Hibru 3:9 - Udél Dwata: Gna Kesfasad ne Lomi Kesfasad

⁹ Yó mon Dwata, botong fat folò halayen kegen le mton du yóm gel któbóngu kul, ewenem sana ktilów le do.

Hibru 3:9 Referans Kwoze

Kul Nmò 7:36

Tahu se, Musis yóm malak kul gu bè Idyip. Tey dê hentaw ton nmoen bè Idyip, dalang se bè yóm kifal le yóm Mohin Hulô efet yóm fat folò halay le tódô hlumbù bè yóm benwu laen dù tau menwu du.

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Juswa 24:7

Okóm timbow le kól bè Mohin Hulô yó kem tehe fù ye yó ekni, tey kni le tóbóng béléu ne yó gónóhu bemlóng kul yóm tey kifu mget bè yó kem tau Idyip. Kogolen bè yó, bud hesfuléku eta yó kem sendalù Idyip yóm mohin deng sen-gawagu ne gotu le lemneb yóm kdê le. Deng gotu tngón ye se nim deng tehe nmou bè Idyip ni. Kogolen bè yó, tey kegen ye menwu lem yóm benwu laen hol wen tauhen.

Dwata 8:4

Lem yóm fat folò halay ye mógów, yóm nes ye là kóen na a bolok ne là se kóen na a lembóg ti ye.

Dwata 4:3

Deng tehe tódô kuy mata se mton du yóm tehe nmò Dwata bélê ye bè Bulul Piyor. Gotu hfatayen yó kem tau tmaba ebè yóm dwata kéng boluyen Baal.

Kehewà 19:4

Yó udél Dwata, monen, “Deng ton ye yóm deng nmou bè yó kem tau Idyip ne yóm kmò kwitu kuy gu bè Idyip. Yóm kwitu kuy hol lómón yóm kwit banug ngaen, sal gel suen ta hafaken. Lómón yó se kmò kwitu kuy edini béléu.

Kul Nmò 13:8

Okóm yóm tau wen lamaten yó koni, tey kekbéen kul. Kóyóen ke là hentahu yóm gubérnor du yóm kul tulón. (Yó boluyen bè Grik nim tau ni, Élimas.)

Kun Snulat Luk 7:22

Ne bnalà Jisas yó kem tau hógów Jan ebéléen, monen mò kul, “Mulék ye ne, na ye e tulón ke Jan yó kem deng ton ye, ne yóm deng gungol ye. Yóm tau butô tódô bud mton, yóm tau hikot tódô bud gógów, yóm tau gemnóm des mifù tódô gotu mkó, yóm tau bokong tódô bud mungol, ne yóm tau deng matay tódô bud mowil. Ne sotuhen,” monen, “yóm Tulón Hyu lemwót gu bè Dwata, deng gefet bè yó ne kem tau élél.

Amus 2:10

Ou se tehe hewà kuy gu bè Idyip ne fat folò halayu malak kuy gu lem yóm benwu laen hol wen tauhen ne hfunu kuy yóm tonok yó kem tau Amurayt.

Juswa 23:3

Deng gotu ton ye yóm kdê nmò Dwata bè yó kem dumu but tau bè nim benwu ni lanen tmóbóng kuy. Yóm kut Dwata hol gónó mogot deng sfatay bè yó kem hohon tekuy.

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Lista 14:33

Yó kem ngà ye, nan fat folò halay kegen le smidok menwu lem nim benwu laen hol wen tauhen ni lan le mbô yóm là kgulit ye. Smidok le menwu efet ye deng gotu matay yu kem tau là mimón ke Dwata.

Kem Lingón 95:9

Bè yó tehe gónó le tmilów dou, igò le deng hónô mton du yó kem gel nmou lem blóng le.