Hibru 3:2 - Udél Dwata: Gna Kesfasad ne Lomi Kesfasad

² Tey kteneb Jisas bè yóm tehe hmò Dwata du. Hol lómón yóm tehe kteneb Musis bè yóm tehe kwiten yó kem kun tau Dwata. Yóm kwiten kul yó, hol lómón ke mò nmò lem gónô Dwata.

Hibru 3:2 Referans Kwoze

Lista 12:7

Okóm tólóng ke mudéle ebè Musis kun, yóm tóbóng lówóhu. Deng gotu sigangu tahen yó kem dou tau Israél.

1 Timuti 3:15

Okóm ke tolo wen anggau, syan dé deng wen sulatu eles gónóm temngón du yóm mò kmò yó kem tau fes lówó Dwata, duhen yó kem tau deng hemtahu béléen, yóm Dwata laen tul katayen. Hol lómón ke tekuy se yó kem hehek bè gónóen ne kem suguken, tekuy se gónó Dwata smalig du yóm ktahuhen.

Ifisus 2:22

Lemwót bè yóm deng kessotu ye béléen, yó se gónó ye baling ngom bè nim gónô monu ni. Tódô ye gomong bè yó kem dumu ngomen efet tekuy baling gónô gónóhen nô Dwata, hlanen bè yóm kun Tulus deng nô bélê tekuy.

Hibru 2:17

Bè yóm któbóngen tau, là gbeken du ke là nan tódô hbaling tau anì mkél bélê tekuy kem dumuhen setwoli. Yó gónón na gbót bè yóm kmò tekuy anì du mò blóng tekuy ebè Dwata, ne anì là mili nawahen mò du bélê tekuy, ne anì hol knoduhen tekuy. Bè yóm keseblóngen yó, yó se gónó Dwata hmifót salà tekuy.

Kun Snulat Jan 17:4

Deng hegfanu bè ni ne talak tonok yóm tey kegetahem. Deng gotu deng ne yóm hmoem do.

1 Timuti 1:12

Tey kdóyónu du dou yóm gónó tekuy mogot Krays Jisas, abay se deng hekgisen ou mò du yóm nmou. Sotu gónóhu dmóyón du snéen, abay se deng snaligen ou ne néléken o mò sotu kun tóbóng lówó.

Kun Snulat Jan 15:10

Ke nimón ye yóm dou hlau, yó se gónó ye henek bè yóm kbong nawahu kuy. Lómón yóm kimónu yóm hlau Mà, ne kheneku bè yóm kbong nawahen do.

Kun Snulat Jan 8:29

Yóm hógów dou,” mon Jisas, “là kô bayaen dou, abay se tendo nmou yóm kun knóyô.”

Kun Snulat Jan 7:18

Yóm tau tódô lembù tmolok, naluhen któtólen. Okóm yóm tau naluhen któtól yóm hógów du, laen kô dù kéng du yóm gel tulónen, hono tahu.

Dwata 4:5

Deng gotu toloku yóm kdê hlau Dwata kuy, lómón yóm deng monen mò dou yóm sana Dwata hol gónóhu mogot. Hol nimón ye ke deng ye kól ta yóm tonok móyón hfun Dwata kuy.

1 Samwél 12:6

Yó bud udél Samwél ebè yó kem tau, monen, “Tahu se, Dwata temksì du, yóm Dwata tehe mélék ke Musis lewu le Aron ne tehe hewà yó kem tehe fù ye gu bè Idyip.

Kehewà 40:16

Tahu se, gotu nmò Musis yóm kdê deng hlolò Dwata du.