Hibru 4:1 - Udél Dwata: Gna Kesfasad ne Lomi Kesfasad

¹ Ne tekuy snéen nim kmoen ni yóm gónó Dwata e fmasad du yóm benwu angat gónó tekuy hlós henek nô yó. Duhen yó, hol tekuy eles temgama, kô là guta tekuy du yóm benwu fasaden yó.

Hibru 4:1 Referans Kwoze

Hibru 12:15

Hol ten-gama ye anì là wen bélê ye bè yó kmogol du yóm tey nawa Dwata ebéléen. Hol ten-gama ye yóm nawa là hmifót. Ke hlingónu du yóm nawa yó, hol lómón ke yóm kluon wen alasen, gbeken alì hmayam du yóm tau glo du.

Hibru 4:11

Duhen yó, hol hotu tekuy són gel tekuy anì guta tekuy yóm kehegnô yó koni. Hol ten-gama kuy anì là mo tekuy mom mkél bè yó kem tau gnan ekni, là kô dog guta le du lemwót bè yóm là kehtahu le.

Hibru 4:9

Bè ktahuhen, bélê tekuy kem tau Dwata, tolo wen he gónó tekuy tahu hegnô, lómón yóm tehe kun kehegnô Dwata bè yóm ghituhen kdaw ekni.

Kem Udél Hlalak Tehe Selumun 28:14

Wen kligalen yóm tau gel nimónen Dwata, okóm yóm tau hgelen kuluhen bè Dwata wen glumfaken.

Hibru 13:7

Gel hentulón ye nawa yó kem tau tehe gónó ye galak, yó kem fen tehe gel tmolok kuy yóm Udél Dwata. Hol hendem ye yóm kmò kwit le ktau le efet katay le, ne hol dnalang ye yóm kehtahu le bè Dwata.

2 Timuti 2:13

Anien ke monol yóm nawa te ebéléen, sana yó ne yóm kun nawa ebélê te, là kóen monol, abay se là kóen megetles yóm kun kmò.”

1 Kurin 10:12

Duhen yó, ke yó hendem yóm sotu tau, là mahilen btang elem sindil, yake hol ten-gamahen, kô wen gónón btang.

Sulat Pol Ebè Yó Kem Tau Hemtahu Bè Rom 11:20

Tahu se yóm mon ye yó. Yó gónó Dwata mtok kul abay se lemwót bè là kehtahu le. Ne yó gónó ye tles tmowok bè yó se kuy, lan ye hemtahu. Okóm bê ye nit hegmón, eles ye temgama se kuy.

Sulat Pol Ebè Yó Kem Tau Hemtahu Bè Rom 3:23

Tódô kdéen tau gotu gemsalà bè Dwata. Yó gónóhen laen dù tau gmulit du yóm tey kun klinggel nawa.

Jirimaya 32:40

Angat wen senfasad me yóm fasad laen dù tul sónen. Fasadu kul yóm tendo keblayu kul yóm hyu. Suu bè nawa le yóm tendo klikò le dou ne là kô bud tebel le do.

Lista 14:34

Fat folò halay ye mbô du uléken yóm là kgulit ye. Deng tehe fat folò kdaw ye bemiwel du yóm benwu henkana ye yó. Bè ket kdaw ye bemiwel du, nmoen sotu halay. Angat gnóm ye he ksideken ke Dwata hmohon kuy.’

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

Hibru 3:11

Tey kebutu kul, ya tey kget kmonu du, ‘Hol là gehlós le edu kul yóm benwu mò gónó le hlós henek nô.’”

Kem Udél Hlalak Tehe Selumun 14:16

Yóm tau hulung hedem eles mabung ne knogolen yóm sidek, okóm yóm tau book tey kosut nawahen ne tódô doen ktauhen.

1 Samwél 2:30

Yó gónóm mon, ni se udél Dwata yóm Dwata yó kem tau Israél, monen, ‘Deng tehe fasadu kóm, laen dù sónen yóm keseblóng le tau ebéléu yó kem fes lówóhem kkólen bè yó kem angat lugodem.’ Okóm ni, là ne. Olohu madat yó kem tau madat do ne kóhu yó kem tau kembê do.

Matyu 24:48

Là, ke yó mefet bè nawahen yóm tau mò nmò yó, ke mom monen, ‘A, legen he ni kkólen yóm gónóhu mogot.’

Kul Nmò 3:19

Duhen yó,” mon Pitér, “hegsel ye ne bè yóm sidek deng gel nmò ye. Semfulék ye ebè Dwata dé anì hnifóten yó kem salà ye. Ke ni se nmò ye,

2 Kurin 6:1

Duhen yó, lemwót bè yóm deng keseglomong me mò nmò bè Dwata se kum, yó gónó me mon du mò kuy, hol bê ye abay hningay yóm któbóng Dwata kuy.

Glasya 5:4

Ke wen bélê ye, ke tô hlanen bè kloloen yóm hlau Musis gónón tedeng kton Dwata du, deng mom senkóhen knóen bè Krays. Ne là gomongen bè yóm kun tóbóng Dwata.