Biblia Todo Logo
Bib sou entènèt

- Piblisite -




Hibru 6:12 - Udél Dwata: Gna Kesfasad ne Lomi Kesfasad

12 Là kô me móyô du ke baling ye mduk, okóm yó kóyô me bélê ye ke hol dnalang ye yóm kul kmò yó kem tau hemtahu bè Dwata, ne yóm khanay le nawa le efet guta le yóm deng tehe fasad Dwata kul.

Gade chapit la Kopi




Hibru 6:12
36 Referans Kwoze  

Gel hentulón ye nawa yó kem tau tehe gónó ye galak, yó kem fen tehe gel tmolok kuy yóm Udél Dwata. Hol hendem ye yóm kmò kwit le ktau le efet katay le, ne hol dnalang ye yóm kehtahu le bè Dwata.


Hol hanay ye nawa ye dé anì gmò ye yóm kun kóyô Dwata, ne anì guta ye yóm tehe fasaden kuy.


Deng wen tehe fasad Krays tekuy, duhen yóm klowil laen dù sónen.


Hotu ye gel ye mò nmò, bê ye abay hduk. Hotu ye nawa ye mò du yóm hmoen kuy yóm gónó ye mogot.


Bè ni kem tulónu kuy ni koni, tey dê he yóm tô nóyô tulón me kuy, okóm tey mgel tmulón du kuy, abay se laen dù hol óyô ye dmalang.


Duhen yó, kem dumuhu setwoli, hol hotu ye són gel ye mò du nim monu ni koni mò gónó ye hton du yóm deng tehe ktaba Dwata kuy, ne yóm deng kéléken kuy. Ke henlel ye mò du nim ni, là kô na ye e gbek kmogol du yóm kehtahu ye bè Dwata.


Abay se tngón ye se yó kem tilów bè kehtahu ye, yó uléken khulung hbala.


Yóm bélê tekuy, lómón tô deng gotu senibut le tekuy yó kem tau gnan yó ekni. Yó gónóm mon, hol kó tekuy yó kem gel hemseng yóm klolò te ke Dwata. Kó tekuy snéen yóm salà gónó tekuy gel gfét. Hol lómón yóm tau skuya mlóy, hotuhen són gelen anì gefet bè hol sónen.


Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.


Ne senged se yó kem Ju deng hemtahu bè Dwata, yó kem tau deng tnulì, Abraham se mà le. Là lemwóten bè yóm klolò le yóm kehtulì Abraham, okóm lemwót bè yóm kdalang le yóm kehtahuhen gu laanen là deng htulì.


Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.


Yó udél Dwata ebè yó kem tauhen, monen, “Mdà ye bè yóm gónón sesyat lan. Hnebel ye yóm lan deng legen, yóm lan hol tahu duhen ne yó lolò ye. Bè yóm klolò ye du yóm lan yó, bè yó gónón menek kegnóm ye du. Okóm deng mom yó balà ye dou, mon ye, ‘Là. Là yó du yóm lan nóyô me.’


Yóm tau là teneben mò du yóm kun nmò hol lómón ksideken yóm kul kmò yó kem tau gemlà.


Yóm tau ke deng olu Dwata du kenfô, dohò kenfô se yó. Ne ke deng olu Dwata yóm sotu tau matay bè sudeng, dohò matay bè sudeng se yóm tau yó. Yó gónóm mon, tey bong muhen yóm khulung le hbala yó kem kun tau Dwata, ne ke là monolen yóm kehtahu le.”


Ni kem tehe tau gnan ni ekni, lemwót bè yóm kehtahu le bè Dwata, yó gónó le gel matù bè yóm gel kesgida le. Tódô nmò le yóm tedeng, ne yó gónó le gmuta du yóm fasad Dwata kul. Lemwót bè kehtahu le, là kô gebngat le du kakim le yó kem liyun tô msék kul.


Ne tahu se, là kóen tmakas Abraham mangat du efet gutahen yóm deng fasad Dwata du yó.


Botong gel salù me yu bè yó kem dumu tau hemtahu bè Dwata. Gel salù me yóm tendo kehbala ye ne yóm tendo kehtahu ye, balù yóm tey kehsidek le kuy ne yóm tey keglayam ye.


Yóm tonok hyu gónón e gdek yóm dumu bnék sohulen, duhen yó se kem tau hmungol du yóm Udél Dwata, ne tendo hnô le lem hendem le ne tódô henlel le se hemtahu du efet tey kbungu le.”


‘Ou se sana kul Dwata le Abraham ne Isak ne Jakub.’ Bè yóm udél Dwata yó gónó ye temngón du yóm deng bud kehlowil Dwata kul. Abay se yóm Dwata, du se Dwata yó kem mowil, là bè yó kem là mowilen.”


Yóm kun klowil yóm tau lemfu, lómón ke yóm lan tódô tfeng sual, okóm yóm kun klowil yóm tau tedeng kmoen, lómón ke yóm lan tódô mló.


Laen kô tul kgutahen du yóm nóyóen yóm tau lemfu, okóm yóm tau mefesek gotu gutahen yóm gónón gsengel nawahen.


Du baling gónó galak yóm tau mefesek, okóm yóm tau lemfu olohen hgel mò yóm hmò kem dumu tau du.


Bè yóm gel kni me bè Dwata yóm Mà tekuy, là kô na me e klifót du se yóm hyu gel nmò ye lemwót bè yóm kehtahu ye, ne yóm tey kmò ye nmò lemwót bè yóm kbong nawa ye kem dumu ye, ne yóm tey kbegelen yóm hendón nefet nawa ye bè yóm gónó tekuy mogot Jisas Krays.


Sotu kdaw bè yó, matay yóm tau élél yó. Ne tódô wen hógów Dwata gu bè longit na a mangay du, ne nit le ebè longit klohok Abraham. Kóngen na a matay se kun yóm tau wen kendengenen yó, ne lebeng le.


Mung kudél yóm gónóhen mogot, monen, ‘Teyi bakà yóm uu. Alii mduk. Igoem sem deng mon du gel nutahu yóm là dou hulu du ne yóm là dou leniteg du.


Okóm uu, lemwót bè yóm khulungem hedem hol loloem yóm kul kmò yó kem tau tedeng kmò le ne hol hentedengem yóm kóm kmò klowil.


Yóm tau snukaten yóm tau laen dù kéngen ebè yóm nmò sidek mom du bud tawan sukaten, okóm yóm tau laen dù belenen bong umunen.


Lómón yóm tendo kilóy yóm sasà beng bè bak tikeb laen dù gónón e mógów lómón se ni yóm tau lemfu tendo khilóyen ta gónón tungô.


Swiv nou:

Piblisite


Piblisite