Hibru 3:18 - Udél Dwata: Gna Kesfasad ne Lomi Kesfasad

¹⁸ Wen yóm alì mget tehe mon Dwata, yó monen, “Hol là gehlós le edu tum benwu mò gónó le angat hlós henek nô.” Tau du se gónón e gbak yóm udélen yó? Kaem gbak ebè yó kem tau là hdonen.

Hibru 3:18 Referans Kwoze

Hibru 4:6

Yó kem tau tanay hmungol du yóm Tulón Hyu, là kô guta le du yóm monen yó, abay se monem, là kô le hemtahu. Yó gónóm mon, angat wen he kem dumu tau heflós Dwata edu.

Lista 14:30

Deng tehe fasaden kuy se yóm angat knô ye ditu okóm laen dù bélê ye gehlós edu, tek són le Kalib yóm ngà Jifuni, lewu le Juswa yóm ngà Nun.

Lista 20:12

Okóm nudél Dwata Musis lewu le Aron, monen, “Lemwót bè yóm là hol ksalig ye do ne yóm là kehdilô ye du lem blóng yó kem tau Israél yóm klaen dù belenu, là kô galak ye kul ni kem tau ni etu bè yóm benwu fasadu kul.”

Hibru 4:2

Yakà dengen gefet bélê tekuy ne yóm Tulón Hyu, hol lómón yóm tehe kgefeten bélê le se kul ekni. Okóm laen kô dù ofol le hmungol du, abay se là hentahu le du.

Hibru 3:11

Tey kebutu kul, ya tey kget kmonu du, ‘Hol là gehlós le edu kul yóm benwu mò gónó le hlós henek nô.’”

Dwata 9:23

Ne bud bè yóm tehe tô kehewót Dwata kuy bè Kadis-barniya, yóm na ye e tô kwa yóm tonok blayen kuy, tey bud ksonol ye du. Là kô dog snalig ye du ne là se kô nimón ye du.

Lista 14:11

Yó udél Dwata ebè Musis, monen, “Deng tódô senflós le kembê do ni kem tau ni. Tódô senflós le là smalig do igoen deng tey dê hentaw ton nmou lem blóng le.

Lista 14:23

Tódô tulónu kóm, là kô le gehlós edu kul yóm benwu tehe fasadu yó kem fù le. Laen kô dù bè yó kem tau kembê do ke gehlós edu.

Kem Lingón 78:22

abay se là kô hentahu le ke Dwata, ne là kô snalig le du yóm kesegyoken kul.

Kun Snulat Jan 3:36

Yó se hemtahu bè yóm Ngà Dwata, gutahen yóm klowil laen dù tul sónen. Yó se là mimón du yóm Ngà Dwata, là se kô gutahen du yóm klowil yó, tódô hlós gbóen yóm tafak Dwata du.”

Sulat Pol Ebè Yó Kem Tau Hemtahu Bè Rom 11:30

Yu kem tau là Ju le, tehe là nimón ye ke Dwata se kuy. Okóm ni, deng knodu Dwata yu ne lan le là mimón du yó kem tau Ju.

Hibru 4:11

Duhen yó, hol hotu tekuy són gel tekuy anì guta tekuy yóm kehegnô yó koni. Hol ten-gama kuy anì là mo tekuy mom mkél bè yó kem tau gnan ekni, là kô dog guta le du lemwót bè yóm là kehtahu le.