Hibru 4:3 - Udél Dwata: Gna Kesfasad ne Lomi Kesfasad

³ Okóm bélê tekuy, kem tau hemtahu, angat guta tekuy se yóm deng fasad Dwata tekuy yó. Okóm yó kem tau là hemtahu du, là kô guta le du, hol lómón yóm tehe mon Dwata, yóm monen, “Tey sidek kebutu kul, ya tey kget kmonu du, ‘Hol là kô le gehlós edu kul yóm benwu mò gónó le hlós henek nô.’” Sundu yó gónó Dwata mon du yó ke là dengen deng he kmoen du yóm benwu monen yó, deng kem deng là sekna ne, tehe segeng bè yóm kedlimunen yóm klamangen.

Hibru 4:3 Referans Kwoze

Kem Lingón 95:11

Ya tey sidek kebutu kul, botonge smafà, monu, ‘Là kô ye gehlós edu yóm benwu blayu kuy, yóm benwu mò gónó ye henek nô.’ ”

1 Pitér 1:20

Deng eles nélék Dwata ne gu laanen là deng dmimun du yóm benwu, okóm ni ne yóm khógówen du ete tonok mò tmóbóng tekuy.

Hibru 9:26

Ke lómón yó nmoen, deng kem dê duléken ne dilóu glayam matay lemwót bè hol kbut benwu. Bede là. Tek suléken hbaling tau bè yóm kdaw deng moni bè yóm hol són benwu, ne laen dù bud seefen du ne yóm yó. Yó gónóhen sut anì nan e dsù klowilen mò hkó salà kdéen tau.

Ifisus 1:4

Gu laan Dwata là deng dmimun du he yóm benwu, deng kem gegna ne yóm kéléken tekuy mò kun tau, hlanen bè yóm deng kessotu tekuy bè Krays. Yó gónón mélék tekuy anì henbalingen tekuy kem tau mólós, kem tau laen dù belenen bè ktonen tekuy.

Tekang Kbuten 1:31

Omin Dwata bud temngel du yóm kdê deng dlimunen yó, ne tey bong hyu ktonen kul. Timbow deng kmoen du yóm yó, ominen bud kifu ne bud mwas, tu se yóm gnemen kdaw.

Hibru 3:11

Tey kebutu kul, ya tey kget kmonu du, ‘Hol là gehlós le edu kul yóm benwu mò gónó le hlós henek nô.’”

Matyu 13:35

Ni se deng gónón dohò yóm udél yóm sotu tau tugod Dwata ekni, yóm monen, “Angat gel hningónu yó kem gel tulónu kul. Angat tulónu kul yó kem tehe là deng tngón le du lemwót bè hol kbut benwu.”

Isaya 28:12

Yó tô blay Dwata kuy, yóm benwu gónó ye henek nô ne yóm udél hemyu nawa ye. Okóm là kô ye móyô hmungol du.

Kehewà 20:11

Nem kdawu mò du yóm tonok ne longit ne mohin ne yó kem kdê nô lemen. Okóm bè yóm ghituhen kdaw, hegnóe. Yó gónóm mon, htólóngu yóm Kdaw Kehegnô mò dou.

Hibru 3:14

Són gónó kuy hlós mò kun dumu Krays ke là kó tekuy du yóm tehe kegtud nawa te du.

Jirimaya 6:16

Yó udél Dwata ebè yó kem tauhen, monen, “Mdà ye bè yóm gónón sesyat lan. Hnebel ye yóm lan deng legen, yóm lan hol tahu duhen ne yó lolò ye. Bè yóm klolò ye du yóm lan yó, bè yó gónón menek kegnóm ye du. Okóm deng mom yó balà ye dou, mon ye, ‘Là. Là yó du yóm lan nóyô me.’

Matyu 25:34

Angat monen mò yó kem nô bè kwananen yóm Hol Geta yó, ‘Géhél ye ne, yu kem tau deng tendo gel tnóbóng Mà. Hlós ye ebè yóm benwu deng tehe eles hentifesen bélê ye lemwót bè hol kbut benwu.