Hibru 5:9 - Udél Dwata: Gna Kesfasad ne Lomi Kesfasad

⁹ Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

Hibru 5:9 Referans Kwoze

Hibru 9:15

Yó gónóhem mon, Krays se yóm lomi lan deng nmò Dwata mò lan tekuy hloni ebéléen. Yó gónón mò du anì kdê yó kem tau deng tnaba Dwata, gotu ton le yó kem hyu tehe fasad Dwata kul, yóm hyu laen kô tul sónen. Hol tahu dohò nim ni, abay se deng wen fen matay. Yóm katayen yó, gotu lenwaen yó kem tau bè yó kem sidek tehe gel nmò le bè yóm tehe klolò le yó kem gna hlolò le kul.

Hibru 2:10

Dwata se yóm tehe dmimun du yóm kentihen, ne tolo nkemen he ni kmoen ni. Tey hyu yóm tehe nmoen bè Jisas, nan na hlan bè yóm gónón hol glayam anì gfan yóm tey kguliten. Ni se lan Dwata mit tekuy kem ngaen etu bè longit. Yakà Jisas du yóm tukô gna tekuy ebè yóm klowil laen dù sónen.

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

Hibru 9:12

Bè yóm kógów Krays bè yóm gónô yó, tódô hlós husek elem yóm Dfél gónóhen nô Dwata, ne bè yó gónón seflós nô. Bè yóm khuseken, là nwiten du yóm litô kambing duhen ke litô safì mò dsuen ebè Dwata. Okóm hol kun litô yóm nwiten. Lemwót bè yóm kedsuen yó, yó gónón wen lan tekuy gewà gu lem hatay, ne laen tul sónen ne yóm kegewà tekuy yó.

Kul Nmò 5:32

Ni kem tulón me kuy ni,” mon Pitér, “mi se gemtanud du yóm ktahuhen. Dalang se yóm Tulus Dwata deng blay Dwata yó kem tau mimón du, bud du se gemtanud du.”

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.

Hibru 11:8

Dalang se ke Abraham ekni. Lemwót bè yóm kehtahuhen bè Dwata, yó gónón tódô mimón yóm ktaba Dwata du ebè yóm benwu deng fasaden du. Tódô tnagaken yóm kun benwu, balù yóm là ketngónen du gónón seblà yóm benwu deng fasad Dwata du.

2 Tisalunika 1:8

Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.

Sulat Pol Ebè Yó Kem Tau Hemtahu Bè Rom 2:8

Okóm yó kem tau són ktes le kul knóyô, kenbê le yóm hyu ne són nmò le yóm sidek, angat hotu Dwata eta le yóm tey sidek kebuten kul.

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

2 Kurin 10:5

Dalang se yó kem tau hegmón hemkéng ke Dwata, gbek me malà kul anì laen dù gmò le. Bè yóm kbalà me kul yó, botong tenles le kehedem le, ne baling le tau mimón ke Krays.

Sulat Pol Ebè Yó Kem Tau Hemtahu Bè Rom 15:18

Laen kô dumu gel tulónu, tek són yóm deng gendeng Krays hlanen béléu anì baling nimón le Dwata yó kem tau là Juhen. Yó kmoen du, hlanen bè yóm ktoloku ne yóm gel nmou lem blóng le,

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

2 Timuti 2:10

Kem kunen ne, kihu kem kmò le dou, syan ke gtóbóngu yó kem tau deng nélék Dwata anì gewà le gu lem hatay se kul lan le hemtahu bè Krays Jisas, ne anì guta le yóm klowil laen dù sónen.

Sulat Pol Ebè Yó Kem Tau Hemtahu Bè Rom 10:16

Okóm là kô kdê le du hemtahu du yóm Tulón Hyu yó. Hol mkél bè yóm sotu tehe mon Isaya ekni, yóm monen, “Ó Dwata, là holen wen tau hemtahu du yóm gel tulón me.”Duhen yó, yó gónó le hemtahu yó kem tau ke deng gungol le yóm Tulón Hyu. Ne yóm Tulón Hyu monu yó, duhen yó se yóm tulón me gbak ebè Krays.

Sulat Pol Ebè Yó Kem Tau Hemtahu Bè Rom 6:17

Tehe ye ghesek bè yóm óyô ye mò sidek, okóm ni gónóhu hol dmóyón ke Dwata abay se deng hol nô bè nawa ye mimón du yóm ktahuhen lemwót gu bè Dwata.

