Hibru 3:7 - Udél Dwata: Gna Kesfasad ne Lomi Kesfasad

⁷ Duhen yó, hol hendem tekuy yóm tehe mon yóm Tulus Dwata, yóm monen, “Ke sok gungol ye ni kemdaw ni yóm udél Dwata ebélê ye,

Hibru 3:7 Referans Kwoze

Hibru 3:15

Wen yóm monen bè Sulat Dwata, yóm monen, “Ke sok gungol ye nim kemdaw ni yóm udél Dwata ebélê ye, hol bê ye abay là himón, lómón yóm deng tehe nmò yó kem fù ye bè yóm tehe là kehdon le ke Dwata.”

Isaya 55:3

Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.

Deng Hegfan 3:20

Ngem denge eles mdà ne mbal snolu aut ye. Ke wen tau hmungol du yóm udélu yó, ne ke hotunen o eta, motune se, ne segbóte mken béléen.

Hibru 4:7

Yó gónó tekuy temngón du nim ni, abay se deng bud wen kdaw blay Dwata tekuy. Yóm kdaw blayen tekuy yó, deng tódô monen, “Ni kemdaw ni.” Yó se yóm udél htugoden ke Dabid ekni, bede deng hilu latu halayen ne kegenen. Yó monen, “Ke sok gungol ye nim kemdaw ni yóm udél Dwata ebélê ye, hol bê ye abay là himón.”

Kun Snulat Jan 10:27

Ke yu yóm dou ubiha, kaem hnungol ye udélu. Gotu tngónu lu ne gotu lolò le ou.

Kem Lingón 81:13

Okóm tey hyu nawahu ke hnungol le ou yó kem dou tau. Hyu nawahu ke lolò le yóm dou lan.

Hibru 3:13

Okóm yó dé yóm hol tnana nmò ye yóm igoen tolo wen kdaw blay Dwata tekuy, hol ye setgel ket kdaw anì laen dù bélê ye gtondo bè yóm sidek, ne hlós baling tau là mimón.

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Kem Lingón 81:11

Okóm là, là kô dog hnungol le dou yó kem dou tau. Là kô dog kenmón le dou yó kem tau Israél.

Kun Snulat Jan 10:3

Yóm tau gel mentey bè bak tikeb, sal gel lenungkaen béléen yóm tikeb yó. Ne yó kem ubiha nô lemen, tódô dilô le kun udél. Gel tabahen kul yóm kul boluy, ket kul na sotu ne niten lu hewà.

Kun Snulat Jan 5:25

Tódô tulónu kuy ktahuhen, angat wen kdawen, ne deng duhen ni se, angat gungol yó kem tau deng matay yóm udél yóm Ngà Dwata. Sok gungol le, tódô le se bud mowil.

Isaya 55:6

Tnana ye semfulék ebè Dwata dé ne hol ye mni béléen nim igoen tolo moni bélê ye.

Kun Snulat Jan 10:16

Wen he yó kem dumu ubihahu là deng sentifunu kul ebè ni. Angat gotu nitu lu snéen ne angat hnungol le yóm dou udél. Tódô angat sensotuhu bung le yóm kdê ubihahu, ne tek sotuhu se yóm angat semgyok kul.”

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

2 Pitér 1:21

Abay se yóm tehe eles gel tulón le yó, là kóen lemwót bè kehedem tau, okóm bè Dwata gónóhen hol lemwót, yóm Tulusen fen hemlan du bélê le bè yóm kehtugod Dwata du kul.

2 Samwél 23:2

Wen hudélen do yóm Tulus Dwata. Nô lem baku yó kem udélen.

Hibru 9:8

Wen hetngónen tekuy yóm Tulus Dwata lemwót bè yóm gel nmò le yó. Yó hetngónen tekuy, là kóen na a hnas yóm Dfél gónóhen nô Dwata ke sana tolo knô yóm tanay dfél bè yóm gónô yó.

Matyu 22:43

Bud mon Jisas, “Okóm tedu kmò kesfuhen gu bè Dabid du? Igò Dabid se tehe moluy du gónóhen mogot, hmonen du yóm Tulus Dwata,

Kem Udél Hlalak Tehe Selumun 27:1

Béem salù yóm angat nmoem e lem haya, là kô tngónem du ke tedu angat kmoen.

Kul Nmò 28:25

Bè yóm kewót le bè yó, là ssotuhen kehedem le lemwót bè yóm sotu bud tulón Pol kul, yóm monen, “Bong tahu se yóm tehe udél yóm Tulus Dwata ebè yó kem tehe fù tekuy ekni, hlanen bè Isaya, yóm sotu tehe gna tugoden.

Mark 12:36

Okóm ke Dabid kun, wen tehe udélen ekni, hmonen du yóm Tulus Dwata, yó monen, ‘Ni se udél Dwata ebè yóm gónóhu mogot, yó monen mò du, Myóni bè ni dé fi bè kwananu. Angat gotu ndau lu elaan yó kem hmohon kóm.’

Kul Nmò 1:16

Mdà Pitér lem blóng le, ne monen mò kul, “Ó kem dumuhu setwoli, wen udél tehe eles htugod Dwata ke Dabid ekni, hlanen bè yóm Tulusen. Yóm udél Dwata yó, deng dohò eta Judas ne, yóm tau fen malak yó kem tau kemfô ke Jisas.

Kul Nmò 8:29

Lemwót yóm Tulus Dwata stulón ke Filip, monen, “Hlonihi ebè tum klisahen.”

Hibru 10:15

Ne yóm Tulus Dwata, bud gemtanud du yóm ktahuhen nim ni. Yó tanay monen,