Hibru 5:11 - Udél Dwata: Gna Kesfasad ne Lomi Kesfasad

¹¹ Bè ni kem tulónu kuy ni koni, tey dê he yóm tô nóyô tulón me kuy, okóm tey mgel tmulón du kuy, abay se laen dù hol óyô ye dmalang.

Hibru 5:11 Referans Kwoze

Matyu 13:15

Abay se là móyô le dmalang ni kem tau ni, deng mom nseng le klingu le, deng le mom hidong. Ke bê le nmò yó dum yó, dilô le yóm gel ton le ne glileb le lanen yóm gel gungol le. Ngangen ne efet le mimón béléu,’ mon Dwata, ‘ne gotu hnifótu yó kem salà le.’

2 Pitér 3:16

Hol lómón ni se yóm gel tulónen bè yó kem dumu sulaten lemwót bè yóm hol kgesón benwu. Wen se bè yó kem snulaten malù mgel temngón du yóm hol lanen. Yóm gel mgel du yó, fen gel sekban kehlan le du yó kem tau là hulung le hedem, kem tau là mbegelen yóm kehtahu le. Bud ni se gel nmò le bè yó kem dumu hsulat Dwata snéen. Yóm alì kesekban le yó, yó se mit kul elem tafak laen dù sónen.

Kul Nmò 28:27

Abay se ni kem tau ni, là móyô le dmalang. Deng mom nseng le klingu le. Deng le mom hidong. Ke bê le nmò yóm yó, dilô le yóm gel ton le, ne glileb le lanen yóm gel gungol le, ngangen ne efet le semfulék ebéléu, mon Dwata, ne gotu le baling bud hyu.’ ”

Kun Snulat Jan 16:12

Tey dê he tô nóyô tulónu kuy,” mon Jisas, “okóm là dog tulónu du ne, déke mom temnù yóm ksidek kegnóm ye du.

Kun Snulat Jan 6:6

(Yó gónón mon du yóm yó mò tilówen ke Filip. Okóm deng eles tngónen ne kun yóm angat nmoen.)

Kun Snulat Luk 24:25

Ne bud mudél ebélê le Jisas, monen mò kul, “Tey kem tau là hulung hedem nim yu. Tey mima bélê ye hemtahu du kdê yó kem tehe gel tulón yó kem gna tugod Dwata ekni.”

Mark 8:21

Ne yó bud mon Jisas mò kul, “Ilóem là getnef ye du kô yóm deng nmou yó?”

Isaya 6:10

Omin Dwata bud mon du mò do, “Yó kem tau alì mgel kulu le yó, henbalingem lu tau là hulungen hedem. Hol hbokongem lu, hol hbutóem lu anì là getnef le du lanen yóm ton le ne yóm gungol le. Abay se ke getnef le, déke beklil le ebéléu na le e hkó béléu salà le.”

1 Bok Kem Tau Hol Geta 10:1

Timbow gungol yóm libun boi bè benwu Siba yóm tey któtól Selumun, yóm gónón megdóyón Dwata, yó gónón mógów ebéléen anì tilów snólóken yó kem tey sólók mgel.

Hibru 5:10

Yó boluy Dwata du tau mò blóng ebéléen, lómón yóm tehe kun keseblóng tau Mélkésédék.

Hibru 5:12

Tey deng kegen ye hemtahu, yake deng ye kem olò hulung tmolok ne yóm Udél Dwata bè kem dumu ye. Là myó. Hyu ke wen tau na bud tmolok kuy yóm hol tanay dnalang yóm tau hemtahu lemwót bè yóm Udél Dwata. Yó gónóhu e hmingun kuy, hol lómón yóm ngà tolo tmutù. Là deng gbeken du he mken du yóm mgel.