Hibru 3:19 - Udél Dwata: Gna Kesfasad ne Lomi Kesfasad

¹⁹ Tahu se, laen kô dù bélê le gehlós ebè tum benwu tu lemwót bè yóm là kehtahu le.

Hibru 3:19 Referans Kwoze

Sulat Jud 1:5

Deng gotu tngón ye nim tulónu kuy ni, olohu bud hegtulón du bè nawa ye dé. Tehe yu ekni, deng lenwà yóm gónó tekuy mogot yó kem tau Israél lem tdok yó kem tau Idyip. Timbow legen bè yó, gotu genlà Dwata yó kem tau laen dù kehtahu le béléen.

Kun Snulat Jan 3:36

Yó se hemtahu bè yóm Ngà Dwata, gutahen yóm klowil laen dù tul sónen. Yó se là mimón du yóm Ngà Dwata, là se kô gutahen du yóm klowil yó, tódô hlós gbóen yóm tafak Dwata du.”

Kun Snulat Jan 3:18

Yó gónóm mon, yó se tau hemtahu bè yóm Ngà Dwata, là kóen megtuled. Okóm yóm tau là hemtahuhen, deng megtuled ne, lemwót bè yóm là kehtahuhen du yóm tek són Ngà Dwata.

Mark 16:16

Yó se tau hemtahu du ne hbabtays, angat gutahen yóm klowil yóm laen dù tul sónen. Okóm yóm tau là hemtahuhen, angat tnafak Dwata.

1 Jan 5:10

Yóm tau ke deng hentahuhen yóm Ngà Dwata, deng nô lem hendemen ne yóm ktanud Dwata yó koni. Okóm yóm tau là hentahuhen du, deng henkéngen Dwata yóm tau yó, abay se là hentahuhen du yóm deng tulón Dwata gbak ebè yóm Ngaen.

2 Tisalunika 2:12

Yó nefeten, angat gotu megtuled yóm kdéen tau là dog hemtahu du yóm ktahuhen, mom hnigal le yóm ksidek nmò le.

Kem Lingón 106:24

Yó bud nmò le, là móyô le husek elem yóm tey tonok hyu, abay se là hentahu le du yóm deng fasad Dwata kul.

Sulat Pol Ebè Yó Kem Tau Hemtahu Bè Rom 11:23

Ke là henlós kem Ju du yóm kkogol le ke Dwata, botong gbek Dwata bud hlowil kul bè yóm tehe sana lówó le.

Hibru 3:12

Ó kem dumuhu setwoli, hol ye eles temgama anì là nóen bélê ye yóm knawa sidek, yóm knawa là mimón. Lemwót bè yóm knawa yó gónó ye kmogol ke Dwata, yóm Dwata laen dù tul katayen.