Hibru 4:7 - Udél Dwata: Gna Kesfasad ne Lomi Kesfasad

⁷ Yó gónó tekuy temngón du nim ni, abay se deng bud wen kdaw blay Dwata tekuy. Yóm kdaw blayen tekuy yó, deng tódô monen, “Ni kemdaw ni.” Yó se yóm udél htugoden ke Dabid ekni, bede deng hilu latu halayen ne kegenen. Yó monen, “Ke sok gungol ye nim kemdaw ni yóm udél Dwata ebélê ye, hol bê ye abay là himón.”

Hibru 4:7 Referans Kwoze

Kem Lingón 95:7

Du se yóm kut Dwata, tekuy se kem tau sen-gyoken, lómón ke ubiha gel hótóben. Hol hnungol tekuy kemdaw ni yóm udél Dwata ebélê tekuy, yó monen,

Hibru 3:15

Wen yóm monen bè Sulat Dwata, yóm monen, “Ke sok gungol ye nim kemdaw ni yóm udél Dwata ebélê ye, hol bê ye abay là himón, lómón yóm deng tehe nmò yó kem fù ye bè yóm tehe là kehdon le ke Dwata.”

Matyu 22:43

Bud mon Jisas, “Okóm tedu kmò kesfuhen gu bè Dabid du? Igò Dabid se tehe moluy du gónóhen mogot, hmonen du yóm Tulus Dwata,

Kul Nmò 28:25

Bè yóm kewót le bè yó, là ssotuhen kehedem le lemwót bè yóm sotu bud tulón Pol kul, yóm monen, “Bong tahu se yóm tehe udél yóm Tulus Dwata ebè yó kem tehe fù tekuy ekni, hlanen bè Isaya, yóm sotu tehe gna tugoden.

Kul Nmò 2:31

Lemwót bè yóm deng eles ketngón Dabid du yóm angat nmò Dwata hulin kdaw, yó gónón eles tmulón du yóm klowilen gu lem hatay yóm Misaya, yóm tau deng nélék Dwata mò hkamalen yóm klamangen, yó monen, ‘Là kô bayà Dwata du lem benwu yó kem tau deng matay. Ne là kô hboloken du lem lebeng lówóhen.’

Kun Snulat Luk 20:42

Tedu mò kmoen de yóm yó igoen se wen yóm tehe mon Dabid lem yóm bok Lingón, yó monen, ‘Ni se udél Dwata ebè yóm gónóhu mogot, monen mò du, Myóni bè nii fi bè kwananu,

Mark 12:36

Okóm ke Dabid kun, wen tehe udélen ekni, hmonen du yóm Tulus Dwata, yó monen, ‘Ni se udél Dwata ebè yóm gónóhu mogot, yó monen mò du, Myóni bè ni dé fi bè kwananu. Angat gotu ndau lu elaan yó kem hmohon kóm.’

1 Bok Kem Tau Hol Geta 6:1

Yóm kbut kehdà Selumun yóm Gónô Dwata, hdaen bè yóm gewuhen bulón boluyen Sib bè yóm gfaten halay mogot bè Israél. Nim kbut kehdaen du ni, deng fat latu bud wolu folò halayen ne kegen Dwata deng tehe hewà yó kem tau Israél gu bè yóm keghesek le bè Idyip.

Kul Nmò 2:29

Bud mon Pitér, monen, “Ó kem dumuhu setwoli, wen tulónu kuy gbak ebè yóm tehe fù tekuy Dabid, yóm tehe tau hol geta alì tótól bélê tekuy. Deng tehe matay se kun ne deng lebeng le. Balù ni hem kmoen ni, gbek tekuy hménég du yóm tehe gónó le lembeng du.