Hibru 3:12 - Udél Dwata: Gna Kesfasad ne Lomi Kesfasad

¹² Ó kem dumuhu setwoli, hol ye eles temgama anì là nóen bélê ye yóm knawa sidek, yóm knawa là mimón. Lemwót bè yóm knawa yó gónó ye kmogol ke Dwata, yóm Dwata laen dù tul katayen.

Hibru 3:12 Referans Kwoze

Jirimaya 17:5

Yó udél Dwata, monen, “Megtafak yóm tau ke knogolen ou ne ke smalig bè kgis tau te tonok.

Jirimaya 7:24

Okóm yó kem tehe fù ye yó, là kô hnungol le dou ne là se kô kenmón le do. Deng mom yó nmò le yóm sidek lemwót bè yóm kgel kulu le ne yó kem sidek gel nô bè nawa le. Són moen temnù yóm ksidek nmò le, deng lana yóm hyu tehe tonu bélê le.

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Jirimaya 18:12

Okóm yó angat balà le kóm, mon le, “Bê. Moen de ke tô tenflok me? Hono me kem tau mgel kulu nim kum, tódô nmò me yóm sidek kum knóyô nmò.”

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

1 Kurin 10:12

Duhen yó, ke yó hendem yóm sotu tau, là mahilen btang elem sindil, yake hol ten-gamahen, kô wen gónón btang.

Hibru 10:38

Yó kem dou tau deng baling tedeng kmò le, lemwót bè yóm kehtahu le béléu gónó le hlós mowil. Okóm ke knogol le yóm kehtahu le béléu, là kô wen bud nawahu ebélê le ne.”

Jirimaya 11:8

Okóm yó kem fù ye, là kô kenmón le dou. Balù udì ke hnungol le ou. Mom hgel le kulu le, lolò le yóm óyô le mò sidek. Lemwót bè yóm là kimón le, yó gónóhu heglumfak du kul yóm kdê tafak deng nô lem yóm tehe senfasad me.’ ” Là gomongen bè nili yóm bérs 9 kól bè bérs 23. Yó tulónen bè ni kem bérs ni yóm kkogol le ke Dwata yó kem tau Israél ne yóm angat keglà Dwata kul dalang se yóm benwu le, lemwót bè yóm là kimón le du yóm deng tehe senfasad le Dwata. Yó udél Dwata ebè Jirimaya, monen, “Hol béi abay bud mni béléu bè yó kem tau yó. Béem bud nkik lu ne, abay se là bud hnungolu kul ke hkodu le béléu.” Yó nmò yó kem tau bè yóm kun benwu Jirimaya, deng mom nifis hnatay le Jirimaya ke wen udél Dwata bud tugoden. Okóm deng eles fasad Dwata yóm keklungen du ne yóm angat ktafaken yó kem tau tô hmatay du.

Hibru 12:15

Hol ten-gama ye anì là wen bélê ye bè yó kmogol du yóm tey nawa Dwata ebéléen. Hol ten-gama ye yóm nawa là hmifót. Ke hlingónu du yóm nawa yó, hol lómón ke yóm kluon wen alasen, gbeken alì hmayam du yóm tau glo du.

Hibru 3:10

Yó se gónóhu alì lembut kul, ne yó gónóhu mon du, ‘Hono kem tau tabag kehedem le yóm kdê le, mom kenbê le yóm dou hlolò kul.’

Mark 13:33

Yó gónóm mon, eles ye temgama, ne bê ye hlingay, abay se là kô tngón ye du yóm kdaw angat kkólu.

Matyu 24:4

Bnalà Jisas lu, monen, “Hol ten-gama ye anì laen dù tau gónó ye gsukat.

Jirimaya 3:17

Bè yóm kdaw yó, yó angat boluy Jirusalim, Gónón Myón Kmamal Dwata. Ne angat le gotu stifun bè yó yóm kdéen but tau bè klamangen benwu mò gónó le hegfan du yóm kadat le dou. Là bud lolò le du ne yó kem sidek tehe gel nmò le lemwót bè yóm kgel kulu le.

Jirimaya 2:13

“Yakà deng wen lewu salà nmò le béléu yó kem dou tau. Deng tebel le ou, yóm sfut él gónó le mowil ne deng wen sol nokol le nbeng le botu mò gónó le hemsù él, okóm deng mom molo yóm él sù le lemen.”

Kem Udél Hlalak Tehe Selumun 1:32

Yó kem tau là ngelem kehedem le matay le, lan le kembê yóm khulung hedem. Yó kem tau book meglà le se kul lemwót bè yóm là dog kehedem le du.

