Hibru 5:14 - Udél Dwata: Gna Kesfasad ne Lomi Kesfasad

¹⁴ Okóm ke deng nimónen Dwata yóm tau, lómón ke deng gbeken mken yóm ken mgel. Abay se deng tendo gel dnalangen se kun milô du yóm hyu ne yóm sidek.

Hibru 5:14 Referans Kwoze

1 Tisalunika 5:21

okóm hol henklol ye ke tahu lemwót béléen. Ke hyu, henmóyô ye

Ifisus 1:18

Hol hnihu bè Dwata anì hlayagen lem hendem ye anì glileb ye yóm kwen tey hendón nefet nawa ye, yó se yóm tehe tabahen kuy. Kóyóu ke hol glileb ye snéen yóm alì kehyuhen yóm deng fasaden bè yó kem kun tau,

1 Kurin 2:6

Bè yó kem tau deng mbegel kehtahu le, wen dou ketngón toloku kul. Bede là mkélen bè yóm kul ketngón yó kem tau te tonok, ne là mkélen bè yóm kul ketngón yó kem tau wen kfasang le mogot benwu. Yóm kul kfasang yó, deng sana nbuten monol.

Isaya 7:15

Bè yóm deng khulungen hedem yóm ngà yó, són yó lowil yó kem tau són gatas ne tneb.Okóm gu laanen là deng sut yóm kdaw yó, deng sana genlà yó kem dumu tau ne yóm kul benwu yóm lewu kem tau hol geta alì knikoem yó.

Ifisus 4:13

Yó hol nefeten nim ni, baling tekuy ssotu bè yóm kehtahu tekuy ne bè yóm ketngón tekuy du yóm Ngà Dwata. Ngangen ne efet tekuy baling gulit, efet gsenged tekuy yóm hol kun kmò Krays.

Flipay 3:15

Yóm kdê tekuy deng malay kehtahuhen, yake lómón ni dé kehedem tekuy. Okóm ke wen bélê ye tólóng kehedemen, heglileb Dwata kul he nim ni.

1 Bok Kem Tau Hol Geta 3:9

Yó gónóm mon, hol benlayem ou khulung hedem anì hyu kwitu kul ni kem tauhem, ne anì hol dilóu yóm hyu bélê le ne yóm là hyuhen bélê le. Laen kô dù tau gembek mogot kul ni kem tey tau wen ni ke tek sotuhen?”

Sulat Pol Ebè Yó Kem Tau Hemtahu Bè Rom 14:1

Wen sotu tulónu kuy bè kmò ye ebè yóm tau là dengen nelem kehtahuhen. Hol gel hmung ye bélê ye, okóm bê ye gel nit skuya bè yóm gónó ye stólóng bè kehtahu ye.

Tekang Kbuten 3:5

Yó gónó Dwata mngali du kuy yóm yó, abay se tngónen ke ken ye tódô ye mkél béléen, tódô tngón ye yóm hyu ne tódô tngón ye se yóm sidek.”

2 Samwél 14:17

Yó hendemu, ‘Udél yóm tau hol geta angat bemlay do kenek nawa.’ Abay se yóm uu, hol lómón ke hógów Dwata, dilóem yóm hyu ne dilóem se yóm sidek. Yó hem sana kóm Dwata hol gónó mogot tendo nô béléem.”

Matyu 5:48

Yó gónóm mon, hol ye hgulit, lómón kgulit yóm Mà tekuy bè longit.”

Kem Lingón 119:103

Kehlingónu du yóm gel hloloem kum, tey mi senta tneb.

1 Bok Kem Tau Hol Geta 3:11

Ne yó gónó Dwata mon du mò du, “Lemwót bè yóm knihem du yóm khulung hedem mit kul yó kem dou tau, ne là se hnihem du yóm ktahà klowilem ne kwen kendengenem ne katay yó kem hohonem,

Job 6:30

Bè kehedem ye dou, ofo kuy mon du ke moe kéng okóm là. Ofo kuy ke là dilóu du yóm tedeng ne yóm là tedengen, igou dmilô du.” Là gomongen bè nili yóm tsaptér 7 efet kól bè tsaptér 13. Yó tulónen bè tsaptér 7 yóm sfu yóm udél Job ebè Ilifas ne yóm tey ktalaw Job ebè Dwata. Yó tulónen bè tsaptér 8 yóm tanay udél Bildad ebè Job ne bè tsaptér 9 ne 10 yóm kbalà Job ke Bildad ne yóm bud ktalaw Job ebè Dwata. Yó tulónen bè tsaptér 11 yóm udél Sufar ebè Job ne bè tsaptér 12 ne 13 yóm bud kbalà Job ke Sufar ne yóm tey bud ktalaw Job ebè Dwata.

Sulat Jim 3:2

Kdê tekuy, sal gel wen gónó tekuy gemsalà. Okóm yóm tau laen dù salà sumóngen, deng tahu gulit ne yóm tau yó, deng hulung mit ktauhen.

1 Timuti 4:7

Béi mung du kóm yó kem tutul lenbù nmò tau gnan, tutul là lemwóten bè Dwata, tutul laen kô gónón e mefet. Tódô hol dnalangem hgulit bè yóm kloloem ke Dwata.

Hibru 6:1

Duhen yó, yake hlós tekuy dé bè yóm tolok gónó tekuy baling gulit. Laen dù mu tekuy bud semsulit du yóm hol tanay dnalang tekuy bè yóm tehe kbut tekuy hemtahu. Bê tekuy abay bud sensulit yóm tehe ktagak tekuy yóm dê lolò laen dù muhen bè yóm deng kehtahu tekuy bè Dwata.