Hibru 4:13 - Udél Dwata: Gna Kesfasad ne Lomi Kesfasad

¹³ Laen kô dù gebnos bè Dwata. Balù sotu bè yó kem deng dlimunen ke mone tô gebnos béléen, gotu tonen kentihen. Bè soluhen gónó tekuy angat mdà hulin kdaw, ne angat gotu benkas ebéléen kdê yó kem deng nmò tekuy.

Hibru 4:13 Referans Kwoze

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Kem Udél Hlalak Tehe Selumun 15:3

Balù nô, gotu ton Dwata yóm kdéen, gotu tenngelen se ke sidek duhen hyu yóm nmò tau.

Kehedem Tau Tmolok 12:14

Gotu knukum Dwata kdê yó kem gel nmò tekuy, hyu duhen sidek. Balù yó he kem nmò gebnos, gotu knukumen.

1 Samwél 16:7

Okóm yó mon Dwata mò ke Samwél, “Béem tenngel yó dum keklóónen logi ne yóm ktahaen, sundu du yóm néléku. Yóm dou kélék là mkélen bè kélék tau. Yóm tau, són olo tonen yóm gfan ta, okóm yóm dou tenngel yóm nô lem nawahen.”

Jirimaya 17:10

Okóm ou se yóm sana Dwata hol gónó mogot, ou se gel hemklol du yóm nô lem hendem tau ne gotu tonu yóm nô lem but blututen. Yóm ofol blayu du sal lemwót bè yóm deng kun gel nmò.”

2 Kurin 5:10

Yakà kdê tekuy du angat mdà bè solu Krays hulin kdaw anì knukumen tekuy. Tódô ket tau angat gmuta du balà yóm tehe deng kun nmò te tonok, ke hyu duhen ke sidek.

Sulat Pol Ebè Yó Kem Tau Hemtahu Bè Rom 2:16

Duhen yó, ni se kmoen bè yóm kdaw angat kehkukum Dwata ke Jisas Krays yóm kdéen tau. Angat knukumen yó kem deng tehe nmò le, balù yó kem gebnos. Ni se hol nô lem yóm Tulón Hyu gel nwitu.

Kem Udél Hlalak Tehe Selumun 15:11

Yóm kdéen nô bè yóm gónó le nô yó kem matay gotu gfan bè Dwata, ne milud he kegfanen béléen yóm nô lem but blutut tau.

Kem Lingón 44:21

kaem deng tngón Dwata ne, yakà gotu tngónen du yóm kdê nô lem but blutut tau.

Deng Hegfan 2:23

Tódô gotu hnatayu snéen yó kem tau gel lemolò du. Yó gónóhu mò du yóm yó anì tngón kdéen tau hemtahu béléu yóm klaen dù gebnos béléu, gotu tngónu yóm nô lem hendem le ne yóm dê tô hendeen le. Angat blayu kuy yóm mò balà yóm kuy deng gel nmò, yóm ket kuy na sotu.

Kem Lingón 7:9

Nmoem sónen yóm sidek gel nmò yó kem tau gel mò sidek, okóm tnóbóngem yó kem tau mimón kóm. Uu temngón du, Dwata, yóm nô lem hendem tau ne yóm nô lem but blutut tau, yakà hono tedeng nmoem se kóm.

2 Tutul Israél 6:30

hol hnungolem lu dyó bè yóm gónóem nô bè longit, ne hnifótem lu. Hol nmoem bè ket kóm tau yóm hyu béléen, abay se tek són uu temngón du yóm nô lem hendem tau.

Kem Lingón 90:8

Gotu suem dyó bè soluhem yó kem salà me. Kdê yó kem salà bnos me, gotu tonem.

1 Tutul Israél 28:9

Ne uu, ngau Selumun, yake holi setngón ke Dwata yóm Dwata yó kem fuem. Hol nmoem yóm hmoen kóm Dwata, ne hol hewótem lem but blututem yóm óyóem hol mimón du. Yakà yóm Dwata yó, gotu tonen yóm nô lem hendem yóm ket tau, ne gotu tngónen yóm kdê atulen ne kdê hendemen. Ke hnebelem Dwata, dohò se ktonem du. Okóm ke tebelem, bud laen kô dù tul sónen yóm kdohò yóm kekbéen kóm.

2 Tutul Israél 16:9

Abay se yóm Dwata, tendo temngel etalak tonok, tenngelen yó kem tau tendo mimón du. Ungel bong yóm nmoem ni. Lenwóten ni ne sónmoen wen dumum sgida.”

Kun Snulat Jan 21:17

Bud mon Jisas mò ke Pitér bè getluhen dulék, monen, “Ó Simun, ngà Jan, bong nawahem dou kô?” Tô muni nawa Pitér abay se deng tlu dulék Jisas smólók du. Ne mon Simun se kun, “Tódô gotu tngónem se yóm kdéen, Sér. Tngónem se yóm kbong nawahu kóm.” Bud mon Jisas se, “Sen-gyokem dou sen ubihahu.

Kun Snulat Jan 2:24

Okóm ke Jisas, là kô snaligen kul, abay se deng gotu tngónen kun yóm kmò kehedem tau.

Job 38:17

Deng wen kô tau tmolok du kóm yó kem bak tikeb bè yóm benwu alì kmifu gónó le nô yó kem tau deng matay?

Kul Nmò 17:31

Yakà dengen mdengen kbuteng Dwata du yóm angat kkukumen yóm kdéen tau, hlanen bè yóm tau deng néléken, ne tey tedeng yóm angat kkukumen kul. Wen gónó Dwata hdilô du bè kdéen tau yóm tau deng néléken yó, duhen yóm deng kehlowilen du.”

Kem Lingón 139:4

Balù yóm gu laanu là deng mudél, eles tngónem yóm angat monu.

Kem Udél Hlalak Tehe Selumun 5:21

Yakà gotu ton Dwata du yóm kdê nmò te ne tendo hendemen yóm kdê lan te.

Jirimaya 23:24

Laen kô dù tau gbek hembnos dou,” mon Dwata. “Tódô tfengu longit gónóhu nô ne tódô tfengu tonok.

Jirimaya 29:23

Abay se ni kem tau ni, tey gedlug yóm salà nmò le bè yó kem tauhu. Kóem snamuk le yehen yó kem dumu le sebét ne gel le mò kéng hlan le bè boluyu. Ou se temksì du nim ni,” mon Dwata.

Danyél 2:22

Gotu hegfanen yóm deng gebnos bè tau ne gotu tonen yóm nô lem gónón kmifu. Béléen hol gónón nô yóm layag.

Matyu 6:4

anì laen dù dumu tau temngón du. Ne yóm Mà tekuy bè longit, gotu tonen yóm là kehetngón ye du yó, ne du he angat bemlay kuy ofol.

Kun Snulat Jan 4:16

Ne bud mon Jisas se mò du, “Nam e nangay yehenem dé.”