Hibru 4:8 - Udél Dwata: Gna Kesfasad ne Lomi Kesfasad

⁸ Yóm lomi benwu monen gónó le hlós henek nô yó, sundu benwu Kanan du. Ke deng duhen yó yóm benwu gónó Juswa e malak kul, sana là mon Dwata du ne ekni wen benwu gónó le angat hlós henek nô.

Hibru 4:8 Referans Kwoze

Juswa 1:15

efet le gnô ta yóm tonok deng blay Dwata kul nô fi desdef Él Jurdan. Ke deng tilob kehnô Dwata kul tahen yóm tonok yó, omin ye yó he mulék edini anì na ye e nô ta yóm kuy tonok bè ni fi dmata kdaw Él Jurdan, yóm tonok deng blay Musis kuy yóm tau tóbóng lówó Dwata.”

Dwata 12:9

abay se monem là deng ye kól tahen he yóm tonok blay Dwata kuy, yóm tonok mò gónó ye henek nô.

Juswa 23:1

Timbow deng hilu halayen bè yó, deng menek ne kbenwu le yó kem tau Israél lemwót bè yóm deng kehegmò Dwata kul bè yó kem hohon le. Ne deng tey tuha ne Juswa.

Kul Nmò 7:45

Bè yóm gónô tehe hmò Dwata kul yó, hlós tendo gel nwit yó kem lugod le. Bè yóm katay Musis, Juswa tles bud malak yó kem tehe fù tekuy ebè yóm benwu tehe blay Dwata kul. Eles tukô gna kul se Dwata, ne gotu hdóhen yó kem tau menwu ta yóm benwu gónón e malak kul yó. Bè yóm klawi le nô bè yóm benwu yó, eles tendo gel mdà lem blóng le se yóm Gónô Dwata yó efet kól bè yóm kun kdaw Dabid.

Kem Lingón 78:55

Deng gotu lohen yó kem tau tehe nô bè yóm benwu yó. Nólólen yóm tonok le mò blayen yó kem tau Israél mò nfun le. Ne bè yó gónón hemsù kul yó kem tau Israél.

Kem Lingón 105:44

Tódô blayen kul yóm tonok tólóng tau deng hnulenen, tles hfunen kul yó kem hulu le.

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.

Hibru 4:9

Bè ktahuhen, bélê tekuy kem tau Dwata, tolo wen he gónó tekuy tahu hegnô, lómón yóm tehe kun kehegnô Dwata bè yóm ghituhen kdaw ekni.