Hibru 2:3

Mom milud he kegtafak tekuy ke là kenmón tekuy du yóm tey hyu deng nmò Dwata bélê tekuy mò lan tekuy gewà gu lem hatay. Yó sem gónó tekuy mogot yóm tanay tmulón du yóm lan yó, ne lemwót yó kem tau mungol du, bud lu se hetngón du tekuy yóm ktahuhen.

Kun Snulat Jan 19:30

Timbow deng ksefen du, ominen mon du, “Deng gotu deng ne kdéen.” Ominen hetngù, ne milot se nawahen.

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Sikaraya 6:15

Bè yóm angat kehdà le yóm Gónô Dwata, tey dê tau lemwót bè benwu mayuk semtóbóng hemdà du. Ke deng dohò yóm ni, bè ni gónó ye temngón du yóm Dwata laen dù là gbeken du yóm hógów do ebélê ye. Ke hteneb ye mimón du yó kem hloloen kuy yóm sana kuy Dwata hol gónó mogot, angat gotu dohò ni kem ni.’ ”

Isaya 45:22

Beklil ye ebéléu dé anì lenwau yu, yu kem tau bè klamangen benwu. Tek són ou yóm Dwata, laen dù dumuhen.

Kem Lingón 51:6

Okóm yó gel sen-galuhem béléu yóm klaen dù kéngu lemwót bè kedket nawahu ebéléem, Ke yó se kóyóem béléu, Dwata, tolokem dou sen yóm khulung hedem lemwót béléem.

Sulat Jud 1:21

Tódô henlel ye mimón ke Dwata anì hol ye menek bè yóm kbong nawahen kuy igò ye mangat du yóm klowil laen dù sónen guta tekuy mlan bè yóm tey kkoduhen tekuy yóm gónó tekuy mogot Jisas Krays.

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

Hibru 11:40

Yó duón gónó le là gmuta du, abay se wen yóm tey hyu atul Dwata mò gónó tekuy gotu gomong. Là kô na le e kendel guta du yóm fasad Dwata yó ke là deng tekuy gotu gomong gulit bélê le.

2 Tisalunika 2:16

Yó hem gónó tekuy mogot Jisas Krays ne Dwata, yóm Mà tekuy, hol gemduf kuy ne hol temgel nawa ye anì senflós ye mò du yóm hyu, ne senflósen hyu yóm gel mon ye. Tey kbong nawahen tekuy Dwata. Lemwót bè yóm któbóngen tekuy, yó gónón tendo wen kgel nawa tekuy, ne tendo wen yóm tey hendón nefet nawa tekuy.

Kul Nmò 3:15

Deng mom hfatay ye yóm gónón gu tembul yóm klowil laen dù sónen, okóm deng bud hlowil Dwata. Mi se hol gemtanud du yóm deng bud klowilen.

Kun Snulat Luk 13:32

Mon Jisas se mò kul, “Mulék ye etu ne, ne hol tulón ye yóm tau alì hulung smukat yó, mon ye mò du, ‘Kemdaw ni ne haya, tolo lelu he hdó busaw ne hkó des. Lewu ni kehedengu du yóm nmou.’

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Kem Lingón 51:8

Bud hulékem ebéléu dé yóm dou kligal. Lómó kegnómu du ni, lómón ke deng lenunahem ou, ne lómón ke denge mesfu. Bede tngónu gbekem bud hulék du ebéléu yóm kligalu.

Kem Lingón 45:17

Lemwót bè nim klingónu kóm ni, là kóen lana yóm boluyem bè yó kem angat lugodem. Yó gónóm mon, laen kô dù tul sónen yóm kdóyón le kóm yó kem tau.

Kul Nmò 4:12

Duhen yó,” mon Pitér, “Tek són Jisas gembek lemwà tekuy gu lem hatay. Laen kô dù dumu tau talak tonok ke gónó Dwata hlan du yóm kegewà tekuy, tek són Jisas.”

Isaya 55:3

Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.

Flipay 2:12

Duhen yó, kem dumuhu sogot nawa, deng hónô tonu yóm kimón ye do yóm tehe knóu lem blóng ye. Yake milud he kimón ye do ni kmoen ni yóm là bud knóu bélê ye. Lemwót bè yóm klikò ye ke Dwata, tódô hol henlel ye mò du yóm nmò tehe nbut Dwata bélê ye bè yóm kehewaen kuy,

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Hibru 9:28

Senged snéen yóm Krays. Tek suléken matay bè yóm tehe kedsuen klowilen mò hkó salà yó kem tey tau wen. Angat bud semfulék edini, bede là kóen na a bud hkó salà. Okóm yó nógówen, senfuléken yó kem kdéen tau hemtahu deng hemdón mangat du.