Hibru 4:16 - Udél Dwata: Gna Kesfasad ne Lomi Kesfasad

¹⁶ Duhen yó, bê tekuy abay likò hloni ebè Dwata, yóm gónón hol nô yóm tóbóng. Ke hloni tekuy ebéléen, angat ton tekuy yóm tey kkoduhen tekuy ne yóm tey kun któbóng bè ket kehtóbóng tekuy béléen.

Hibru 4:16 Referans Kwoze

Ifisus 3:12

Lemwót bè yóm deng kessotu tekuy bè Krays ne bè yóm kehtahu tekuy béléen, là bud tekuy likò ne hloni ebè Dwata ni kmoen ni, deng tey mgel nawa tekuy du ne yóm któbóngen tekuy.

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Hibru 13:6

Duhen yó, là kóen layab ke mon tekuy, “Dwata se yóm gel tmóbóng do, laen kô bang gónóhu likò. Laen kô dù gmò le béléu yó kem dumu tau.”

1 Pitér 2:10

Tehe yu ekni, là kô ye tau Dwata se kuy, okóm ni kmoen ni, deng ye baling kun tau ne. Tehe là tngón ye du yóm kkoduhen kuy, okóm ni kmoen ni deng tngón ye ne.

Ifisus 2:18

Lemwót bè yóm deng nmò Krays gónón wen lan tekuy hloni ebè Dwata yóm kdê tekuy, kem tau Ju ne kem tau là Ju le. Yóm kehloni tekuy ebéléen yó, hlanen bè yóm Tulus Dwata deng suen bélê tekuy.

Hibru 7:19

Yó gónó Dwata temles du, abay se yóm hlau Musis yó, là gbeken hgulit tekuy. Bede tey hyu yóm tles Dwata du. Deng wen ne lan nmoen gónó tekuy gehloni ebéléen, duhen yó se hol nefet nawa tekuy ni kmoen ni.

Hlolò 16:2

“Hol tulónem ke Aron yóm twoguhem, béen tódô óyô husek elem yóm Dfél hol gónóhu nô sentu yóm nes seng ye. Abay se bè yó lemen fita yóm sefeng yóm Slungan Fasad gónóhu hegfan mung bè lobun. Ke là nimónen du yóm monu ni, angat hatay tafaku du.

Hibru 9:5

Bè yóm slungan yó, wen lewu lennged tenwél wen hafak le, sbalà hdà le tahen mò ilô yóm knô Dwata bè yó. Yóm hafak le, tódô gnolungen ta yóm gónó Dwata hmifót salà. Okóm là gket me tmulón du kuy ni kmoen ni kdê yó kem tehe nmò le tu ekni.

1 Tutul Israél 28:11

Omin Dabid bemlay du ke Selumun yóm kdê atul mò loloen bè kehdà yóm Gónô Dwata, dalang se yóm mò kmò le yóm gu hmilolen, gomong yóm gónó le gel hemyu yó kem kimu mebtes, ne yó kem dfél ta bè yóm Gónô Dwata, kem dfél lemen, ne yóm dfél hol nô lemen gónón nô yóm Slungan Fasad, yóm gónó Dwata hmifót salà yó kem tau.

Hibru 3:6

Okóm ke Krays kun, du se hol kun Ngà Dwata, ne gotu hfogot Dwata du yóm gónóen yó, ne tey teneb kogoten du. Tekuy se kun gónô Dwata, syan ke là likò tekuy lemolò du, ne ke hol gentud nawa tekuy yóm hendón nefet nawa tekuy.