Hibru 2:9 - Udél Dwata: Gna Kesfasad ne Lomi Kesfasad

⁹ Okóm deng ton tekuy Jisas. Bè yóm tehe knóen te tonok, hlun heglaan Dwata bè yó kem gel hógówen gu bè longit anì fen na a matay bè kdéen tau. Yó se mò lan Dwata tmóbóng kul. Okóm ni kmoen ni, deng ton tekuy yóm tey kehegeta Dwata du, ne yóm tey kadat le du lemwót bè yóm keglayamen bè yóm katayen bélê tekuy.

Hibru 2:9 Referans Kwoze

Deng Hegfan 5:9

Ne semngal le yóm lomi sngal, monen, “Són u se yóm knóón bang ma du yóm sulat lenulun ne mkó yó kem dketen, yakà uu du yóm deng tehe hnatay le. Lemwót bè yóm litô namaem yó, yó gónón wen tau benlihem mò kun tau nfun Dwata. Yó kem tau benlihem yó, tódô lemwót bè ket but tau, ne bè ket udél tau, ne bè ket but tau.

1 Jan 2:2

Hol du se mò lanen yóm gónó Dwata hmifót du yó kem salà tekuy. Là sónen du yóm salà tekuy hnifóten, okóm hnifóten snéen yóm kentihen salà tau bè klamangen benwu.

Sulat Pol Ebè Yó Kem Tau Hemtahu Bè Rom 5:18

Ne duhen yó, lemwót bè yóm sotu salà, yó gónón megtafak kdéen tau. Okóm bud lemwót bè yóm sotu nmò hyu, yó gónón mkó ta le yóm kegtafak le yó, ne bè yó se gónó le gmuta yóm klowil laen kô dù tul sónen.

Kul Nmò 2:33

Ne ni deng tey kehegeta Dwata du, yóm Maen bè longit. Deng hyónen fi bè kwananen, ne deng blayen du yóm tehe fasaden béléen, duhen yóm kun Tulus. Ne tódô bud heflós Jisas ebélê me se kum yóm Tulus Dwata yó, duhen ni sem deng ton ye bélê me ni, ne deng gungol ye.

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

2 Kurin 5:15

Du se matay bè kdéen tau anì yó, yóm kdê tekuy hanà tolo mowil, là kô bud lolò tekuy du ne yóm knóyô tekuy, són yóm kun knóyô Krays yóm lolò tekuy. Yakà bélê tekuy du gónón lemwót matay ne gónón bud mowil gu lem hatay.

Hibru 10:5

Yó gónóm mon, bè yóm móyón kewót Krays elem benwu, yó tehe monen mò ke Dwata, “Là nóen du nawahem yóm ógóf gel dsù tau, ne yó kem dumu gel blay le. Yó se gónóm na hlan do bè yóm lówó tau.

Sulat Pol Ebè Yó Kem Tau Hemtahu Bè Rom 5:8

Okóm ke Dwata kun, deng hegfanen yóm tey kbong nawahen tekuy bè yóm tehe le khógówen ke Krays edini, mò fen matay bélê tekuy igò tekuy tolo gemsalà.

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

Kun Snulat Jan 12:32

Ke deng hdà le ou eta bè yóm kros,” mon Jisas, “yó se mò lanu mit kdéen tau mò lemolò do.”

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

1 Pitér 1:21

Mlan bè Krays yóm gónó tekuy hemtahu bè Dwata, yóm Dwata tehe hlowil du gu lem hatay, ne tey kehegetahen du. Yó gónón alì mbegel yóm kehtahu tekuy bè Dwata ne yóm hendón tekuy béléen.

Hibru 8:3

Bè ni te tonok, yóm tau mò blóng le ebè Dwata, yó gónó le mélék du anì mlan béléen yóm gel blay le ke Dwata ne yóm ógóf gel dsù le ebéléen. Senged se yóm fen semblóng tekuy ebè Dwata, là hyuhen ke là wen dsuen se kun.

1 Timuti 2:6

Deng hamaen kun klowil mò soken yóm kdéen tau deng tehe golu elem hatay. Bè yóm tehe katay Jisas bè yóm kdaw tehe buteng Dwata du, bè yó gónó tekuy dmilô du yóm hol kun kóyô Dwata bè tau, duhen yóm kegewà le gu lem hatay.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Sulat Pol Ebè Yó Kem Tau Hemtahu Bè Rom 8:32

Ke là nalihen du yóm hol tek sotu Ngaen, tódô hamaen klowilen bélê tekuy, sélét mom yó ne là blayen du tekuy yóm kdê deng tehe fasaden tekuy.

