Hibru 6:10 - Udél Dwata: Gna Kesfasad ne Lomi Kesfasad

¹⁰ Tey tedeng knawahen yóm Dwata. Là kô klifóten du yóm hyu tehe gel nmò ye, ne yóm tey kbong nawa ye du. Yó gónón gfan yóm nawa ye ebéléen yó bè yóm gel któbóng ye yó kem dumu ye hemtahu. Balù ni kmoen ni, sana kmò ye du.

Hibru 6:10 Referans Kwoze

Matyu 10:42

Tódô tulónu kuy ktahuhen, baluen he ke tek olon él tnaw hinum ye yóm sotu tau gel lemolò do, yóm tau alì glaan bè kdéen, abay se dilô ye yóm kloloen do, angat dohò wen ofol blay Dwata kuy.”

Hibru 13:16

Ne bê tekuy abay klifót yóm ktilob kmò tekuy bè kem dumu tekuy tau ne yóm gel kestóbóng tekuy, abay se ni se mò henged dsù gónón hyu nawa Dwata.

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

Kul Nmò 10:4

Ya tey sidek klikò Kurnilyus, tódô hnunuhen, monen, “Moem kut de, Sér?” Ominen bud mudél yóm hógów Dwata, monen, “Tey hyu nawa Dwata bè yóm gel knihem, ne tonen snéen yóm alì kbasahem yó kem tau wen gónó le élél. Ne ni se yóm kbalaen kóm.

1 Tisalunika 1:3

Bè yóm gel kni me bè Dwata yóm Mà tekuy, là kô na me e klifót du se yóm hyu gel nmò ye lemwót bè yóm kehtahu ye, ne yóm tey kmò ye nmò lemwót bè yóm kbong nawa ye kem dumu ye, ne yóm tey kbegelen yóm hendón nefet nawa ye bè yóm gónó tekuy mogot Jisas Krays.

Kulasi 3:17

Duhen yó, bè ket nmò ye duhen ket benkó ye, hol na ye na hlan bè boluy yóm gónó tekuy mogot Jisas. Bud béléen snéen gónó ye hlan du yóm kdóyón ye ke Dwata yóm Mà tekuy.

Kem Udél Hlalak Tehe Selumun 14:31

Yóm tau hen-gnoken yóm tau élél, tnondohen yóm Dwata deng tehe mò du, okóm yóm tau knoduhen yóm tau élél, megdóyón béléen Dwata.

1 Timuti 6:18

Yó dé hyu ke hol tnóbóng le yó kem dumu le tau. Yóm gel któbóng le kul yó, yó se henged kendengen le. Yake hol tnóbóng le yó kem tau élél.

Mark 9:41

Tódô tulónu kuy, yóm tau ke olon hinum kuy él lemwót bè yóm deng klolò ye do, angat dohò se yóm ofol blay Dwata du.”

Sulat Pol Ebè Yó Kem Tau Hemtahu Bè Rom 12:13

Hol gel tnóbóng ye kem dumu ye hemtahu ke wen gónó le élél se kul. Hol ye gel hmódó ke wen tau milo sut bélê ye.

Kul Nmò 11:29

Yó nmò yó kem tau lemolò ke Jisas bè Antyok, yóm ket kul na sotu, gotu le hemwit yóm kul gbek tóbóng ebè yó kem dumu le hemtahu bè Judiya.

Glasya 5:13

Bélê ye kuy, kem dumuhu setwoli, deng tnaba Dwata yu ebéléen anì là bud ye ghesek du ne yó kem hlau Musis. Okóm baluen ke là bud ye ghesek du, hol bê ye abay tódô nmung yóm sidek knóyô lówó ye. Yó dé tles nmò ye, tnóbóng ye kem dumu ye lemwót bè kesbong ye nawa.

Kem Udél Hlalak Tehe Selumun 19:17

Yóm tau knoduhen yó kem tau élél lómón ke hendómen Dwata ne Dwata he hulék du yóm deng blayen.

Kul Nmò 10:31

monen mò dou, ‘Ó Kurnilyus, deng gungol Dwata yóm gel knihem, ne deng tonen se yó kem gel blayem bè yó kem élél.

Kun Snulat Jan 13:20

Tódô tulónu kuy ktahuhen,” monen, “yó se tau hmódó yóm tau hógówu, hol lómón ke ou se yóm hnódóhen yó. Ne yó se tau hmódó dou, deng hnódóhen snéen yóm hógów do.”

2 Timuti 4:8

Ne ni, wen deng eles henyu yóm gónó tekuy mogot mò ofolu, yóm ofol blayen bè yó kem tau deng tedeng kmò le. Angat suen béléu bè yóm kdaw kekukumen tau, ne tey tedeng yóm kkukumen. Là kô són du ou se yóm wen ofolen, senged nóm se yóm kdéen tau deng eles tendo hemdón du yóm ksuten.

2 Kurin 9:1

Tngónu laen hol muhu alì semsulit du bélê ye yóm kmò keblay ye ebè yó kem dumu tekuy hemtahu bè Judiya.

Jirimaya 18:20

Deng mom bnalà le sidek yóm hyu gel nmou bélê le. Deng wen holot nmò le anì ghatay le ou igoen ou se yóm tehe hkodu béléem anì mkó ta le yóm tey kebutem kul.

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.

Kem Lingón 20:3

Hol henmóyô Dwata he yó kem blayem du, ne hol hligal du he yó kem gel dsuem ebéléen.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

Kehewà 1:20

Lemwót bè yóm klikò le ke Dwata ni kem libun gel mwa ngà ni, ya tey kehyu nawa Dwata ebélê le, benlayen se lu ngà. Ne yó kem tau Israél, sónmò le ninut mból ne kemgis.

Kehedem Tau Tmolok 11:1

Holi bemlay, abay se yóm blayem yó, angat bud mulék ebéléem elem hulin kdaw.

Jirimaya 31:16

Okóm ni, bud wen udél Dwata, monen, “Bê ye abay bud mkik, yakà wen yóm ofol blayu kuy. Angat le bud semfulék ebélê ye yó kem ngà ye lemwót le gu bè yóm tey benwu mayuk yó kem hohon ye.

Hibru 10:32

Okóm tekuy, hol hentulón ye nawa yóm tehe kdaw ye ekni, yóm kdaw tehe kehlayag Dwata lem hendem ye. Tey sidek tehe keglayam ye lemwót bè yóm deng kehtahu ye, okóm là gwiten kuy.

Matyu 20:7

Bnalà le se, mon le, ‘Laen dù tau hmò kum nmò.’ Bud monen se mò kul, ‘Mò ye nmò béléu dé bè huluhu.’ Tahu se, na le e mò nmò.

Matyu 25:17

Ne bud lemwót se kun yóm mogot lewu libu. Ngangen hból yóm kun efet bud lewu libu se uléken.