Mark 13:9

Eles hol ten-gama ye,” mon Jisas, “abay se angat wen kem tau kemfô kuy, nit le yu ebè yóm gónô skukum, angat nabid nfes le yu bè yó kem kul gónô gel stifun yó kem Ju. Lemwót bè yóm klolò ye do, angat nit le yu bè solu yó kem gubérnor, ne bè yó kem dumu tau hol geta. Yó se yóm kdaw tnana keheglileb ye yóm Tulón Hyu.

Husiya 1:2

Bè yóm tanay kehlan Dwata du ta Husiya yóm kudélen ebè kem tau Israél, yó monen mò du, “Ó Husiya lemwóti ne mebeli libun hdóyón mò yehenem, duhen yó, yó kem dumu ngaen lemwót bè dumu logi, angat le menmà béléem. Hol lómón yó se deng nmò le béléu yó kem dou tau, lómón ke hdóyón le lan le gel tmaba ebè yó kem dwata kéng.”

1 Tisalunika 1:9

Gotu tulón le kum yóm tehe tey khódó ye kum ekni bè yóm tehe ksut me bélê ye dyó, ne yóm deng kkogol ye yó kem dwata kéng, ne yóm deng kimón ye ke Dwata yóm hol tahu Dwata, yóm Dwata laen tul katayen.

Kem Lingón 18:21

Abay se deng lolou yóm kun lan Dwata, ne là kô knogolu du ke tô nmou yóm sidek.

Sulat Pol Ebè Yó Kem Tau Hemtahu Bè Rom 11:21

Ke là dog nali Dwata du yó kem tahu hangahen yóm koyu yó, duhen yó kem Ju, milud he yó du kem olo hanga lenbù htowoken du.

Kun Snulat Luk 21:8

Mon Jisas se mò kul, “Hol ten-gama ye anì laen dù tau gónó ye gsukat. Abay se angat dê tau sut tô hlingu béléu. Yó angat mon le, ‘Ou se yóm Misaya.’ Ne yó sotu mon le, ‘Deng hto ne yóm hol són kdaw.’ Okóm bê ye abay hentahu lu.

Mark 13:23

Eles tulónu kuy ni kem ni anì hol ye getgama.”

Matyu 16:16

Fen bnalà Simun Pitér, monen, “Uu se yóm Misaya, yóm Ngà yóm Dwata laen kô dù tul katayen.”

Tekang Kbuten 8:21

Yóm boo yóm dsuen yó, tey hyu nawa Dwata du ne yó hendemen, “Là kô bud genlau du ne yóm tonok ne yóm kentihen nô tahen lemwót bè sidek gel nmò tau. Tódô tngónu yóm tau, lemwót bè hanà kudien yóm kwen sidek nô lem hendemen. Là kô naw e bud genlà kul ne yóm kentihen mowil talak tonok lómón yóm deng nmou bélê le ni.

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Kulasi 2:8

Duhen ni, hol ten-gama ye anì là gfét ye bè yóm tolok lemwót bè ketngón tau te tonok, yóm laen dù lemen. Yóm kul ktolok yó, dnalang le bè tau, yóm gel hentahu yó kem tau gnan, ne dnalang le bè yó kem tulus sidek nô bè klamangen benwu. Là kóen lemwót bè Krays.

Hibru 3:1

Ó kem dumuhu setwoli, yóm deng tnaba Dwata mò kem tauhen. Hol hendem tekuy dé Jisas. Du se yóm deng hógów Dwata elem blóng tekuy mò fen blóng tekuy ebè Dwata bè yóm kehtahu tekuy.

Hibru 3:19

Tahu se, laen kô dù bélê le gehlós ebè tum benwu tu lemwót bè yóm là kehtahu le.

Hibru 9:14

Ke tehe wen ktueden yóm kul litô yó kem ógóf, milud he ktueden yóm kun litô Krays. Mlan bè kun tóbóng yóm Tulus Dwata laen dù tul katayen, yó gónó Krays tódô hamà du yóm kun klowil mò dsuen ebè Dwata, yóm dsù tódô ket du. Yóm litô dsuen yó, gbeken mkó du bélê tekuy yóm sidek gel hemblat tekuy lemwót bè yóm là kegtóbóngen tekuy yó kem dê tehe gel lolò tekuy. Ne ni kmoen ni, gbek tekuy mò du yóm hmò Dwata tekuy, yóm Dwata laen dù tul katayen.

Hibru 10:31

Ke Dwata fen tmafak tekuy, yóm Dwata laen dù tul katayen, yó se yóm tafak alì knikò.

Hibru 12:22

Okóm bélê tekuy, tey tólóng yóm kehloni tekuy ebè Dwata nim kmoen ni. Laen dù bang gónó tekuy likò. Lómón ke deng tekuy hloni ebè yóm bulul Sayun, ne yóm hol benwu bong gónóhen nô Dwata, yóm Dwata laen dù tul katayen. Yóm benwu yó, yó se yóm Jirusalim bè longit, gónóhen hol nô yó kem hilu libu hógów Dwata.