays.

Kem Udél Hlalak Tehe Selumun 3:18

Yó gónón tahà ktauhen yóm tau lanen mmu yóm khulung hedem ne tey hyu nawan yóm tau mgen du.

Kem Lingón 62:8

Ó kem dou tau, hol tendo snalig ye Dwata. Tulón ye du yó kem blat nô ta ye, abay se Dwata se yóm gónó tekuy e mlo.

Sulat Pol Ebè Yó Kem Tau Hemtahu Bè Rom 5:5

Angat dohò kguta tekuy du yóm hendón tekuy yó, abay se deng gotu gnóm tekuy ne yóm kbong nawa Dwata tekuy, hlanen bè yóm Tulusen deng basahen tekuy.

Hibru 6:17

Senged se yóm tehe kun nmò Dwata ekni. Bè yóm tehe kwen fasaden yó kem tau gnan, hol kóyóen ke tngón le yóm là ketlesen du yóm deng fasaden kul. Yó gónón hemlan du bè kun boluy mò hol hemget du.

Hibru 7:19

Yó gónó Dwata temles du, abay se yóm hlau Musis yó, là gbeken hgulit tekuy. Bede tey hyu yóm tles Dwata du. Deng wen ne lan nmoen gónó tekuy gehloni ebéléen, duhen yó se hol nefet nawa tekuy ni kmoen ni.