Hibru 3:13 - Udél Dwata: Gna Kesfasad ne Lomi Kesfasad

¹³ Okóm yó dé yóm hol tnana nmò ye yóm igoen tolo wen kdaw blay Dwata tekuy, hol ye setgel ket kdaw anì laen dù bélê ye gtondo bè yóm sidek, ne hlós baling tau là mimón.

Hibru 3:13 Referans Kwoze

1 Tisalunika 5:11

Duhen yó, hol ye gel setgel, ne hol ye gel stóbóng, lómón yóm gel nmò ye nim kmoen ni.

2 Timuti 4:2

Hol béem tenflok tmulón du yóm Udél Dwata. Tnanahem hból du nim kmoen ni, kihu ke hnungol le duhen ke là. Hol heglilebem kul yóm là tedengen. Bnólówem ke wen gónó le tlas, ne hol gendufem lu bè kehtahu le. Hol hanayem nawahem tmolok kul.

1 Tisalunika 4:18

Duhen ni, bè ni kem tulón me kuy ni koni mò udél temgel kuy ke wen lenangag ye.

Sulat Pol Ebè Yó Kem Tau Hemtahu Bè Rom 7:11

Tey sidek kegtondohu bè yóm nawahu móyô mò sidek, abay se sónmoen kemteng dou anì nuléhu yóm hlau. Mom yó uléken yóm nmou yó, hatay.

Kul Nmò 11:23

Timbow kól bè yó, ya tey kehyu nawahen yóm ktonen yóm któbóng Dwata kul. Gel gendufen lu anì hol le teneb, ne là monol nawa le ebè yóm gónó le mogot.

Sulat Jim 1:14

Okóm yó gónón gsindil yóm tau ke henbeyenen yóm kun knóyô là hyuhen.

Ifisus 4:22

Yó gónóm mon, hol kó ye dé yóm gna nmò ye tganay, yóm gel mit kuy mò sidek. Yóm nmò ye yó, megtondo ye du, mom hensideken knô ye.

Ubadaya 1:3

Tey keheklabakem abay se hono botu mgemel yóm gónóhem nô, tódô ye nô ta yó kem bulul geta. Yó udél ye, ‘Tau du de tô gmuta tekuy bè ni?’ Bê. Hol bê ye abay tnondo knô ye.

Kem Udél Hlalak Tehe Selumun 28:26

Book yóm tau tódô doen yóm kun kehedem, okóm yóm tau hulung hedem gewà bè yóm sidek.

1 Tisalunika 2:11

Tódô tngón ye se yóm tehe gel kmò me kuy, hol lómón yóm kmò yóm mà ebè yó kem ngaen.

Isaya 44:20

Yóm nmoen yóm tau yó, lómón ke mken kohù laen dù gónón mowil du. Ungel nmoen yóm yó, olon tmondo knóen. Laen dù lanem tmóbóng du yóm tau yó. Là kô dilóen du yóm koyu lennged nogoten, sundu tahu dwata du.

Hibru 13:22

Ó kem do dumu setwoli, hol hanay ye nawa ye hmungol du nim udélu mò gemduf kuy ni, yakem tahà se nim sulatu ni.