Hibru 4:5 - Udél Dwata: Gna Kesfasad ne Lomi Kesfasad

⁵ Ne bud sensulit Dwata yóm tehe monen, “Hol là kô le gehlós edu kul tum benwu mò gónó le angat hlós henek nô.”Yó kem tau tanay hmungol du yóm Tulón Hyu, là kô guta le du yóm monen yó, abay se monem, là kô le hemtahu. Yó gónóm mon, angat wen he kem dumu tau heflós Dwata edu.

Hibru 4:5 Referans Kwoze

Kem Lingón 95:11

Ya tey sidek kebutu kul, botonge smafà, monu, ‘Là kô ye gehlós edu yóm benwu blayu kuy, yóm benwu mò gónó ye henek nô.’ ”

Hibru 4:3

Okóm bélê tekuy, kem tau hemtahu, angat guta tekuy se yóm deng fasad Dwata tekuy yó. Okóm yó kem tau là hemtahu du, là kô guta le du, hol lómón yóm tehe mon Dwata, yóm monen, “Tey sidek kebutu kul, ya tey kget kmonu du, ‘Hol là kô le gehlós edu kul yóm benwu mò gónó le hlós henek nô.’” Sundu yó gónó Dwata mon du yó ke là dengen deng he kmoen du yóm benwu monen yó, deng kem deng là sekna ne, tehe segeng bè yóm kedlimunen yóm klamangen.

Hibru 3:11

Tey kebutu kul, ya tey kget kmonu du, ‘Hol là gehlós le edu kul yóm benwu mò gónó le hlós henek nô.’”