Hibru 5:4 - Udél Dwata: Gna Kesfasad ne Lomi Kesfasad

⁴ Yóm tau mò du nim nmò ni, tey bong kadat le du. Là kô wen tau tódô lembù mò du nim nmò ni. Sal gel nélék Dwata yóm tau fen mò du, lómón yóm tehe kéléken ke Aron ekni, yóm hol tanay tau mò blóng le ebéléen.

Hibru 5:4 Referans Kwoze

Lista 16:40

Nim lafin lenubaken ni mò eles gónó le temgama yó kem tau Israél anì laen dù tau mógów bè solu Dwata mò mtem insinsu ke là tauhen semfu gu bè Aron. Ke wen tólóng tau tô mò du angat mkél kul le Kura ne yó kem lemolò du, gotu le meglà matay. Tahu se, gotu nmò Ilisar yóm kdê deng hlolò Dwata du hlanen bè Musis.

Lista 16:5

Ominen mudél ebè Kura ne bè yó kem lemolò du, monen, “Hlafus haya hegfan Dwata bélê tekuy yóm tau deng néléken. Yóm tau deng néléken, du se henmóyóen mò mtem insinsu ditu bè soluhen.

2 Tutul Israél 26:18

Tódô le ssolu ke Usiya, mon le mò du, “Là kô uu du, Usiya, yóm mtem insinsu ebè Dwata. Kem sfu Libay fen mò du, yó kem tau gel blóng ebè Dwata, kem tau deng hetfing le mò fen mò du yóm nmò ni. Hewai lem yóm Gónô Dwata ni, abay se dengi gemsalà. Là kô nadaten kóm yóm Dwata hol gónó mogot bè yóm nmoem ni.”

Kun Snulat Jan 3:27

Bnalà Jan lu, monen, “Là kô wen tódô nmò yóm tau ke là lemwóten bè Dwata.

Lista 16:35

Omin Dwata hesut yóm tey dilóf ofi ne gotu sulék kenen yóm lewu latu limu folò tau mit insinsu yó koni.

Lista 16:10

Igoen tey bong yóm deng sigang Dwata ta ye, yu kem tau Libay. Okóm ni móyô ye ke yu tles tau mò blóng ebè Dwata.

Lista 3:3

Ni kem ngà Aron logi ni, deng tenwél Musis hnolo te kulu le, hetfingen lu mò tau blóng ebè Dwata.Okóm kul le Nadab ne Abihu, hnatay Dwata lu bè yóm benwu laen hol wen tauhen boluyen Sinay lan le tódô lembù demsù ebéléen yóm ofi là hmoen du kul. Laen dù ngà le se kul. Yó gónóm mon, són Ilisar ne Itamar yóm mò blóng tau ebè Dwata bè yóm kun kdaw yóm mà le Aron.

Isra 7:5

Yóm Buki ngà Abiswa. Yóm Abiswa ngà Finihas. Yóm Finihas ngà Ilisar. Yóm Ilisar ngà Aron yóm hol geta bè yó kem tau blóng ebè Dwata.