Hibru 5:5 - Udél Dwata: Gna Kesfasad ne Lomi Kesfasad

⁵ Senged snéen ke Krays, là kô nan e ten-gna mon du, ou dé mò fen blóng tau ebè Dwata. Kaem tódô Dwata yóm fen mélék du, yó monen mò du, “Uu yóm hol Ngau. Deng duhen ni ne yóm kdawu hegfan du yóm hol kngau kóm.”

Hibru 5:5 Referans Kwoze

Kem Lingón 2:7

Ne angat mudél se kun yóm tau deng hyón Dwata yó, yó monen, “Heglalagu bélê ye yóm deng tehe mon Dwata mò dou, yó tehe monen, ‘Uu yóm hol dou ngà. Bè nim kdaw ni kehetngónu du ne yóm kmaem dou.

Kun Snulat Jan 8:54

Ne bud bnalà Jisas lu, monen, “Ke tô hadatu knóu, laen kô dù gónón e kól. Kaem tódô Mà yóm madat dou. Ne hol du se yóm mon ye kuy Dwata.

Hibru 1:5

Abay se laen dù bélê le ke mon Dwata mò kul, “Uu yóm hol Ngau. Deng duhen ni ne yóm kdaw kehegfanu du yóm kngau kóm.” Balù sotu bè yó kem hógówen ke wen tulónen gbak ebélê le, ke monen, “Ou se angat Maem, ne uu se angat Ngau.”

Kun Snulat Jan 7:18

Yóm tau tódô lembù tmolok, naluhen któtólen. Okóm yóm tau naluhen któtól yóm hógów du, laen kô dù kéng du yóm gel tulónen, hono tahu.

Sulat Pol Ebè Yó Kem Tau Hemtahu Bè Rom 8:3

Yóm hlau, là kô gbeken mkó du yóm kfasang yóm salà bè klowil tekuy abay se laen dù tau tódô gembek lemolò du lemwót bè yóm tey klunog tekuy. Okóm wen kun atul Dwata, hógówen yóm Ngaen na a hbaling bè lówó tau, lómón yóm lówó tekuy kem tau gemsalà na a matay mò lanen tmuled yóm salà.

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

Hibru 2:17

Bè yóm któbóngen tau, là gbeken du ke là nan tódô hbaling tau anì mkél bélê tekuy kem dumuhen setwoli. Yó gónón na gbót bè yóm kmò tekuy anì du mò blóng tekuy ebè Dwata, ne anì là mili nawahen mò du bélê tekuy, ne anì hol knoduhen tekuy. Bè yóm keseblóngen yó, yó se gónó Dwata hmifót salà tekuy.

Hibru 3:1

Ó kem dumuhu setwoli, yóm deng tnaba Dwata mò kem tauhen. Hol hendem tekuy dé Jisas. Du se yóm deng hógów Dwata elem blóng tekuy mò fen blóng tekuy ebè Dwata bè yóm kehtahu tekuy.

Hibru 5:10

Yó boluy Dwata du tau mò blóng ebéléen, lómón yóm tehe kun keseblóng tau Mélkésédék.