Okóm ke Krays kun, du se hol kun Ngà Dwata, ne gotu hfogot Dwata du yóm gónóen yó, ne tey teneb kogoten du. Tekuy se kun gónô Dwata, syan ke là likò tekuy lemolò du, ne ke hol gentud nawa tekuy yóm hendón nefet nawa tekuy.
Yake hligal ye dé ke wen gónó ye glayam, abay se deng ye gbót ne bè yóm tehe keglayam Krays. Ke gbek ye hembala du, bong kehligal ye bè yóm kdaw kehegfan Dwata du bè kdéen tau yóm tey kegeta Krays.
Yóm mà tekuy te tonok, són bè yóm hanà tolo kegen tekuy udì yóm gel ktedeng le tekuy. Ne tódô nmò le bélê tekuy yóm kul ketngón du yóm hyu. Okóm tólóng yó dum ktedengen tekuy yóm Mà tekuy bè longit. Gel nmoen bélê tekuy yóm hyu bélê tekuy anì gbót tekuy bè yóm kun klaen dù belen.
Ke deng hemtahu bè Dwata yóm tau, ne ke tnagaken, là kô bud gbeken du ne mawik nawahen ebè Dwata anì hegsel. Yóm tau monu yó, deng tehe hlayag Dwata kehedemen, ne deng gnómen yóm deng blay Dwata du lemwót gu bè longit, ne yóm deng knóen béléen yóm kun Tulus Dwata.
Ó kem dumuhu setwoli, yóm deng tnaba Dwata mò kem tauhen. Hol hendem tekuy dé Jisas. Du se yóm deng hógów Dwata elem blóng tekuy mò fen blóng tekuy ebè Dwata bè yóm kehtahu tekuy.
Okóm yóm koyu ulib nfun Dwata yó, deng wen hanga kenlengen du ne tugoden du bè yóm hanga koyu ulib tehe nwahen tmowok lem dlag. Yu kem tau là Ju le, hol lómón ke yu yóm koyu ulib lem dlag. Deng ye gomong lembud bè yóm koyu hyu nfun Dwata, duhen yó kem Ju.
Yóm deng ton me ne yóm deng gungol me béléen, yó se heglalag me bélê ye anì tilob kesfulung tekuy ebè yóm Mà tekuy bè longit ne ebè Jisas Krays yóm Ngaen.
Ne ni wen udélu ebélê ye, yu kem tuha gónó le gel galak yó kem tau hemtahu. Ou se sotu dumu ye tuha gel malak snéen. Lelen yó he deng tonu se dou yóm tehe keglayam Krays bélê tekuy, ne gomonge snéen dou bè yóm kdaw angat kegfan yóm kegetahen. Ni se yóm hlauhu kuy.
Hol néen ke hemtahu bè Dwata yóm mfun kul, là hyuhen ke là nimón le du, yakà deng le setwoli bè Krays. Mom monem yó ne hol keged le mò nmò bélê le, abay se yóm tau gmuta du yóm len-ged le, kul dumu hemtahu kenbong nawa. Hol henkimedem tmolok du kul ni kem ni, ne hol gendufem lu mò du.
Bè yó gónó tekuy mton du yóm tey kkodu Dwata tau, ne yóm tey ktafaken kul. Tnafaken yó kem tau là hemtahuhen. Okóm tey knoduhen yu, syan ke là monolen yóm kehtahu ye. Okóm ke snonol ye, angat bud ntoken yu snéen kuy.
Ke wen kehtahu tekuy bè Dwata, bè yó gónó tekuy temngón du tahu dohò kguta tekuy du yóm hendón nefet nawa tekuy, ne tahu dohò kton tekuy du yóm là deng ton tekuy du he.