Hibru 3:16 - Udél Dwata: Gna Kesfasad ne Lomi Kesfasad

¹⁶ Tau du de ni kem tau mon Dwata ni koni, yó kem tehe hmungol du yóm udélen, okóm là hdon le? Yó kem tau monen yó koni, yó sem kdéen tau tehe nalak Musis gu bè Idyip.

Hibru 3:16 Referans Kwoze

Lista 14:2

Tendo nsel le Musis ne Aron, mon le, “Mom hyu he ke tehe me matay ditu bè Idyip duhen ke bè nim benwu laen hol wen tauhen.

Lista 14:30

Deng tehe fasaden kuy se yóm angat knô ye ditu okóm laen dù bélê ye gehlós edu, tek són le Kalib yóm ngà Jifuni, lewu le Juswa yóm ngà Nun.

Kem Lingón 78:17

Okóm yó kem fù tekuy, mom henlós le mò salà, là kô nimón le du yóm Hol Dandónen Geta bè yóm benwu laen hol wen tauhen.

Lista 14:38

Tek són Juswa ne Kalib mowil bè yóm sfolò lewu kem tau hemkana.

Lista 14:24

Okóm ke Kalib kun yóm tau tóbóng lówóhu, tey tólóng yóm kun kmò, là kóen monol nawahen ebéléu. Yó gónóm mon, heflósu yó dum kun ebè yóm tonok deng bniwelen. Ne yó kem sfuhen angat le gemfun bè yóm kun ólól bè tum tonok tu.

Lista 14:4

Duhen yó, gotu le stulón, mon le, “Mélék tekuy tau mò malak kut, omin tekuy yó bud mulék ebè Idyip.”

Lista 14:11

Yó udél Dwata ebè Musis, monen, “Deng tódô senflós le kembê do ni kem tau ni. Tódô senflós le là smalig do igoen deng tey dê hentaw ton nmou lem blóng le.

Kem Lingón 78:40

Deng hilu dulék le ne là mimón ke Dwata bè yóm benwu laen hol wen tauhen, ne tendo heblat le nawahen bè yóm benwu laen hol wen tauhen.

Jirimaya 32:29

Yó kem sendalù Babilun kmamfù tekwang yóm beng hmilol Jirusalim, angat le tódô gotu husek na le e ntem yóm syudad. Gotu ntem le se yóm kdéen gónô, gónó le gel mtem insinsu ta ketef le ebè yóm dwata kéng boluyen Baal ne gel ketwél le yóm tifas grép gel ninum le ebè yó kem dwata kéng. Duhen yó se yóm alì lenbutu.

Sulat Jud 1:5

Deng gotu tngón ye nim tulónu kuy ni, olohu bud hegtulón du bè nawa ye dé. Tehe yu ekni, deng lenwà yóm gónó tekuy mogot yó kem tau Israél lem tdok yó kem tau Idyip. Timbow legen bè yó, gotu genlà Dwata yó kem tau laen dù kehtahu le béléen.