Hibru 3:5 - Udél Dwata: Gna Kesfasad ne Lomi Kesfasad

⁵ Bong ke Musis kun, du se sotu tau mò nmò bè gónô Dwata, ne tey teneb yóm kmoen nmò. Yó kem kun nmò yó, gotu hningónen yóm hol tahu duhen angat hegfan Dwata bè hulin kdaw.

Hibru 3:5 Referans Kwoze

Lista 12:7

Okóm tólóng ke mudéle ebè Musis kun, yóm tóbóng lówóhu. Deng gotu sigangu tahen yó kem dou tau Israél.

Hibru 3:2

Tey kteneb Jisas bè yóm tehe hmò Dwata du. Hol lómón yóm tehe kteneb Musis bè yóm tehe kwiten yó kem kun tau Dwata. Yóm kwiten kul yó, hol lómón ke mò nmò lem gónô Dwata.

Kehewà 14:31

Timbow ton yó kem tau Israél yóm tey kfasang Dwata bè yóm deng kegmoen bè yó kem tau Idyip, tey klikò le du. Botong snalig le Dwata ne Musis yóm tau tóbóng lówóhen.

Kem Lingón 105:26

Okóm hógów Dwata Musis ebè Idyip yóm tau tóbóng lówóhen, mò lemwà yó kem tauhen bè yó. Hmungen du Aron yóm sotu tau deng néléken.

Kul Nmò 28:23

Tahu se, na le na bnuteng yóm bud kesbung le ebè Pol. Timbow hto yóm buteng le yó, ya tey kwen le bud sbung ebè yóm gónô gónó Pol nô. Tódô sendaw le nô bè yó lemwót hlafus kól kifu. Gotu tulón Pol kul yóm kmò kogot Dwata tau. Ne gel wen nwahen lemwót bè yóm hlau Musis, ne wen se gel nwahen bè udél yó kem gna tugod Dwata ekni mò gónón heglileb du bélê le yóm tulónen gbak ebè Jisas.

Hibru 8:5

Yóm kul gel nmò yó kem tau gel demsù ni, tódô gel nulit le yóm tahu duhen gel nmò le bè longit. Yóm gel nmò le yó, olo olungen. Hol lómón yóm ke Musis ekni. Bè yóm kdaw kehdaen yóm Gónô Dwata gel nit le mógów, wen tulón Dwata du, yó monen, “Tódô nulitem kdê yóm deng hegfanu béléem ditu ta bulul Sinay.”Okóm ni, deng nmò Dwata Jisas mò blóng ebéléen, ne tey hyu yóm nmoen senta yóm kul nmò yó kem tau gel demsù te tonok. Ne tey mdengen snéen yóm kun nmò Jisas mò lan tekuy ebè Dwata senta yóm gnan. Yó gónón alì hyu yóm kun, abay se alì hyu yóm fasad Dwata bélê tekuy mung du.

1 Timuti 1:12

Tey kdóyónu du dou yóm gónó tekuy mogot Krays Jisas, abay se deng hekgisen ou mò du yóm nmou. Sotu gónóhu dmóyón du snéen, abay se deng snaligen ou ne néléken o mò sotu kun tóbóng lówó.

Juswa 1:2

“Deng matay Musis, yóm tóbóng lówóhu. Yó gónóm mon, uu se tles mit kul yóm kdéen tau Israél na ye e nifal yóm Él Jurdan, mógów ye etu bè yóm tonok blayu kuy.

Dwata 34:5

Tahu se, matay Musis bè yó bè Muab yóm tau tóbóng lówó Dwata, hol lómón yóm deng mon Dwata mò du.

Hibru 9:24

Yóm gónô Dwata gónó Krays husek yó, sundu gónô nmò tdok tau du, olo hningónen yóm tahu duhen bè longit. Okóm deng kól ditu ne bè longit Krays. Deng mdà bè solu Dwata, abay se du fen semblóng tekuy ebéléen.

Sulat Pol Ebè Yó Kem Tau Hemtahu Bè Rom 3:21

Okóm ni ne, deng mtukul kehetngón Dwata du yóm lan nmoen mò gónón baling tedeng ktonen tekuy. Là kô hlanen du bè yóm klolò tekuy yóm hlau Musis. Okóm nim lan nmò Dwata ni, deng tehe eles hsulaten ke Musis ne yó kem dumu tau tugoden ekni.

Kun Snulat Jan 5:39

Tey gel kehnagì ye du yóm Sulat Dwata. Ofo kuy ke bè yóm alì kehnagì ye du gónó ye gmuta yóm klowil laen dù sónen. Igoen sem ou yóm tulónen yó.

Kun Snulat Luk 24:44

Omin Jisas yó bud mon du mò kul, “Yóm deng katayu lem blóng ye, ne yóm bud klowilu, ni se yóm tehe deng gel tulónu kuy bè yóm hanà tolo knóu lem blóng ye. Nan na gotu dohò etahu he kdê yó kem tehe deng snulat Musis, dalang se yóm kul tehe gel snulat yó kem dumu gna tugod Dwata kkólen bè yóm tehe snulat le bè yóm bok Lingón.”

