Hibru 2:7 - Udél Dwata: Gna Kesfasad ne Lomi Kesfasad

⁷ Deng hlun heglaanem lu bè yó kem gel hógówem gu bè longit. Tehe oluhem kul yóm kegeta le, ne yóm kadat le kul,

Hibru 2:7 Referans Kwoze

Kem Lingón 8:5

Bè yóm tehe kifilem tau, tek udì yóm gónóm là hsenged du béléem. Deng tey kehegetahem du, ne tey kadatem du.

Kem Lingón 8:6

Deng gotu sigangem tahen yóm kentihen

Sulat Pol Ebè Yó Kem Tau Hemtahu Bè Rom 2:7

Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.

Sulat Pol Ebè Yó Kem Tau Hemtahu Bè Rom 2:10

Okóm kul yó kem tau mò du yóm hyu, angat tey kdóyón Dwata kul, ne tey kadaten kul, ne heneken nawa le, lenwóten bè yó kem Ju kkólen bè yó kem tau là Ju le.

1 Timuti 1:17

Hol bê te abay lensón yóm kadat te ke Dwata ne yóm kdóyón te du. Du se yóm tahu geta mogot yóm klamangen. Laen dù sónen yóm kun kogot. Tek són du yóm hol tahu Dwata laen kô tul katayen, ne là kô deng hnikót ton mata du.

Hibru 2:9

Okóm deng ton tekuy Jisas. Bè yóm tehe knóen te tonok, hlun heglaan Dwata bè yó kem gel hógówen gu bè longit anì fen na a matay bè kdéen tau. Yó se mò lan Dwata tmóbóng kul. Okóm ni kmoen ni, deng ton tekuy yóm tey kehegeta Dwata du, ne yóm tey kadat le du lemwót bè yóm keglayamen bè yóm katayen bélê tekuy.