Hibru 4:15 - Udél Dwata: Gna Kesfasad ne Lomi Kesfasad

¹⁵ Yóm gel blóng tekuy ebè Dwata yó, deng gotu tngónen yóm gónó tekuy gel lunog, ne tey kkoduhen tekuy. Abay se bè yóm tehe knóen te tonok, deng gnómen se kun yóm kdéen sindil lómón yóm tekuy, okóm là gemsalaen yó yóm kun.

Hibru 4:15 Referans Kwoze

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

1 Jan 3:5

Deng tngón ye ne yóm gónó Krays na a hbaling tau anì wen lanen mkó du bè tau yó kem salà le. Okóm kun, laen kô bang salaen.

1 Pitér 2:22

Laen kô dù salaen se kun, ne laen kô dù kéng deng btang bè sumóngen.

Hibru 7:26

Duhen yó, Jisas se yóm mò blóng tekuy ebè Dwata, yóm hol hulung tmóbóng tekuy. Tey kólósen. Laen kô dù sidek duhen ke salà ton tekuy béléen, Deng sentólóng Dwata bè yó kem tau gemsalà, ne tey kehegetahen du ditu bè longit.

Hibru 4:14

Duhen yó, hol hbegel tekuy yóm kehtahu tekuy. Yakà wen yóm tey hyu fen semblóng tekuy ebè Dwata, deng gna kól ditu ne bè soluhen. Du se Jisas, yóm Ngà Dwata.

Hibru 5:2

Yóm tau gel blóng le ebè Dwata yó, sal gel wen gónón lunog snéen kun. Yó gónóm mon, tey kganag nawahen bè yó kem dumuhen tau wen kul salà là gehedem le du.

Kun Snulat Jan 8:46

Wen kô salà ton ye béléu gónó ye là hemtahu dou? Laen duen. Ke tulónu kuy yóm ktahuhen, moen ke là hentahu ye dou?

Isaya 53:9

Bè yóm kebeng le du, homong lebeng le bè yó kem tau mulé udin ne bè yó kem tau kwasa. Yó se kmò le du balù yóm klaen dù salaen ne balù yóm klaen dù kéngen.”

Kun Snulat Luk 22:28

Bud mon Jisas mò kul, “Nim kdê ye ni, là kô deng tnagak ye dou bè yó kem mgel gel sut béléu.

Kun Snulat Luk 4:2

Botong fat folò butengen yóm knóen ditu, ne là kóen skó yóm tendo tô ktilów Seitan du. Bè yóm knô Jisas ditu yó, là kóen dog mken, ngangen efet deng tey sidek kbitilen bè yóm hol són kdawen bè yó.

Husiya 11:8

Ó kem tau Israél, mò tô keblayu kuy elem hólól yó kem hohon ye du? Mò tô kbayau kuy bélê le du? Là gbeku du ke sulék genlau yu lómón yóm tehe keglau yóm lewu kem benwu Adma ne Sibuim. Lebà nawaw ke yó tô nmou. Tey mget yóm kbong nawaw kuy.

Matyu 12:20

Bè yóm któbóngen tau, là kô tennù tenfoken du yóm hulu deng metngù, ne là tennù hnatayen du yóm solok sónmoen mudof. Okóm henlelen yóm któbóngen kul efet hol gfan yóm kukum tedeng nogoten.

Matyu 4:1

Bè yóm deng kehbabtays Jisas, omin yóm Tulus Dwata mit du etu bè yóm benwu laen dù tau menwu du. Ditu gónó Seitan tendo tô tmilów du.

Sulat Pol Ebè Yó Kem Tau Hemtahu Bè Rom 8:3

Yóm hlau, là kô gbeken mkó du yóm kfasang yóm salà bè klowil tekuy abay se laen dù tau tódô gembek lemolò du lemwót bè yóm tey klunog tekuy. Okóm wen kun atul Dwata, hógówen yóm Ngaen na a hbaling bè lówó tau, lómón yóm lówó tekuy kem tau gemsalà na a matay mò lanen tmuled yóm salà.

Hibru 9:28

Senged snéen yóm Krays. Tek suléken matay bè yóm tehe kedsuen klowilen mò hkó salà yó kem tey tau wen. Angat bud semfulék edini, bede là kóen na a bud hkó salà. Okóm yó nógówen, senfuléken yó kem kdéen tau hemtahu deng hemdón mangat du.