Kun Snulat Luk 24:27

Ne gotu hetngón Jisas kul yóm gónón e temnef yóm tehe gel hsulat Dwata ekni gbak ebéléen, kewóten bè yóm tehe snulat Musis efet kól bè yóm kul snulat yó kem dumu tau tugod Dwata ekni.

Juswa 8:31

Yóm kehdaen du, tódô loloen yóm hlolò Musis yó kem tau Israél yóm Musis tehe tóbóng lówó Dwata, duhen yóm tehe snulaten bè Bok Hlau yóm monen, “Semsodò ye béléu botu mò gónó ye demsù ebéléu, yóm botu laen dù lan tók du.” Bè yó gónó le demsù du ebè yóm sana kul Dwata yóm dsù hkekeb le ne yó kem dumu dsù gel ken le dumuhen bè yóm gel kestifun le bè solu Dwata.

1 Kurin 4:2

Tek sotu hnebel Dwata bè yóm tau tóbóng lówóhen, tek són yóm kguliten.

Kul Nmò 7:37

Ni se yóm Musis tehe mon du mò yó kem tau Israél, ‘Angat wen bud hógów Dwata elem blóng ye lómón yóm khógówen do ni mò tmugod du ebélê ye yóm udélen. Yóm tau hógówen yó, tódô lemwót bè yóm sana kuy kwen.’Nim Musis ni, du se nô lem blóng yó kem tau Israél ekni ditu bè yóm benwu laen dù tau menwu du. Tódô nô lem blóng yó kem tehe fù tekuy. Bud du se yóm tehe mógów eta yóm Bulul Sinay, ne wen hógów Dwata gu bè longit mudél ebéléen. Hlan Dwata bè Musis se yó kem hlau blayen tekuy, yóm hlau laen kô dù tul sónen.

Kun Snulat Luk 12:42

Ne bnalà Jisas se, monen, “Yóm tau gulit kmoen nmò bè yóm gónóhen mogot, ne hulung hedem, yó se yóm tau tódô gotu hogoten du yóm gónóhen mogot yóm gónóen ne yó kem dumu tau mò nmò béléen mò fen semgifà kul.

Matyu 25:21

Ne monen se mò du yóm gónóhen mogot, ‘Wóyón dé. Tey hyu nim uu, teyi gulit. Lemwót bè yóm kgulitem bè yóm udì hogotu kóm, bong ne sigangu tahem. Yó ne, holi mung dou dé anì gmungi lemen yóm dou kligal.’

Matyu 24:45

“Tau du de yóm gulit kmoen nmò bè yóm gónón mogot ne yóm hulung hedem? Yó se yóm tau tódô gotu hogoten du yóm tau gónón mogot yó kem dumu tau mò nmò béléen mò fen semgifà kul.

Juswa 8:33

Yó nmò yó kem tau Israél ne yó kem tau malak kul ne yó kem tau wen glalen bélê le ne yó kem fen kmukum bélê le, dalang se yó kem tólóng tau menwu lem blóng le, gotu le mdà sbalà yóm Slungan Fasad smolu le ebè yó kem sfu Libay fen mit du. Sóól bè yó kem tau Israél fen mdà kmogol yóm Bulul Girisim ne sóól se fen mdà kmogol yóm Bulul Ibal. Nim nmò le ni, deng tehe eles hlau Musis kul mò nmò le ke sok gel kól bè yóm kdaw kuyag le yó kem tau Israél.

Juswa 1:15

efet le gnô ta yóm tonok deng blay Dwata kul nô fi desdef Él Jurdan. Ke deng tilob kehnô Dwata kul tahen yóm tonok yó, omin ye yó he mulék edini anì na ye e nô ta yóm kuy tonok bè ni fi dmata kdaw Él Jurdan, yóm tonok deng blay Musis kuy yóm tau tóbóng lówó Dwata.”

Juswa 1:7

Hol hotuhem gelem ne hol hfólem nawam. Hol nimónem yóm kdê deng hlau Musis kuy yóm tau tóbóng lówóhu. Hol béen abay wen nuléhem du anì wen uléken yóm gel nmoem.

Nihimaya 9:14

Deng hetfingem bélê le yóm sotu kdaw mò kdaw le hegnô. Ne wen dumu hlauhem kul hlanem bè Musis yóm tau tóbóng lówóhem.

Kehewà 40:16

Tahu se, gotu nmò Musis yóm kdê deng hlolò Dwata du.

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.

Hibru 3:4

Ket gónô, sal gel wen fen mò du. Bede Dwata fen hol mò du yóm kdéen.

Deng Hegfan 15:3

Ne gotu le semngal. Sngal le yóm tehe kun sngal Musis, yóm sotu tóbóng lówó Dwata ekni. Bud yó snéen kun sngal yóm Ngà Ubiha. Yó sngal le, monen, “Ó Dwata, yóm gónó mogot bè klamangen, laen dù là gbekem du, ne tey kehtaw me du yóm gel nmoem. Uu se yóm hol geta mogot yóm klamangen, ne sal hyu yóm gel nmoem, hono tedeng.