Hibru 3:15 - Udél Dwata: Gna Kesfasad ne Lomi Kesfasad

¹⁵ Wen yóm monen bè Sulat Dwata, yóm monen, “Ke sok gungol ye nim kemdaw ni yóm udél Dwata ebélê ye, hol bê ye abay là himón, lómón yóm deng tehe nmò yó kem fù ye bè yóm tehe là kehdon le ke Dwata.”

Hibru 3:15 Referans Kwoze

Kem Lingón 95:7

Du se yóm kut Dwata, tekuy se kem tau sen-gyoken, lómón ke ubiha gel hótóben. Hol hnungol tekuy kemdaw ni yóm udél Dwata ebélê tekuy, yó monen,

Hibru 10:38

Yó kem dou tau deng baling tedeng kmò le, lemwót bè yóm kehtahu le béléu gónó le hlós mowil. Okóm ke knogol le yóm kehtahu le béléu, là kô wen bud nawahu ebélê le ne.”

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.

Hibru 4:7

Yó gónó tekuy temngón du nim ni, abay se deng bud wen kdaw blay Dwata tekuy. Yóm kdaw blayen tekuy yó, deng tódô monen, “Ni kemdaw ni.” Yó se yóm udél htugoden ke Dabid ekni, bede deng hilu latu halayen ne kegenen. Yó monen, “Ke sok gungol ye nim kemdaw ni yóm udél Dwata ebélê ye, hol bê ye abay là himón.”