Glasya 4:4

Okóm yóm kehto yóm buteng deng tehe fét Dwata, tódô hógówen yóm hol kun Ngà mò na a hbaling ngà tau, bede nan sut bè libun. Bè yóm deng kbongen nim Ngà ni, tódô gotu loloen yóm kum hlau kem tau Ju.

Kul Nmò 3:13

Ni se nmò yóm Dwata gónó le hemtahu yó kem tehe fù tekuy ekni, le Abraham ne Isak ne Jakub. Hlanen bè Jisas yóm kmoen du, yóm tau tehe hógówen, yóm deng alì hegetahen ni kmoen ni. Okóm du se yóm deng eted ye elem tdok yó kem tau mogot kukum. Tey kesekbê ye du bè solu Paylét, igò Paylét tô móyô hefewà du.

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Sulat Pol Ebè Yó Kem Tau Hemtahu Bè Rom 8:3

Yóm hlau, là kô gbeken mkó du yóm kfasang yóm salà bè klowil tekuy abay se laen dù tau tódô gembek lemolò du lemwót bè yóm tey klunog tekuy. Okóm wen kun atul Dwata, hógówen yóm Ngaen na a hbaling bè lówó tau, lómón yóm lówó tekuy kem tau gemsalà na a matay mò lanen tmuled yóm salà.

Kun Snulat Jan 10:17

Ne bud mon Jisas, “Tey kbong nawa Mà do, abay se tódô lemwót bè dou kóyô hamà du yóm dou klowil bè yó kem tau. Okóm angat bud gutahu snéen yóm hamau bélê le yó.

Kun Snulat Jan 8:52

Bnalà le se, mon le mò du, “Ni deng tngón me wen busaw malak kóm. Igoen deng matay Abraham dalang se yó kem tehe gna tugod Dwata. Okóm yó monem, ke wen tau mimón du yóm tolokem, là kóen na a matay.

Matyu 16:28

Tódô tulónu kuy ktahuhen, angat wen he bélê ye bè ni gmafit mton du yóm bud kesfuléken edini yóm Ngà Tau mò kmamal yóm klamangen.”

Deng Hegfan 19:12

Hol lómón ke dilóf ofi yóm lem matahen. Ne tey dê kuruna bè kuluhen. Ne wen boluy deng snulat bè lówóhen, okóm laen dù temngón du lanen yóm boluy yó, tek són du.

Hibru 2:7

Deng hlun heglaanem lu bè yó kem gel hógówem gu bè longit. Tehe oluhem kul yóm kegeta le, ne yóm kadat le kul,

Kun Snulat Luk 9:27

Tódô tulónu kuy ktahuhen, wen he bélê ye gmafit mton du yóm kogot Dwata tau gu laan ye là deng matay.”

Mark 9:1

Bud mon Jisas mò kul, “Tódô tulónu kuy ktahuhen, wen he bélê ye gmafit mton du gu laan ye là deng matay yóm kogot Dwata tau ne yóm tey kegbeken.”

Matyu 6:28

Ne moen de ke lenóngón ye nawa yóm kmò knes ye? Tenngel ye dé yó kem bulók lem bnes. Là kô le mò nmò kul, ne là se kô le mewel mò nes le.

Isaya 11:1

Yóm kun kesfu tehe Dabid hol lómón yóm koyu deng nofok. Okóm yóm tuhoden bud wen lomi uléken. Hol lómón se yó ne ke Dabid, angat wen bud lomi tau hol geta semfu gu béléen.

Kun Snulat Jan 8:51

Tódô tulónu kuy ktahuhen,” mon Jisas, “yó se tau mimón yóm dou tolok, là kóen na a matay.”

Hibru 1:9

Tey hyu nawahem du yóm nmò tedeng, ne kenbéem yóm nmò sidek. Yó gónóhu mélék kóm mò hegetahu ne mò hnigalu senta yó kem dumuhem.”

Hibru 11:5

Senged se ke tehe Inuk ekni. Lemwót bè kehtahuhen bè Dwata, yó gónón là dog matay, tódô hbatun Dwata etta bè longit. Tey kehebel le du, okóm là ton le du, abay se deng tódô nangay Dwata. Deng wen tulónen bè Sulat Dwata bè yóm tey tehe gel kehefligalen ke Dwata yóm Inuk gu laanen là deng mbatun.Ke là hemtahuhen yóm tau, là kô gbeken hefligal ke Dwata. Ke wen tau tô hloni ebéléen, là gbeken du ke là hentahuhen du yóm kwen Dwata, ne yóm kwen ofol blayen bè yó kem tau hloni ebéléen.

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.